zoie333的个人专页

雖然間舖細到得4、5張枱，但勝在每款菜式都係實力派，主打越北口味，絕對係越南菜愛好者嘅天堂！💯餐牌簡單得嚟唔駛十款菜，但係樣樣都有水準！我最推薦佢哋嘅越南法包，真係好少地方做得咁正！🥖 香脆嘅法包包住濃郁肝醬，再加埋清爽生菜、酸酸甜甜嘅蘿蔔同爽口嘅扎肉，每一啖都係滿足！😋仲有牛油雞翼，香到我而家諗返都流口水！佢哋除咗用牛油，仲加埋蜜糖同香脆花生，味道層次豐富到爆燈！🧈✨生牛肉河粉嘅湯底清而不淡，牛肉夠新鮮，啲粉又滑又有嚼勁，絕對係小店中嘅大作！🍲下次唔想食連鎖越南餐廳，就去呢間試下啦！雖然細，但係每啖都係真功夫！👨‍🍳…查看更多

美利酒店頂層嘅Popinjays絕對係高質Brunch嘅天堂！無論係味道定環境都完全係五星級享受！🌟餐廳有環迴露台，成個中環景色盡收眼底，落地玻璃設計令餐廳非常光猛！☀️ 我哋揀咗$788/位「SOBERED UP」無酒精套餐，兩小時任飲唔同soft drink、lemon soda同lemonade，爽爆！🥤最吸引係有高質菜式輪流上菜，想再食邊樣都可以再叫！🤩 首先有海鮮拼盤簡直係海洋珍寶集合：新鮮生蠔、醃三文魚、帶子刺身、吞拿魚同油甘魚他他，仲有三文魚子同美利魚子醬，鮮味爆燈！🦪🐟前菜部分就有龍蝦凱薩沙律超級豪華，牛肉他他配黑松露同陳年巴馬臣芝士，仲有流心水牛芝士配車厘茄同橄欖，每樣都非常高質！😍意粉就有”蜆肉烏魚子扁意粉”同”卡邦尼長通粉”。個卡邦尼配埋蛋黃、風乾豬面頰肉同羊奶芝士，香濃到無得輸！”蜆肉烏魚子扁意粉” 啲蜆好鮮甜，再加試烏魚子咸香嘅手工意粉，都好好味🤤🍝主菜嘅”安格斯牛柳配松露馬鈴薯蓉同烤珍寶蘆筍”，仲有”烤雞腿配馬鈴薯、羊肚菌同鵝肝醬”，烤鱸魚”，一次食齊高級食材！🥩最後壓軸係招牌甜品巡禮，精選款式嘅甜品，重有各樣新鮮生果，作為依餐完美嘅ending！🍰…查看更多

忙完成個星期，終於到星期五。咁岩又係白色情人節，終於同老公去二人世界。去到沙田新城市廣場，想搵西餐食。咁岩就搵到ODELICE ，依間餐廳好有法式小酒館，環境好有feel，好有巴黎左岸嘅感覺！🇫🇷我地叫了一個二人餐，包了餐湯同麵包，再可以選擇兩個前菜/甜品，再加兩個主菜。我哋就選擇了一個前菜、兩個主菜同一個甜品，再加4隻生豪。香草牛油焗田螺，個香草牛油汁配香脆酸種麵包👍🏻法國2號生蠔，個味香甜新鮮，配埋少少檸檬同紅酒醋，完全係幸福嘅味道！粟米蘑菇湯配麵包，湯非常Creamy，重食到粟米。跟住上場嘅係煎鴨肝油封鴨腿意粉，個鴨肝煎到外脆內嫩，油封鴨腿軟嫩多汁，加埋意粉，真係食到停唔到口！但最令我印象深刻嘅係主菜 - 阿根廷牛脊肉，配埋法邊豆同燒薯粒，再配上鴨肝白蘭地醬汁。牛仔肉比較瘦，冇咩脂肪，但個牛肉非常嫩，一啲都唔會韌，牛肉肉就咁配鹽已經好好味。鴨肝白蘭出醬汁，亦非常香濃，點牛扒會帶來另一種風味。薯粒外脆內軟，配上香濃嘅鴨肝白蘭地醬汁非常好味。最後甜品係蘋果肉桂可麗餅，熱辣辣蘋果肉桂可麗餅配埋凍冰冰雪糕，非常好味。個肉桂香氣同蘋果甜味完美平衡，真係sweet ending！🍎🍨呢個星期五晚真係過得好滿足，慰勞咗一個禮拜嘅工作嘅辛苦～…查看更多

完全食得出全部食物都係自家製，食物新鮮好味😋😋，一定會再嚟食過。今次飲了出面少有🥑牛油果沙冰，沙冰質地細滑，好似食緊雪糕咁，下再來嚟會試下芒果沙冰🥭。鮮蝦米紙卷有除了有鮮蝦、粉絲、生菜、金不換、紅蘿蔔絲重外，重有爽口豬耳，令米紙卷口感豐富。火車頭湯河湯內有牛丸、雞絲扎肉、牛肉片、蘿蔔等。🥣湯好好味，飲完都冇口渴感覺👍🏻。最特別係個扎肉，依到的扎肉係有木耳，所以食囉爽口好多。香茅豬扒撈檬粉，份量十分充足，香茅豬扒好入味。撈檬粉魚露重有分辣同唔辣去選擇😋…查看更多

是一間十分有情調的店鋪，店內主打酒類飲品：有清酒🍶、手工啤酒🍻、紅酒🍷、白酒等⋯食品方面選擇不太多，只有一頁紙。食品都已沙律🥗、Bagel 、意大利粉及薯條🍟。味道還可以，但是價錢偏貴，但是一個同朋友傾計的好地方。…查看更多