KaPoTam's Profile

因為約左同朋友係紅館睇演唱會，所以同男朋友一齊食飯再join 佢地。原本諗住食南小館，但我前幾日先食完，咁就是但入左呢間食。啲野食出煙又唔熱，男朋友既炸豬扒飯都係。舊炸豬扒係冷藏貨色，試左一啖都係唔熱既...個甜品係ok 既。但食完主菜已經無心機影相。你食完個主菜班姐姐已經趕住幫你收盤。仲問你上唔上甜品。搞到你好趕咁，明明成個場無乜人。食完甜品又係，見你一食完就即收碟，又係趕人走咁...總括而言，呢一餐個價錢真係同食物質素差太遠，早知食番南小館好過🙄🙄…Read More

一出糧又黎左呢度買甜品食今次都係買左咕咕洛夫蛋糕，馬卡龍同埋黑朱古力曲奇。呢個真係好好食！！！蛋糕入面仲有d 朱古力碎，我而家見到張相就好想食喇🤤🤤🤤今次試埋玫瑰荔枝味，焦糖味同呍呢拿味玫瑰荔枝味個餡中間有個好似啫喱既野。口感好得意本身我都好怕焦糖味太甜，但佢又唔會！好煙un, 同埋個餡擠得好平滑，側面睇好治癒啊🤣呍呢嗱味老闆話係用貴價既雲價既雲呢拿籽，唔甜，同埋食完仲齒頰留香！今次仲叫左兩個芝士味，真係好好味同口感太正啦！！仲試埋黑朱古力曲奇，好鬆，唔太甜，好好食～買左兩日而家已經得番1/3包🙈🙈…Read More

第二次黎呢度食野喇第一次黎覺得呢度幾靜，適合同男朋友慶祝生日😛第二次黎都係食蜜糖雞扒芝士雜菜汁意粉個雞扒仲係咁滑咁嫩，好香但今次既意粉好似少左d可能係個度六個客六個都叫呢個餐預少左意粉掛。。。不過就真係適合慢活，叫餐到上意粉都等左半個鐘。。。個湯今次就係甘筍忌廉湯，但個人覺得比上次既磨菇湯更吸引～附既面包仔都好好食～如果你有朋友生日，可以同店員講番，你叫甜品會幫你點蠟燭👍🏻真係一個幾寧靜既地方，可惜比兩枱唔寧靜既人破壞哂。…Read More

之前有經過呢度，見到甜品好靚，但無買黎試。今日心癮起，好想食，收左工就去買。包裝十分精美！！好靚😍老闆即場唧CREAM & 裝飾～先講蛋糕，買了芝麻味給媽媽試。佢唔鐘意太甜既甜品，呢個合佢心意！！cream 好好味😋😋媽咪好鐘意👍🏻仲好鐘意粒迷你馬卡龍，話唔太甜，仲將d cream 同蛋糕碎清埋🙈🙈到我最愛既馬卡龍，我仲以為fix 左d 味，原來可以自己揀🙈於是揀左(焙茶，玄米抹茶，朱古力酒，伯爵茶，芝士，朱古力）粒粒都咁好味，特別老闆推薦既芝士，一定會番轉頭幫襯！👍🏻👍🏻👍🏻PS 老闆加油！！被你的故事所感動！！…Read More

路過呢間鋪頭幾次，幾次都無買過野食今日好掛住太古cantevole 的朱古力麻糬波波！見呢間有得賣就入去睇下有無。有4隻味，$18/6件。買左朱古力同芝士味。太失望！！佢太硬，咬落去sap sap 聲...又乾......好後悔買左6個...而家剩低個d 都唔知點算...入面無味...完全比唔到cantevole 既朱古力麻糬波波...唔通真係搵唔到一間同cantevole 差唔多質素既麻糬波？？再路過都一定唔會再試，同埋鋪頭d 包都唔吸引...…Read More

今日老闆請食飯 一行14人去左食meat king.一早想訂位先既 佢地就講有人訂左20位，無得訂，要我地walk in.咁好啦～walk in去。 有人問我地有無訂位～～～大佬呀～～～係你地唔比我地訂呀～你想我點呀～～～咁都算啦～都安排左個位比我地。我地3個人上去攞位先，老闆要遲d 到。佢地講明一坐低就計個半鐘～（用餐時間只限個半鐘）咁我地咪唔坐低，企係度等～跟住有人走黎同我地講啦，比我地用餐用多3個字，咁我地就坐低左。坐低左叫左野食，等緊既時候呢，又有人黎問我地係咪真係唔係我地訂位～（個20位）咪講左我地無訂位囉～你唔信咪打個電話睇下我地有無人電話響～lunch set 可以免費享用沙律吧好啦 野食到開餐啦。食到7788.有人未食完，隻碟仲有1/4剩，佢走去想收左人地隻碟，仲要係問都唔問。我食緊甜品，咁岩我叉住舊野食，仲有一半既，碟上面既野食哂，佢又係二話不說走去收～我地見到都呆哂～跟住d 態度又係差到爆，拎張卡片黎，叫我地下次多人訂位。而家係你地唔比我地訂呀🙂🙂🙂🙂呢間野 真係絕對唔會有下一次架😀…Read More

老闆請食飯，就去左呢間野食。時間就半個鐘一節，食就食兩個鐘（掛）首先去到環境都幾逼，冷氣直吹頭頂。刺身盤，帶子唔夠甜，呢一轉既三文魚ok同事過八爪魚仔無味，勁難食。甜蝦ok.第二轉三文魚得個凍字！！！！完全無味！！！腎串燒唔夠熱 可以講話完全唔熱。炸野全部得油溢味，食唔到蝦/蟹棒味。淨係食到蝦既質感同油味。壽司飯太酸，紫菜淋既。不過海膽，魚籽同甜蝦可以補番數。甜品得牛奶樂，意式蛋糕同雀巢雪糕，仲要無得揀味...同埋店員唔熟優惠，明明打黎問過有生日優惠：4位一位半價，6位一位免費。無野送既。個陣問店員，佢答我無優惠，得野送。1)清酒 2)壽司蛋糕 3)蟹 4)一板海膽咁揀完呢 有個男同事就無啦啦過黎講：一係有野送就無優惠一係有優惠就唔送野。結果揀左優惠就算(平日198 +1)…Read More

同fd 去完冬季嘉年華，去埋睇紅葉順便去埋元朗食飯。元朗唔熟路，都係fd 帶住行，係元朗廣場見到有euro go go, 想試但fd 唔鐘意，跟住唔知行到邊，我就見到有間鍋貼，我提議話不如個度，佢話咁寧願行番元朗廣場食。行左咁鬼耐，係大棠仲要搭番的士落元朗中心，我緊係死都唔行番去啦，咁岩見到有呢間，就誤打誤撞入左去。係門口見到都有好多set 揀，但我無影到。職員超好！見你個袋大無位放會另外拎張圓鄧比你！另外牆仲好貼心有勾比你掛野我地一人叫左一個set,佢叫A(自選餸拉面/烏冬加個飯再加小食). 我就叫左L(自選餸拉面/烏冬加刺身)刺身方面我叫左兩塊三文魚同兩件帶子估唔到帶子係勁甜，點埋豉油就一流。如果配埋昆布豉油仲正。三文魚好厚！！set A 的嘩鬼炒飯（加埋小食小丸子）個人覺得濕左d, 味道有d 似我媽媽炒的飯😂小丸子我就無試到啦。醬燒牛肉漢堡 配 豬骨湯拉面個漢堡聞落好似好難食咁，但我試左小小又好好味喎，佢好重牛味，完全無雪味。個湯都好正！！我既酥炸蝦餅 配 豬骨湯拉面蝦餅一般般，可以唔試略嫌拉面既粟米太少同埋面既份量有點細好快就清哂。佢個set 包埋野飲，其實我想試其他野飲，但揀唔落手...最尾都係叫左凍OT 少冰杯凍檸茶正，甜度剛好👍🏻同埋睇得出老闆係好嚴格。佢想端野食上張枱，但發現我地張枱未擺位，就細細聲叫職員擺好，職員都好友善！同埋間野播好多串燒歌，Twins 呀，boy'z 呀，衛蘭呀，容祖兒等等...攪到我一路食飯一路唱歌😂唯一一樣要彈就係，門口有露天座位，d 客食煙既時候煙味抽哂入黎......…Read More

之前同男朋友仔行年宵見到，好多人排隊所以無試過。有睇過openrice d 食評既，d 人過總店好味bor.見今日同同事去老闆度拜年，又係係佐敦所以就試下啦。坐埋去仲諗緊食咩，就有人問你。答佢睇緊，咁走左啦個侍應3秒後跟住又走多人埋黎問......叫左一人一碗細狗仔粉（$22)同細雜（$25)狗仔粉ok 既，湯好香蒜味又好甜，菜脯都好好食，有d 冬菇就有d 咬口咁。但成碗野d 味都好濃😶😩食到一半好口渴叫左好耐終於到既細雜我仲以為佢隻千味醬係辣，點知係甜好似甜醬蘿蔔我覺得比較硬身，軟身d 好味d佢個豬肚明明寫五香，食落口係乜味都無好似咬橡筋咁原味大腸好正好肥，但真係太肥......仲有d 豬皮塊塊有毛...見到都唔想食...真係無下次…Read More

住香港仔既都知大佳b 甜品好多人幫襯偏偏佢星期三休息偏偏我星期三同男朋友去食飯😑香港仔得呢間甜品鋪未試，咁就試下啦之前聽朋友講呢間野都係伏...9點到去到，無乜人，可以即入（而家諗番，無乜人都係伏架喇...）收銀姐姐服務態度好好～～～同男朋友睇左陣，佢叫楊枝甘露，我叫原味梳乎厘～楊枝甘露到先～（唔記得影相）佢個汁係白色...人地出面食係應該一黎到就係芒果個色隻架嘛！攪一攪佢先有d 黃色出黎係好淡好淡好淡好淡好淡好淡好淡個隻...佢食食下，同我講：你個朋友真係可靠，信得過，呢間野真係好難食，甜到痴線...跟住等個梳乎厘，等到佢要停低等埋我都4個字先到...收銀姐姐態度真係好，佢見你兩個人，就比兩隻匙羹，仲同我地講開心share,仲提我地小心熱～唉，又係伏。未食過咁難食既梳乎厘...唔甜，又得個奶味，食到底仲一粒粒糖添...(利申細個食過長洲一間叫師妹甜品既梳乎厘，簡直一試難忘)如果之後要食甜品，都係去番糖人街/大佳b 好啦...…Read More

野食又重味精，又貴又少。收銀呀姐態度勁差。佢牆上面張紙貼住北菇滑雞飯$26張單打什菇滑雞飯$29好態度咁問佢點解29蚊佢仲大聲夾惡話下面咪有discount識唔識睇d 態度好到呢。唔想受氣就唔好去食啦！…Read More

星期六晚去左食竹筒飯～好耐無食過啦見某雜誌係facebook 有食評...過黎試下先～都等左幾耐位...有40分鐘...都幾多外籍客人去試～同拎飛個陣佢會比埋張點心紙你～～同埋佢鋪面都幾細入去就叫左個海老肉餅飯（$30)份量都ok la~兩個人食～仲要食其他野肉餅比較重味精味。跟住就黎左個蝦餃先，但唔記得影相普通啦，但皮真係好薄既再黎個燒賣～帶子腸～～ d 皮都幾薄。跟住一人一個灌湯餃。我都係覺得普通啦。食到一半我已經好飽，唯有比埋男朋友食。最最最好味既真係呢個焦糖燉蛋。可以再encore .佢成間店上菜既速度都比較慢。唔知係咪因為枱面比較細，太快上就好快滿～整體都ok ge.…Read More

前幾日，fb 有page 講佢年尾就執未試過，趁放工同男朋友走去試下。去到就唔洗等位既，但係咩都賣哂咁滯。豬扒，沙嗲牛肉，餐包，咩包都賣哂。一坐低，伙記已經講定先。根本變左無野好食。唯有叫個丁面同餐蛋飯。丁面得好少野，連我平時食小小就飽呢碗都唔夠食。飯呢，都係得好少，一個男人根本就唔飽🙄餐飲叫左杯熱奶茶，一杯凍奶茶。熱奶茶ok,好飲過華富銀都個杯。凍奶茶就太甜，唔嚐甜既朋友要叫少甜。呢間野無下次。…Read More

同男朋友第二次去南小館食飯，上次係旺角食，幾好👍🏻今次就去The one 食～大良炒飯係邊間食都咁好味～～～清燉牛𦟌面唔錯，肉同埋筋好林，好食就咁飲個湯都好清甜～好重牛味但係d 面都幾重鹼水味，倒左d 湯落d 面度影縮左d 湯，有點失色。d 面要扣一扣分。另外都叫左生煎包，個底煎得好脆，但嫌唔太夠熱。仲叫左四小碟拼盤，叫左涼拌彩絲，烤麩，醉雞同馬蘭豆腐。最推係烤麩同醉雞。馬蘭豆腐有小小芫茜味，接受唔到既建議唔好食。***佢d 蕎麥茶真係好好飲，不停叫佢fill …Read More