OpenRise's Profile

唔係因為餐飲劵食600蚊, 都未必會來呢度食!先講自己個208蚊海鮮拼多士(lunch set)2粒蜆1隻青口1隻中蝦1粒帶子2件三文魚2入件魷魚食完仲係餓!!!!加38蚊叫咗個沙律, 味道叫做唔錯...除咗呢個, 叫加咗個蘋果撻配雪糕(58蚊)!雪糕係冇乜機會出錯的， 可惜個蘋果乾片... 硬到咬唔開!!!! 另外, 再叫咗美國肉眼扒, 7成熟, 可惜出來是全熟... 又歪又咬唔開... 份量.... 又細! 總結: 唔值!…Read More

一次過滿足哂榴槤癮的地方! 由於榴槤好多品種, 真係好想一次過食哂佢地! 趁阿仔返咗學, 就同老公去食榴槤大餐! 對上嗰次係馬來西亞食貓山王, 一直念念不忘! 今次有得食咁多款榴槤, 真係好爽! 先講「榴槤品鑒盤」$298 : 一共有5款榴槤, 店員教由頭開始食, 淡至濃味先有得慢慢品嘗! 五款入面, 我對"長柄" 較有好感, 因為肉多核小! 另外"山頂xo" 好creamy ! 另外食咗一杯叫做" 一啖貓山王跌落奶"$58! 好濃好濃的榴槤奶昔，味道無得輸!!杰杰地, 又會食到榴槤肉呢！ 正!! 唔係講笑, 食完真係飽咗! 今次一試, 就搵到自己心目中的榴槤味道! 咁多款, 各有獨特味道! 平時無乜機會可以咁樣樣品種試下, 今次真係好機會! 好體驗! …Read More

一個人的晚餐，想靜靜地，唔使迫，可以考慮北角區的這一間，不需要擔心有住客同你迫，次次去都係坐得4成客人。夜晚dinner 係一set set咁叫， 餐湯，麵包，果汁，咖啡茶全都是自助的。任飲任食! 而set dinner款式都幾多下，價錢80至200蚊左右。今次就食豪d, 叫咗西冷牛扒7成熟吧！開頭諗住7成來到變9成啦～ 點知切開後仲係好生，真係7成熟! 都有牛味，夠大件! 但配薯條就普通較硬，下次配飯好d! 另外餐湯就真係好好味，係磨菇忌廉湯，因為任飲既關係，個人都飲咗三碗，配埋焗多士，真心好正!一個人食，靜靜地，員工又不會打攪，也不會吹你交枱，其實都幾嘆! …Read More

先生早3星期經信用咭book了下午茶自助餐，由於一早已經係信用咭過數，才可以享有買一送一優惠。大約每人180蚊左右。其實呢間自助餐，好耐之前已經想試，無奈無優惠就覺得好貴，一路都唔捨得食。今次下午茶買一送一，算是唯一好機會來試下!下午茶自助餐，大致提供既野食都好平民化，例如：車仔麵食既豬皮豬紅蘿蔔，咖哩魚蛋，燒雞翅膀，炒飯粉麵，ribs, 忌廉粟米，壽司（不提供刺身），豆腐花，雪耳木瓜湯水，雲吞，酒樓點心和三文治等糕點。飲品只包一杯餐飲，但有咖啡機可以自己沖。最想推介：沙田蘋果派，香脆有果肉芒果布丁，濃郁芒果汁做底，正!…Read More

仲諗住好好味，驚為天人 ，無可抗拒， 唔食唔得， 原來普通過普通 ，自己拎屋企個觀醬落去都仲好食過佢。 仲要限住每個餐得一個醬，未免太孤寒吧！唯一可取之處， 就是咖啡和奶茶11點前任飲。這間麥當勞薯條太難食， 又淋， 又凍， 所以不要嗌餐或要求重新再炸…Read More

去開佐敦谷玩，之後肚餓想食野， 除咗可以搭車去附近淘大食嘢之外 ，今次就去附近順利邨嗰邊去睇下 。上網搵到有呢間東城酒樓，去到附近發現係街坊食嘅酒樓， 幫襯嘅全部都係街坊 ！ 地方雖然唔大，但係都夠坐，唔需要搭枱同又有bb櫈 ！叫咗蝦餃，燒賣，叉燒包 。碟碟都好大碟，仲有燒鵝瀨粉同腩仔河粉，又係好大碟，可以夠兩個人食啦！價錢都係26蚊一碗 ，仲有雞扎 ，牛肉，都係大大舊同好好味， 比起連鎖嘅酒樓，質素同份量都爭好遠 ，仲有紅豆沙好夠面唔係一粒粒硬豆！ 四個大人同兩個bb，埋單都係四舊水都唔使，好抵！下次一定會再去！…Read More

呢一間都算係九龍灣區一個幾好坐嘅地方 鄰近又有遊樂場，啱同bb小朋友去放電然之後就去嗰度食下午茶！ 跟住佢哋嘅早餐set都好抵食，一個湯粉再加個牛角包，加埋個沙律再加熱飲都係39蚊啫 ！平日好好坐，唔會人趕你走，下午茶好抵食。如果近六點鐘前去食呢就會大約48蚊， 48蚊餐可以食到肉醬意粉或焗豬扒飯呢啲套餐 ，嗰晚餐係嗰個份量同嗰個晚餐一樣大大件食完可以夜晚慳番 ！加上坐位坐得舒服又有bb凳好啱帶埋bb一齊去食！…Read More

都唔記得第幾次來食下午茶自助餐，因為先生係有A+會員咭，可以享有買一送一既優惠，所以一家三口可以食一次慳到好多！（當日午餐留肚，之後去食，到晚餐仲飽緊）其實一般既自助餐有的佢地都有，但今次見到今次竟然有好多款既蕃茄（黃色，綠色，黑色），仲要好新鮮先驚喜。仔仔最鐘意就係蕃茄，呢款就啱哂佢啦！除此之外，平日買新鮮沙律菜都好貴，但呢度既沙律菜係新鮮外，仲要多種類，單單食呢個都條數都抵返！ 刺身，甜品，中式同西式都係唔錯的，另外雪糕方面，推介楊枝金露味道，好香同味道十足十，不假香精味！正！期待聖誕自助餐！…Read More

天氣凍凍地，除咗打邊爐係必做之外，就係食熱辣辣川菜，上次試過呢間漁牧唔錯，今次再同朋友來撐枱腳！今次我地3大1bb去到，坐卡位，bb椅係半坐式，既係酒樓加坐係大椅上那款！本人bb較好動，所以要全晚捉住！除咗係咁，其他都係闊落同乾淨！呢個我重點推介，口水雞，好香，唔算好辣同少骨！ 呢杯酸梅湯，真係有話梅跟，仲要有肉食㖭！…Read More

老爺買咗新手機，成日話要出街影美食，分享去佢地朋友組到“威威”曬下命！ 今次老爺提議話想學韓劇入面既人食燒肉，一講到呢度，就諗起我之前食過既宮崎，可能上次我都有影相放組群“威”過，老爺睇到就即當然支持啦！今次攪緊沖繩主題晚市放題會有多款不同「沖繩直送」食品，阿古豚肉餃子、白豚腩、紫薯麻糬波波、塔可波波、塔可醬丼、黑咖喱丼、沖繩 3 色腸(脆皮腸、辛辣腸、豚肉白腸)…… 食後感…… 可以一試！ 但最好留肚食其他……(因為幾飽肚！）…Read More

好耐冇一家人去撐枱腳，而先生今次安排食川菜，對我來講係好有新鮮感。一直我都好怕刺激食物，但原來少少辣仲更加可以提升鮮味！ 今次真係改觀！來緊中秋家庭做節食飯可以再去！…Read More

朋友介紹之下來到尚鮮, 滿足一下喜歡日本既我~!自從生完BB後都好少機會出街食韓燒, 一來怕大油煙, 二來怕BB會係枱上攪攪震, 做成危險~(話哂咁大個爐係枱面) 原來我擔心多咗~!!至於服務方面: 我個人覺得好貼心, 因為訂位時己通知會有BB, 所以職員都一早給我們安排BB坐位同用具!上食物方面, 落完ORDER (IPAD自助落單), 2分鐘內己有第一味餸, 唔會要你等十世~!!由於只可以放12張相, 仲有好多"美食"都未能同大家分享~!…Read More

今日瞓醒...都已經下午啦...見肚仔餓又岩時間....食個下午茶先~~~約左朋友去灣仔麵軒度磨下時間...由於眼闊肚窄的關係..一次過叫左三人份量....( 可惜我得二人行)肥牛炒烏冬--比我想像中少了一點鑊氣, 所以我興趣不大咖喱吉列魚塊---呢個唔可以唔推介比大家, 好味, 汁夠濃, 魚夠脆, 又有汁奶醬豬仔包---我鐘意佢有花生醬混合...超好味!必食!鹽酥雞---我呢個台灣男友對呢個食物有要求....對佢既評語是....普通....唔夠味!椒鹽豆腐---夠香口, 唔錯唔錯...至於飲品方面, 选擇真係好多...在場所見以珍珠奶茶比較出名同多人叫...在場環境要值一讚是夠乾淨同埋職員服務一流~~~唔錯..唔錯~~~~…Read More

這一間門口在橫街, 經過不起眼, 名也不出的一間鵝店, 正是我跟男朋友的飯堂~偶然有一次經過門口, 一點都不起眼, 但那一串串的鵝腸, 一隻隻肥美的鵝掛在窗台上!男朋友是鵝痴, 是超級fans, 為了令他有更大的食慾, 我會陪他尋找香港靚鵝!他一眼傾心, 一見鍾情, 他今晚決定在此解決肚子餓的需要!這一間鵝店, 沒有豪華裝修, 很平民化, 很有大排檔的feel! 如果你是有潔僻的, 對不起, 這兒不合你~這裡雖然不起眼, 但客人很多, 相信很多都是熟客, 他們不用看餐牌, 隨意便點到了餸菜! 而我跟男朋友, 像是門外漢的左看右看, 終於決定了今晚食乜餸~我們二人, 不敢點太多, 畢竟不知道餸有多大碟, 太多會浪費, 小碟的話可以再點!今晚點了聖瓜浸九肚魚, 例牌鵝一碟~ 還有大啤一支!鵝很快便送到面前.....很美的肉色, 香噴噴的汁從肉隙中流出, 一件件的整齊排列! 栴醬跟一般大酒樓的分別是比較酦, 像是自家製! 兩者合併, 天作之合!九肚魚在聖瓜湯中是一尾尾的, 沒有散, 也沒有浸爛, 賣相出聚, 得分不少!聖瓜去皮後比較軟身, 但在口中還有香甜! 熱湯, 靚鵝, 甜瓜, 大啤, 魚.....簡簡單單兩味餸, 已經令今晚很難忘!男朋友更說: 靚鵝不是在深井................是在荃灣的~…Read More

很開心很滿足也很滿意的一個晚餐!今晚跟了我一個好朋友食我的生日飯, 正當我在尋找心水餐廳時, 有位朋友見到這間的評語不錯, 便鼓勵我去試試!( 先做白老鼠)由於我是怕等的人, 所以我比喜歡電話訂座, 很不容易才接通, 但是幸運地有位!在電話訂座中, 服務員態度親切, 還有當我問及有沒有生日折扣優惠時, 她們也很有禮貌的說"沒有", 沒有令人有hard feeling 的感覺!當我們到達後, 很快便可以安排入座! 服務員很有親切的為我們送上餐牌!餐廳內的設計也很簡單, 暗暗的, 有卡位和數枱併埋的大枱,牆上有些關於魚的圖畫, 餐桌的擺設也很可愛, 是小花一串!餐牌內主要都是文字, 沒有太多的圖片! 由於我在到訪前曾做了資料搜集, 所以知道什麼必吃的~ 很快我跟朋友便決定了叫一set 情侶套餐! (簡稱二人餐)二人餐內容如下:1/4三文魚刺身 (很鮮,很厚, 加上檸檬汁, 更覺鮮味!)4塊硬多士配三文魚醬 ( 味道甜甜地, 有點像千島醬配三文魚肉味, 必食推介)凱撒沙律 ( 菜很新鮮, 很乾淨, 很欣賞菜是濕濕地, 不會像一般的乾旱和變黃或有枯萎的)一個羅宋湯 ( 普普通通)小食方面: 有大約八款任選其一 , 我們選擇了蜜味香草燒豬仔肶(2隻), 味道不錯, 醬汁是甜甜的, 很入味, 而且啖啖肉, 口感很豐富, 由於我們2個小姐的刀叉功不夠熟練, 所以最後還是用手食吧! 其他還有很多款菜我們都很想試, 但始終都怕眼闊肚窄~:)主菜方面: 大約八至十款的菜色, 但不太記得內容了, 我們點了這兒的招牌煙三文魚蟹籽意粉,味道方面: 很香濃白汁味, 蟹籽是生的, 很爽, 汁的調較非常好, 不會太稀, 每一條意粉都可以有汁包著! 煙三文魚令我有了新的體會, 本人一向都覺得不討好, 因為很咸和味道像吃火柴的, 但今次這煙三文魚令我對這樣食物有了很的觀感, 很出色的一個意粉! 起初還担心會不夠飽, 還打算去試附近的糖水時, 她們為我們送上甜品---cheese cake配雪糕pancake! cheese cake 有點檸檬的香味, 不會有種吃不消的感覺! 而雪糕pancake 配上朱古力醬, 很享受同滿足~這間餐廳比較適合情侶, 親子餐廳, 由於昨晚坐我們附近有大夥人gathering, 所以令整個場都很嘈同吵耳( 他們還要坐在場中間呢!)不過怎樣都不會影響到我品嚐的心情, 這一個晚餐真的很捧! 我一定會再來的~ …Read More