ToaLisa's Profile

每次要排隊排10至20分鐘，絕對可以接受，都冇所謂啊，排隊移動速度好快！今次order 沙嗲牛肉米線+奶茶紅豆冰，成碗麵好鹹湯面湯底都好濃，可能配米線差少少，有分別，福麵應該係最傳統最優秀的！今次係第一次去呢間食沙嗲牛肉，整碗麵好鹹，主角是出色的牛肉，好薄有紋理好入味好腍好美觀，今次跟個凍奶茶紅豆冰，個人很喜歡飲奶茶紅豆冰，因為很匹配很夾的！ 值得一提，整體員工很窩心，有禮貌，雖然地方很迫、坐得非常唔舒服， 食物配搭有水準，值得再來幫襯啊…Read More

聽講中午1 點幾到2點，會開始冇脆皮燒肉賣，今次坐低，不慌不忙要燒肉加燒肉飯，職員話不可以，只能燒肉拼其他雞鴨叉燒排骨，因為燒肉貨量不夠賣比其他客！ 記住入去要坐左手邊，右邊是另一檔口，有分別的！ 我和家人坐一張大圓枱，幾班食客都是唔認識的，我哋坐低喺度高談闊論這間舖頭點樣平點樣平，大家食得很開心！我嘅燒肉皮係脆卜卜嘅，但米飯真係爭啲， 明解價錢要將貨就價，影相喺張相度發現，原來師傅俾咗隻鴨肶我，我今日真係Lucky day! …Read More

朋友介紹話包玉剛游泳池樓上的餐廳樣樣小菜都好食，但要強調係冇強勁冷氣，地方不會太好，當然啦，我會選擇晚上去吃！ 天氣太熱，只係想飲杯凍飲🥤就巳足夠了！朋友亦都超讚咕嚕肉好掂！平日星期一至五$50有一個客🍚，貴少少嘅選擇也有特價都有五六款，只係$58，主要係街坊生意，雖然冷氣唔夠，但係有大風扇又有電視機加分！先用電話問清楚店員last order 8:30 , 咕嚕肉售罄， 唔緊要啦，有心理準備冇得食咕嚕肉咪食其他小菜囉！ 電話接線店員，解答清楚有耐性！我到叫咗椒鹽鮮魷、豆腐火腩、鹹酸菜炒牛柳條，3個人食坐OK幾舒服，白飯熱氣騰騰，凍飲加$6 ，下次一定再幫襯要食咕嚕肉！ …Read More

每次一幻開新店都會有限定優惠，我每星期都嚟幫襯，享受今次第一次拉麵買一碗送一碗！$130 食兩碗麵！到今個星期推出嘅優惠係幫襯一碗正價麵，加$28任食餃子！ 我每人叫咗6 x 6 =36 隻，回本！下一個星期再推出嘅優惠係食二人餐，就送$100現金券．一定繼續支持！佢嘅濃濃蝦湯底好入味，第二間舖頭食唔到的，濃蝦味得來唔咸，返到屋企都唔需要特別飲多啲水，足以證明一幻湯底係真材實料！ 可能未有足夠宣傳，鋪面靜英英，但客人坐到最入可以望到維港，又可選擇卡位舒舒服服，各式其色，好好享受一頓日本拉麵🍜…Read More

日系文青店舖裝修，以為去咗Muji 傢俬店，落地大玻璃，開揚景觀。重點就是四週也是打咭處，你幫襯食物一半在於裝修費。最特別之處係有近🪟窗座位係榻榻米，但係冇個放窿放對腳，一定要盤膝而坐，我就冇興趣啦！店內樓底這麽高，應該建築一層閣樓， 更勝一籌，樓梯上閣樓用膳更顯特別，更型格啊！食物方面，選擇不太多，叫木魚玉子燒，薯仔沙律，山泥牛肉冷烏冬，（應該係准山泥，好味）牛肉就級數一般過一般，朱古力香蕉窩夫，一粒栗子窩夫，恕我冒昧，點解窩夫唔係一格格嘅，一般賣相 的甜品，中間的雪糕就幾好味！…Read More

好幾年前，尖沙咀 占師傅 古早咸蛋蛋糕， 味香又濃，好懷念啊！最近又發現一間銅鑼灣，宵夜時段，八點開始，要排隊買嘅古早蛋糕，味道未到最濃香，但係價錢優惠，晚上好多人排隊幫襯！一口氣，買咗四個吾同味道，今次有原味，核桃黑糖，朱古力，流心芝士！原味穩陣，冇咩期望。核桃黑糖，每次都會買，貪心的黑糖更開胃。核桃重口味，但落得孤，到喉唔到肺。流心芝士試過用蒸，同埋翻焗都做唔到流心效果。其實呢間舖頭嘅古早味蛋糕味道真心好淡，如果鍾意濃味的朋友一定不喜歡！ …Read More

晨早做完Facial , 11:20時衝入去樂園，可以食多一個$32 早餐perfect day🙏🏻平時經開見到門面乾淨，廣告寫住全日供應$35 招牌魚蛋粉，一直想吃😃因為入去首先係想要招牌魚蛋粉，因為揭下揭下是有$32吃個早餐，仲經濟呀🫣要求改單，侍應有禮貌，不厭其煩幫我改單😅粟米春卷好爽口，有咬感，清甜味，亦無雪藏味！魚蛋爽滑，附上一匙青蔥，無語論比，奶茶都滑，溫度夠熱！尖沙咀金馬倫道位置又正，又方便，埋單收銀員會說多謝🙏🏻抵讃👍…Read More

好多好多年前嘅稻香一蚊雞，又返返嚟，真要去感受吓！呢間酒樓超級大好快就有位，六個人可以嗌咗三隻雞，想嗌埋個$28鮑魚燉湯，7:20已經冇晒，😭失望。一蚊雞，講明要等45分鐘才上枱，我哋等咗一個小時好失望，既然係KFC嘅雞，主打多人叫，點解唔可以上菜快啲，要客人等一個鐘，簡直係浪費全部人包括㕑房同翻枱嘅時間。其他叫嘅菜式，除咗個羊腩煲正正常常，入味值得吃外，其他全部都唔得，龍蝦伊麵可稱為縮水版，蒜蓉蒸蝦上枱時啲蝦亂七八糟，蟹肉扒雙蔬無任何味道！其實所有嘢都係冇味，但一蚊雞就好鹹！最後想講成個大廳得三個職員招呼，請唔到人真係好慘! …Read More

假日，由屯馬綫帶咗我亦帶咗2兄弟去大圍周圍自遊行。趁有時間，逐間茶餐廳冰室門面水牌研究，最後揀咗呢間二兄茶餐廳，這間舖名應該有兩兄弟的小故事。當日下午茶時間，但冇乜人食車仔麵，大部份叫下午茶餐，款式賣相都吸引，我地好肚餓，有個牛大哥、豬小姐車仔麵，名字好吸引嘅，但今次冇叫，最後但決定焗牛魔王和籠仔蒸龍躉魚片飯加大版。龍躉蒸飯好出色，每粒飯都係黃色充滿蛋汁，加埋淡淡地厚身嘅魚片炸蒜蓉木耳，無論構圖和味道都好有水準，好好味，睇得出廚師很有心機去做這個龍仔飯，夠膽講超越洒樓水準！講埋個焗牛魔王飯，俾佢嚇一嚇，$58咁大份量，飽到晚飯也不用吃。…Read More

新年期間，經過大埔，先醫肚才造訪親友！在大埔四方公園行逛，發現一間裝修雅致，之前未幫襯過嘅新食店，星期六下午茶選擇多，鐵板、意粉、雞髀、西多，梗有一款適合你！選擇咗香煎斧頭豬扒蛋包飯、鹹牛肉滑蛋三文治、煙三文魚火箭菜pizza 、流心芝士西多、上菜速度適中。本來侍應叫我哋五個人，加張圓櫈迫埋落一個卡位，及後想坐得舒服，見附近兩張梳化位客人走咗，於是我們分開兩張枱坐，門外亦冇客人了，侍應也沒有講什麼，也非常友善。整體水準高，價錢親善，侍應和收銀員很有禮貌，加分加分！…Read More

如果去開黃竹坑熟食街市，會食個早餐，是但新鮮熱辣，求其飽肚就是一份滿足的早餐。但今日星期五，平時多數揀地下發記但冇開，不如行上多一層，试吓有冇新體驗！揀咗呢間，[珍珠奶茶美食坊]，其實覺得店名有d奇怪，即管試吓，牛肉通粉同埋牛肉牛肉麵，湯底有些泰式嘅感覺，牛油方包是兩整片夾牛油，並不是得半塊，老闆都好慷慨，Menu寫係炒蛋，上枱變咗煎蛋，不過夠滑，又熱熱地食落唔錯，揀飲品才發現有珍珠奶茶下次一定要試，凍飲不加錢，老闆很慷慨哦！呢度凍飲吾加錢，每份早餐𠄘惠$34 …Read More

高質兼，定價吸引，回饋星期日約了朋友食個早餐集合然後去探另一個朋友。四個人嗌咗共四個早餐，有濃湯牛肉通粉，份量超級大碗，食完飽到夜晚都唔駛再食飯，炸魚柳好似隻手咁大，飲品比較多另外的選擇，叫咗抹茶紅豆冰，凍榛子咖啡，配個拉花，加個主題貓貓鐵匙羹，疏化舒適，檯與檯之間有距離聽唔到別人講乜，景觀就一般，不是望街景，裝修雅致，貓咪主題特色，餐廳有聲有色！坐咗成個鐘，埋單仲有某些職業有九折 offer , win win! …Read More

行過炮台山英皇道，好鍾意[大小姐]三隻字，門面吸引，早餐款式內藏不平凡，花膠火腿通粉，丹麥多士，牛仔腸，隔離個客叫完早餐之後，很緊張自己唔食牛，想問清楚職員，才知牛仔腸也不是牛，只是豬肉，不過條腸仔同平時唔同味道係好味嘅。星期日早餐時段坐滿客人，但凍飲膠杯，殘夠程度好似用咗10年，凍飲膠杯又花又好殘，我用嗰隻仲穿窿漏奶茶到枱面，職員處理方法，攞另一隻杯嚟就咁喺我面前倒落去！我叫的早餐，少咗一條牛仔腸，同職員講完後，提供咗另一種平時的雞肉腸，我問點解唔同咗，職員答案令我氣結，都係一樣啫，Menu寫牛仔布腸故才吸引我order ,你求其比另一樣嘢打發我，真係無言！外出吃個早餐，一定要豐富些，追加＄8豬扒兩位盛惠$97！…Read More

因為食評嚟幫襯，其實呢座樓好多嘢食都做得吾錯！裝修：全層用綠色為主，最近窗邊打卡一流， 日間時間太陽光照入嚟， 好舒服，最緊要冷氣夠凍！員工：全部着綠色T恤，感覺乾淨，企理，勤力，好過有些食店制服揀白色衫，但係件白衫好似好多日都冇洗！點餐：鮮芒椰漿柚子露 @@ 入口有清新嘅柚子芒果好好味芒果乳酪疊疊冰二人份@@一粒粒正方形芒果磚入口慢慢融掉，賣相企理已經值回票價了！我哋三個人食，加上環境舒適枱與枱之間有距離，唔會聽到隔離嗰個人講乜，甜品有水準，每一啖都可以做到喜歡甜品嘅我嘅要求，但略嫌食物都係甜咗少少，可能跟返泰國整甜品嘅標準要求，甜咗d…Read More

上年同屋企人食過一次， 訂位full 咗要Walk in，今年事隔一年再嚟一次都係訂位full左，要Walk in，但安排時間很好，好快就會有位，樓下冇乜地方企要將就一下！今次食物嗌咗芥末雞翼骨，蟹肉蟹子意大利粉，蟹鉗pizza，炸魷魚墨魚汁意粉，所有食物都好好味， 真係值得特登再嚟吃過！ 每次睇Menu食物名字都會發現好好笑😆上年等食物的時間好耐好耐，今次和上一年也是座無虛席，但係食物上枱時間快咗好多好多，值得一讚👏👏同埋想讚一讚服務嘅男仕應，很有禮貌也很細心，不厭其煩，也值得一讚…Read More