時間就半個鐘一節，食就食兩個鐘（掛）
首先去到環境都幾逼，冷氣直吹頭頂。
刺身盤，帶子唔夠甜，呢一轉既三文魚ok
同事過八爪魚仔無味，勁難食。
甜蝦ok.
第二轉三文魚得個凍字！！！！完全無味！！！
腎串燒唔夠熱 可以講話完全唔熱。
炸野全部得油溢味，食唔到蝦/蟹棒味。
淨係食到蝦既質感同油味。
壽司飯太酸，紫菜淋既。
不過海膽，魚籽同甜蝦可以補番數。
甜品得牛奶樂，意式蛋糕同雀巢雪糕，仲要無得揀味...
同埋店員唔熟優惠，明明打黎問過有生日優惠：4位一位半價，6位一位免費。無野送既。
個陣問店員，佢答我無優惠，得野送。
1)清酒 2)壽司蛋糕 3)蟹 4)一板海膽
咁揀完呢 有個男同事就無啦啦過黎講：一係有野送就無優惠
一係有優惠就唔送野。
結果揀左優惠就算
(平日198 +1)
