Chenille's Profile

呢期澳南都算係一個熱門打卡地方🌅，過黎打卡就順便揀左KOKA小野人食晚餐介紹下今餐的食物先首先，大漠烤羊肉串味道真係恰到好處，唔會太濃，但又有一啲醇厚嘅羊羶味，超好味！👍🏻烤牛舌略嫌細塊，但係烤得唔錯，爽口有咬勁🤓烤雞腎味道爽口，正常發揮蒜蓉烤茄子烤得剛剛好，蒜蓉濃郁，茄子肉燒得好諗，容易與皮分開，真係好好味！😋唯一稍微有啲失望嘅係佢地嘅烤魷魚可能係唔小心重手左，略鹹啦，但係佢燒得好，一咬就分得開，唔會靭，就算唔係最好嘅選擇，都係可以試下啦。😌蒜蓉金針菇 同茄子一樣，調味做得好唔錯，真係好味！☺️草莓乳酪奶昔好好味嘅飲品！甜度適中，士多啤梨味濃，唔會好稠，入口順滑，一飲就會覺得好快就飲曬啦！🤩不過，如果你唔太受得辣，記得備註小辣，唔係真係好辣🥵，我第一次無remark，中曬伏，多多水都唔夠啊！總括而言，KOKA小野人係澳南性價比幾高，燒得又簡單方便的餐廳，絕對值得一試！😎…Read More

之前去咗一間叫做「湯．米」嘅餐廳，雖然喺將軍澳一個僻靜嘅角落，但係絕對值得一試！首先，佢嘅招牌臭臭鍋真係好好味啊！越食越臭，越食越濃，齒頰留香（臭），真係非常適合喜歡臭豆腐嘅人🫶🏻同埋佢嘅香辣牛肉鍋都唔錯，我叫左中辣，有三小辣嘅辣度，加上配料充足，真係好食！而鹽酥雞扒就更加好食啦，香脆而且夠厚，非常有肉感👍🏻如果你鍾意辣味嘅話，可以試埋個麻辣臭豆腐，麻麻辣辣，食左臭臭鍋再食，就會顯得無咁臭😎最後，我推介一下佢嘅滿杯菠蘿同純茶王8號。滿杯菠蘿好飲，解辣，有菠蘿肉，相信真係用菠蘿新鮮搾出黎🤩。而純茶王8號係叫左走糖，飲到真正嘅茶香👍🏻總括而言，「湯．米」係一間好好味嘅餐廳，雖然係有點僻靜，但係絕對值得一試！…Read More

今日中午去咗銅鑼灣——牡蠣不如歸，完全係一個牡蠣控嘅天堂！（聽聞係東店已經連續5年獲得米芝蓮一星🤩）叫左兩個set, 兩個set 都有沙律沙律聞落去有一陣陣嘅黑松露味，令人垂涎欲滴，同佢啲黑醋一齊食真係好配！唐揚博多華味鳥皮薄香脆，雞肉嫩滑，真係超級好味！再嚟就係牡蠣鹽味拉麵我以為會有原隻牡蠣，但原來係牡蠣濃縮嘅精華，佢嗰醬充滿濃濃嘅蠔味，真係好味！叉燒嫩滑，有多幾片就更好啦。牡蠣餃子，啲皮好薄，充滿蠔味，不錯！煙燻黑椒豚骨拉麵煙燻味濃，黑椒味唔算重，麵質煙韌彈牙，口感極佳，份量多啲就更好啦！最後就係牡蠣野菜天婦羅牡蠣又大又多汁，非常新鮮，一啲腥味都無。意想不到有粟米天婦羅，做到粟米粒粒分明，外脆之餘，入面粟米保留到爽口多汁。大吟釀就咁飲我就有啲覺得太濃，但搭配埋嘢食就覺得好香甜，同食物非常夾！總括而言，各類食物質素都好好，牡蠣真係好新鮮好鮮美！而且有set, 都幾抵食🤭…Read More

呢排工作好忙🥲，朋友於是帶我食好野，舒緩下壓力。其實我都留意左間餐廳一段時間，但覺得佢小貴就一直唔捨得食...講返用餐，其實一入去真係已經令人開心左，非常有文青感覺，處處都係打卡位。令我印象深刻的是孜然羊鞍配茴香鮮茄手工意粉意粉並不普通，質感似意大利雲吞皮，有嚼勁，羊鞍烤得鮮嫩，唔會過熟。但最另我估唔到的係小茴香同鮮茄勁夾🤩，小茴香另人對碟意粉欲擺不能，最後真係連汁都食埋🤭水牛城雞槌👆🏻係主食加配的小食，估唔到份量咁足。放耐左都keep 到個脆度甜品方面叫左鑊仔伯爵茶雪山熱香餅鑊仔真的好熱，令熱餅的底變得帶點焦脆👍🏻波子汽水刨冰清涼可口，口感舒爽。顔色真的好靚好夢幻，可以配合埋環境打卡😎總結： 雖然小貴，但佢份量足，如果不太大食，一個正餐配一個小食夠兩個人食。熱食和甜品同樣出色，很適合樣樣都想食，想打卡的人🤗…Read More

想食四寶食堂好耐架啦，今日經過難得無乜人排隊就梗係去食啦～～唔似普通茶餐廳，佢環境好新淨，有文青feel,處處都係打卡位😍，認真花過心思裝修食既第一樣係：拔絲山渣汁菠蘿咕嚕黑豚肉啲醬汁超級黏稠做到拔絲嘅效果👍🏻黑豚肉都保持到一定程度嘅脆口！不過菠蘿就有啲酸啦。佢哋嘅燉湯都幾足料，有蔘味。另外叫左個椒鹽豆腐金磚當小食豆腐好鬆好脆，一夾就散！朋友叫左個瑞士汁炒牛河一上菜香氣四溢，好濃味，但朋友就話食得多就會偏甜。白桃氣泡茶+朱古力咖啡白桃氣泡茶：唔會過甜，反而越飲越有茶味朱古力咖啡：咖啡味濃，甜度啱啱好最後朋友真係好鍾意食麵包，明明叫左咁多都堅持叫個菠蘿油食🙈朋友好專業咁話麵包香糯，好食。😎總結：餐單食物好多選擇，每樣都好吸引，食物質素又ok, 真係可以分多幾次黎，慢慢食齊佢😏…Read More

今日放工行街，途經觀塘毅力工業大廈。聽講上邊有一檔魚生飯幾好食就決定試一試。睇佢哋嘅餐牌，魚生飯嘅選擇都算幾多，幾吸引我揀咗一個三文魚親子丼，我朋友就揀咗北海帆立丼。等上菜期間，留意到呢度係自助熱茶嘅，而且環境清靜，感覺好自由，好有彈性上菜～三文魚親子丼啲三文魚大大塊，Wasabi都係即磨，感覺唔係現成，十分有誠意。三文魚好淋，好嫩，好肥美，入口即溶再撈埋啲豉油、三文魚籽同埋Wasabi一齊食啲飯味道啱啱好。三文魚籽一啲都唔腥，鹹香鹹香，值得一讚我都試咗一啲朋友嘅海膽同埋帆立貝。海膽質素ok, 都幾鮮甜，帆立貝有炙燒，所以好香，入口鮮美。總結：整體魚生飯質素高，所以價錢相對較貴，但值得偶爾善待一下自己。唔覺唔覺好快就食晒一碗。希望下次仲可以食到咁高質素嘅魚生飯啦。…Read More

今次其實係我第二次食呢間燒肉店，第一次黎既時候，其實就已經好想同大家分享，但因為掛住食，無點影相就放棄左。由於第一次好好食，所以今次就落重本（其實都係食貴一級既餐），食個course B.先黎左架海鮮船，份量都唔少，有帆立貝、鮑魚、青口、大蝦、蠔等等，而且非常新鮮，值得一讚的係蝦，好大隻～用燒的方式整真的好香，肉質十分彈牙～雖然無得refill, 不過黎呢到最主要都係為左食牛，所以都ok😉Course B 比起Course A 多左好多小食、肉類的選擇，但因為我地重點要食牛，所以就無點試佢其他小食...而且要逐樣介紹真係太多太長，所以接下來只作 **重～點～推～介**1. 特選牛肋肉佢提供多種口味選擇，有原味，味噌，咖哩、蔥味、鹽香等等我最鍾意原味，最能食到牛的肉香，值得主意不要燒得太熟，大概6-7成熟就剛剛好，有肉汁，又有肉香，口感鬆軟2. 極上厚切牛舌/特上牛舌棒雖然需要比啲耐性去燒，但絕對值得，外層要燒得少少焦脆，入面咬入去又會感到爽口，肉汁爆出黎的感覺真好3. 薄炙牛肋肉如果和牛既油脂已經充滿你的口腔，食到好似漏漏地，不妨可以試下呢個，佢相對無咁油，邊燒邊炒，食落有點焦香，有食韓式燒肉的感覺4. 薄切上等牛舌芯 (竟然無影到...🥺）(如果你細心留意，後面左、中、右，分別係薄切上等牛舌芯、極上厚切牛舌、薄炙蔥花牛舌🙈）如果你無咩耐性，又想食牛舌，呢個絕對係最佳選擇，薄薄一片好快燒好，雖然薄，但佢的爽度保持得好好，一大片一次過放入口，爐火的香味，配合牛舌流出的肉汁，會感覺口腔所有的味蕾都打開曬，好juicy 好fill. 如果budget 有限，只能選擇course A, 薄炙蔥花牛舌都係個好選擇，幾塊一齊放入口都能達到差不多的效果題外話：1. 好鍾意佢有爆谷機2. 店員竟然認得我第二次黎食，好有親切感3. 服務好好，last order 之後，上菜時先發現原來點錯左，店員好好人咁幫我地追加返總結： 對我呢個小資女黎講，價錢唔算平，但用餐體驗100分😘…Read More

銅鑼灣行完街食飯，openrice 見到呢間有唔少好評，就去試試可能時間比較早，全場得我地一枱，坐得好舒服😎簡單叫左個沙律，兩份卷物，兩份串燒輕食蟹柳沙律的份量超出我地的預期🤪，蟹柳、醬料好足料，撈埋黎食啱啱好彩虹卷，外貌唔錯，有特色，綜合幾款刺身的卷物🤗蜘蛛，聽個名應該估唔到係咩，佢係軟殼蟹手卷，軟殼蟹炸得唔錯，夾埋啲飯仲保留到香味和脆脆的口感😗豚肉荔枝卷串，雖然份量比我想像中小，但味道好有特色，特別適合食飽、濟濟地的時候食，荔枝帶點酸酸甜甜配合豚肉特別清新😉雞中翼串（唔記得影相，惟有附上餐牌相比大家做個reference)，燒得香脆，味道濃郁，係我幾碟裏面的最愛😋…Read More

係Openrice 見到呢間有唔少好評，環境又好適合打卡，所以特登去新都城試試。但點知跟住Google Map去搵，原來會錯方向，搵咗一輪先搵到。去到後，見到門口真係非常colorful, 裏面環境佈置都好舒適，可以營造到輕鬆愉快嘅氣氛，非常適合打卡。佢食物嘅選擇都好多，有選擇困難症嘅我揀咗好耐先決定到食乜野。結果揀左...想提一提嘅就係，佢漢堡包裏面都有好多自選項目，例如要唔要多醬，漢堡扒全熟需唔需要全熟，非常貼心第一樣嚟嘅係兩杯飲品。柚子沙冰等一啖味道偏酸，但飲飲下柚子味就越飲越出，越飲越好味。而青檸沙冰，老實講就咁飲，味道係有啲太青，但當襯埋野食之後，就會覺得得好fresh, 做到開胃的效果第二樣黎既食物係章魚小丸子。我本身就唔抱好大期望，因為即使專做小丸子的舖頭都未必整得好食，不過我都真係小丸子的fans, 而佢又咁特別，係間漢堡包店到有得食，所以都叫黎試下。估唔到有驚喜，外脆內軟，裏面唔會係一pat 漿，如果粒章魚再大粒啲就更好 (貪心mode)之後就係兩份漢堡包，雖然我個大啡菇牛肉漢堡無幅圖咁浮誇、咁巨型，但都比我預期既好，大啡菇夠冧，一咬就可以咬斷，唔會因為食菇就要扯舊菇出黎。我特別所賞佢既麵包的部份，麵包底香脆，包面鬆軟。另外的燒芝士漢堡，塊燒芝士真係大得誇張，一開頭都諗左諗要點食好。個包真係好邪惡，好多芝士，塊燒芝士我真心好鍾意，係好香的芝士脆片，唔會過鹹。不過坐對面非專業的「食評家」🙄就話塊漢堡排可以有好啲咬口，佢真係好奄尖🙈提外話：薯條炸得好唔錯👍🏻最後就係蜜糖雞翼，呢個我就真係覺得可以再香口啲，做到燶邊/焦脆的感覺就更好總結：本身我都諗住叫咁多野實食唔曬，但佢係足夠好味，令我食曬所有野，都確係不枉此行，重點係價錢合理🤭…Read More

好耐之前已經聽過雞翼山呢個名，知道佢有好多唔同口味嘅雞翼可以試。今日終於約咗個同我一樣鍾意食雞翼嘅朋友，齊齊去食雞翼大餐。去到鋪面，可能舖頭都比較細，都有唔少人排緊隊。趁着排隊嘅時間我哋揀咗幾款雞翼，包括鹹蛋吉士吉士、鹹檸七、同埋黑松露蒜香味雞翼。（一邊等仲有得一邊聽K-Pop, 都算係咁）雞翼嚟到，又剛剛好等到有位，可以坐低慢慢食。首先是鹹蛋吉士味雞翼，估唔到會有咁多醬，鹹蛋味重，吉士creamy, 本身都擔心吉士會唔會整𣺉左隻雞翼，但原來只要本身隻雞翼夠脆，上面淋幾多醬都係脆嘅🤩，真心要俾個like佢再試鹹檸七味，味道真心似，如果要我揀，我會話呢款係我3隻味裏面最鍾意嘅，鹹鹹酸酸的味好開胃👍🏻，而且好juicy, 唔怪得佢會提供手套比客人最後就係黑松露蒜香味，可能蒜味較濃或者前面食得太多唔同口味，黑松露味未算突出...不過表現都不過不失嘅，有雞翼應要有的外脆內嫩。總結：可以一次過試咁多口味的雞翼，真係唔係周圍有，推薦給各位雞翼愛好者…Read More

捉緊夜晚堂食最後的尾巴，決定食餐好既將軍澳南近年開左好多新餐廳，大部份都是西餐廳，唯獨有一間中式餐廳，今日就決定去會會佢入到去第一印象好好，乾淨企理，餐具都比人好乾淨既感覺，令我印象最深的是佢每隻茶杯圖案都不一樣，十分精緻老實說，餐廳食物價格都不便宜，我都只能簡單叫兩款野食：彭家豆腐煲+銀芽肉絲脆麵彭家豆腐煲看似無乜特別，都不外乎係豆腐+肉絲，但仔細一望，佢每粒豆腐炸完、煲完都原好無缺，但一夾就散，明顯就係功夫菜，上菜姐姐話，豆腐係日本豆腐，好嫩滑，味道唔錯銀芽肉絲脆麵，聽個名就覺得無咩特別，但點知完來勁吸睛，隔離枱都忍唔住望過黎，打卡一流。當我煩惱緊點食之際，原來佢會等你打卡完，再幫你剪開，幫你分成好幾塊，服務真的不錯。中間的麵佢炸得勁香脆，好好味，不過要趁熱食，放耐左就會慢慢變硬，就無一開始好食啦。佢除左有脆麵部份，佢其實都有軟身的銀芽肉絲炒麵，適合不同人士的需要。雖然只是叫了兩味菜，但估唔到份量好足，結果都係食唔曬總結：價錢稍貴，個無論環境、衛生、質素、服務都屬上上水平，可以儲備彈藥一試…Read More

落觀塘試新野，搵咗間日本嘢。叫咗個沙律、一個刺身盛盒、兩個小食。沙律嘅溫泉蛋做得唔錯，加埋佢提供的醬汁一齊撈埋，食落好Fresh。刺身盛合有驚喜🤩，每件刺身都好口，特別係個帆立貝勁大粒，幾乎有成隻手掌咁大😚。帆立貝擺盆嘅時候夾住塊檸檬，唔點豉油食落去就會有淡淡的檸檬清香😍。除咗帆立貝，佢嘅劍魚腩、油甘魚都好厚身，口感好好。小食係海膽熔岩、鹽燒雞翼海膽熔岩聽個名好特別🤔，原來係天婦羅。黑色部份，其實係一啲冇乜味嘅糕，起初以為炸出嚟會冚過咗海膽嘅味道，但係海膽嘅味道好出，炸完都冇遮蓋到海膽嘅鮮味。雞翼有少少偏鹹，但係配上鮮味嘅刺身，其實都幾匹配。總結：不過不失，刺身大大件，可以一試😉…Read More

同朋友今日早咗放工，到觀塘食個早飯。呢度附近成業工業大廈而家開咗好多唔同嘅餐廳，所以諗住上去試一試啲餐廳。天氣凍凍地，想食辣嘢，嚟到呢間秋意。朋友叫咗個花膠肉操擔擔麵，我叫咗個口水雞配湯麵。等咗陣，個口水雞配湯麵就嚟啦。口水雞嗰醬係另上嘅，令到唔係好食得辣嘅我都可以按自己嘅需要，決定辣醬嘅份量，我覺得呢個心思好好👍🏻雞肉好實淨，似係走地雞，份量都唔少，俾足成隻雞髀嘅份量🤩本身以為佢配嘅湯麵，會係普普通通，點知個湯底係濃濃嘅雞湯，搞到我食完碗麵之後，都忍唔住要繼續要飲個雞湯。🤭🤭因為我個雞湯面啲雞湯太好飲啦，所以我都忍唔住試吓朋友個擔擔面湯底，擔擔面湯底都好香，唔似其他擔擔面得個辣字，花生醬味好香好濃😎不過朋友就話佢個面底略嫌𣺉咗啲，但係我覺得我個雞湯面底其實啱啱好啊，係朋友要求高姐。最後，係我期待咗好耐嘅紅糖糍粑，好多地方都冇得食，估唔到佢個Menu有，所以一定要試吓。🎉🎉佢個紅糖糍粑，比我想像中嘅還要好，紅糖好香濃，佢係即炸嘅，就算攤耐少少佢都唔會𣺉咗左，咬落去既時候依然表面香脆，咬落去真係聽到颯颯聲，內裏都算軟熟，但係如果可以在軟糯一啲就完美啦。下次一定要再食😚😚總結：看似普通，但湯面絕對要試，真材實料，性價比滿滿，不過佢比較早關門，要試就要早啲到啦💪🏻…Read More

見到佢喺觀塘熱門餐廳，慕名而來...果然係熱門餐廳，下午一點幾兩點去到，仲有好多人嚟呢間餐廳食飯。餐廳唔算大，但係有濃厚台灣色彩，幾乎所有枱都坐滿晒人，可能今日比較遲去，過咗繁忙時間我就唔使等位就即刻入得啦。我叫咗個牛肉麵同埋鮮梅酥豬扒滷肉飯再加兩杯嘢飲，唔知係咪客人比較多，上野食既速度唔算快，如果趕時間的話，呢度可能就爭啲啦。首先上場嘅係鮮梅豬扒滷肉飯，豬扒有啲估佢唔到，我幻想中嘅豬扒係香脆嘅，炸得唔好可能仲會乾，但係呢度炸出黎就唔屬於脆口，但係佢者係香，而且入面係鮮嫩多汁嘅，配埋佢個梅汁，酸酸地好，好開胃，令到炸豬扒少咗油膩嘅感覺。滷肉味道唔錯，如果飯再乾身啲就更好。以後就到佢嘅豐盛台灣牛肉麵，個湯汁濃郁，微辣。話明豐盛台灣牛肉麵，佢啲料係豐盛嘅，有好幾款啲肉丸，而且牛肉都包含咗幾個部位（雖然我唔知係咩部位，但食得出，睇得見係唔同部位嚟嘅）。不得不說，佢嘅牛肉整體煮得好冧，好入味。最後仲有個逢甲鹹酥雞，外脆內嫩嘅，作為一個小食，味道份量都唔錯。之後，可能餐廳客人比較多，比較忙，等咗一段時間，嘢食食得七七八八嘅時候，嘢飲終於上嚟啦，有鮮榨檸檬椰果多多（半糖）同埋仙草奶凍（半糖）。鮮榨檸檬椰果多多，正，飲落去非常醒神，可能半糖嘅關係，加埋有檸檬，多多又係微酸，整體就變得比較酸，但飲落係好飲、刺激嘅。仙草奶凍，味道都非常好，淨係飲佢啲奶，感覺似係3.6牛乳，再飲埋佢啲仙草， 仙草好滑，而且仙草味好濃，兩者一齊混埋黎飲，半糖甜度啱啱好。總結：整體表現不俗，味道環境中上，難怪咁多人喜歡，但係如果你趕時間，可能就未必適合啦，搵日得閒出嚟試啦。…Read More

難得食好嘢，記錄一下先……雖然個位置有啲偏僻，搵有啲困難，但一去到個環境氣氛贏晒，有搖椅、聖誕裝飾，環境好relax。餐牌嘅選擇唔算多，但每一樣都好似好吸引，左揀右揀，揀咗燒魷魚、A5牛板腱、黑松露薯條，同埋斑斕蛋糕加有子雪糕。黑松露薯條估唔到佢嘅份量咁多，佢用蒸籠上好特別，黑松露醬堅大份，大大啖點嚟食都食唔完，黑松露醬好香，期間食咗其他餸，再返轉頭食，雖然薯條凍咗，但係佢仍然keep到好好味，唔係好多薯條做得到。原隻大魷魚串燒一上菜就聞到好香嘅燒烤味，佢有好幾種食法，首先我哋試咗佢嘅原味其實已經有少少辛辣嘅味道，好開胃。然後我哋又加咗啲青檸汁落去，有少少酸味，令到成個魷魚嘅味道更加濃。然後鍾意食辣嘅朋友，佢仲有個辣粉俾你加辣。最後佢仲有一個泰式辣醬，酸酸辣辣，好醒胃，係我最鍾意嘅食法。烤日本A5牛板腱好味好味好好味，外脆內嫩，有肉汁，食落去啲肉冇渣，仲加埋少少筋腱口感一流 (放心，啲跟腱一啲都唔靭），佢個醬係果醬 配合埋啲牛真係超好味。綠西米斑蘭蛋糕 柚子雪糕真係好特別，佢個斑蘭蛋糕皮係用西米整成嘅，有西米煙靭嘅粒粒，口感好特別。雪糕正確啲來講係說吧，有濃濃嘅柚子味，入面我仲食到有柚子肉不過伴碟嘅芒果，唔知係咪蛋糕同雪糕都好甜，令到佢好似唔夠甜咁...最後其實我哋仲叫咗椰青水，真係喜出望外😍，因為平時飲開嗰啲多數都唔係咁甜，呢個不單清甜，椰子味都好出總結：價錢就唔好提，食好西就預左，但食物質素真係一分錢一分貨，環境又好，喺特別日子值得一試。題外話，佢每日都有啲Daily Special，有錢又得閒的話，其實都可以試多啲㗎。😎…Read More