拜食族's Profile

今天我和我的另一半在Royal inn享用了一頓豐盛的晚餐。我們點了幾道精緻的菜品，其中包括了西班牙生蠔和法國生蠔。這裡的生蠔新鮮美味，而且兩種生蠔的口感也有所不同。我們發現西班牙生蠔比較鮮甜，而法國生蠔則更加creamy。兩者都非常新鮮，但口感有些許不同。接下來是香草牛油焗田螺，這道菜色非常令人驚艷。田螺非常嫩滑而且十分大隻，配上底層的橄欖油和香草薯蓉，口感非常豐富。這道菜色的香氣和味道都十分出色，是我們今晚的最愛之一。炭燒8oz安格斯裙柳牛扒是另一道出色的菜式。牛肉烤得恰到好處，口感非常柔軟，肉汁豐富。加上燒汁的調味，讓這道菜色的味道更加突出，非常美味。香煎海鱸魚伴北海道帶子是另一道令人印象深刻的菜式。魚肉非常新鮮，煎得恰到好處，口感非常嫩滑。北海道帶子則更加甜美，與海鱸魚的搭配非常完美。這道菜品的味道和外觀都非常吸引人。最後是我們點的飲品，一壺博士花園。這款茶飲是由不含咖啡因的頂級南非博士茶和各種花類製成，花香濃郁。我們非常享受這款茶飲的香氣和味道，它與其他菜品的搭配非常好。除了美食，餐廳的環境也非常優美，非常適合打卡拍照。整個用餐體驗非常愉悅，員工服務也非常周到。餐廳還推出了很多不同的優惠，下次要約閨蜜們聚餐打卡❤️…Read More

今天去了橋.職人料理，試了他們的菜單，這家餐廳的菜色豐富多樣，而且味道也非常出色。首先是油甘魚鮫，這道菜的外皮煎得非常酥脆，裡面的魚肉也十分鮮嫩，非常美味。接下來是三文魚腩刺身，這道菜的腩肉非常肥美，入口即化，讓人回味無窮。叉燒拉麵用豬骨湯也是一道非常出色的菜品，湯頭濃郁，叉燒肉質鬆軟，配上麵條入口滑溜，非常好吃。馬糞海膽的味道非常鮮美，紫菜和白飯的搭配也非常適合。蒜蓉燒生蠔則是口感豐富，蠔肉鮮美，蒜味也恰到好處。最後是串燒大拼盤，這道菜品包含了雞皮，雞軟骨，雞翼，翠玉瓜，焦糖菠蘿，一口甜薯各兩串，種類非常豐富。每一種食材都烤得非常香脆，口感十分美妙。除了以上的菜品，餐廳還有貼心的小禮物，食滿$500會送小食，可自選兩款。這種細節讓人感覺非常溫馨。總的來說，在職人料理是一家非常值得一試的餐廳。他們的食材新鮮，而且服務也非常周到。如果你想要品嚐高水準的日本料理，這裡是一個非常好的選擇。…Read More

巴壁老火鍋是一家非常獨特的餐廳，除了提供優質的湯底和配料之外，還有許多令人驚喜的特色。我品嘗了他們的川渝重口味湯底選了小辣和黃金板栗雞湯底，還有各種豐富的火鍋配料，讓我感到非常滿足。首先，讓我來談談餐廳的獨特之處。餐廳非常寬敞，座位舒適，環境也非常舒服。他們還提供了三款小食前菜和糖水任食，讓我們吃完火鍋之後可以享受一下甜品的滋味，非常貼心。另外，他們的麻油調醬料非常地道，跟我在重慶吃過的火鍋一樣，讓我感到非常親切。還有，他們的青瓜片切法也特別，細長的切法只有在重慶才吃得到，這讓我感到非常驚喜。接下來，讓我談談火鍋配料。這家餐廳的配料非常豐富，我點了巴壁九宮格、鮮毛肚、冬瓜、娃娃菜、鵝腸、鴨腸、鮮切吊龍牛肉和桂花蚌等等。其中，最獨特的是巴壁九宮格，裡面不僅有常見的火鍋食材，還有鮮鴨血和馬駮魚丸等特色食材。另外，他們的桂花蚌也非常特別，肉質鮮嫩，味道鮮美，讓人意想不到的驚喜。最後，讓我來談談他們的湯底。我選擇了小辣的川渝重口味湯底和黃金板栗雞湯，兩種湯底都非常美味。麻辣湯底的辣度適中，還有濃郁的香辣味道，非常開胃。而黃金板栗雞湯則是非常清甜，而且帶有濃郁的雞肉味道，非常適合配搭各種食材。總的來說，「巴壁老火鍋」是一家非常獨特的火鍋店。他們的湯底和配料都非常豐富，而且味道也非常美味。如果你想要來一個與眾不同的火鍋用餐體驗，這絕對是一家值得一試的餐廳。…Read More

上網見到好多人嚟呢間餐廳度打卡，俾啲相吸引咗嚟呢度試吓，環境的確唔錯，但係食物質素就有待改善。叫咗個鴨肝小食，同行有朋友覺得好難食，本人接受到鴨肝果陣味覺得還好。 risotto味道偏濃，一樣有人覺得唔錯，有人覺得呢個味道唔好食。至於呢個黑松露意粉就係我哋當晚食過最好食嘅一樣食物，佢嘅黑松露味唔會太重，所以平時唔食黑松露嘅我都接受到。呢個和牛係差唔多成個Menu最貴，我哋叫左7成熟，煮出嚟無筋同埋都好淋，但係個汁淡而無味，所以唔係特別好食。感覺好奇怪，口感唔錯但係冇味。呢個彩虹果汁都唔少人叫黎打卡，我覺得冇一杯係好飲，就係普通嘅果汁，但係偏淡，都唔知係咪溝咗水。 呢杯朱古力尚算正常。呢個阿爾卑斯正山小屋絕對係災難式難食，極之劣質嘅蛋糕，雪芳蛋糕都比佢軟熟！而且成個組合嘅味道都奇奇怪怪，士多啤梨配西瓜粒，再加埋伯爵茶味嘅蛋糕，再加埋唔知咩味嘅汁，好難食。…Read More

見完客經過見到呢間主打食烤魚，裝修簡潔、寬敞，見有啲肚餓就行入嚟試吓！坐低之後服務員好Nice為我哋介紹，單單烤魚，辣同唔辣都有成8種唔同既口味！平時食開無骨魚都係得鱸魚、鯇魚果d，第一次見到有多寶魚！即刻叫咗條香辣味嘅多寶烤魚試下！真正小魚刺嘅推介！！等緊烤魚期間食個小食先，呢間餐廳就連青瓜都有三種唔同口味，有涼拌、麻辣、花椒青瓜，今次就叫咗比較少見既花椒青瓜試吓，青瓜非常新鮮，清甜爽脆！花椒味唔會太濃，加上有少少酸味好開胃。另外呢度仲有串燒，我就叫咗串雞軟骨同四季豆試吓，串燒都好惹味，四季豆唔會燒到乾爭爭。終於到主角，多寶魚都好大條，肥厚多肉，肉質鮮嫩，魚既表面鋪滿醬料同乾辣椒，非常惹味！食完條魚就用個湯底打邊爐，呢間餐廳竟然有魚卜同鵝腸！呢兩樣都係我嘅最愛，平時真係唔係間間餐廳都可以搵到！個湯底夠濃味，就算唔用豉油都好夠味，叫咗啲菜同埋豆卜朔晒啲汁，好正！推介呢間餐廳，下次要來試埋佢哋秘製嘅鮑魚雞煲，因為係用鮑汁整！…Read More

突然好想食雞煲，決定早少少六點左右上左黎，呢個時段無咁多人唔駛等位。今次就揀咗最平嘅A餐，雞煲就叫左小辣，小辣既麻度同辣度都岩岩好。落好晒單就出去自助吧度調製醬油，仲可以拎埋嘢飲同新鮮嘅蔬菜。值得一讚嘅係飲品方便，除咗多款凍飲嘅選擇多之外，連熱飲都有好幾款，啱晒我哋呢啲要開始養生嘅中女😆等緊上菜嘅同時先試下小食，叫咗麻辣鴨血同台灣一口腸，都好唔錯！雖然A餐係最平，但係都有齊晒豬牛羊雞海鮮!!!!牛方面都有兩種選擇：雪花肥牛&特級肥牛，個人較喜歡雪花肥牛，佢既脂肪分佈比較平均，食落去更香更嫩。海鮮方面，海中蝦好新鮮，味道鮮甜，肉質口感好爽。而聖子就偏細隻，不過都幾肥美。鍾意食呢間其中一個原因係因為佢哋有鵝腸，仲要係任食！鵝腸都好爽脆！除咗肉類之外，食齋嘅朋友都唔需要擔心，素食種類都好多。最鍾意將蔬菜煮到淋晒，索晒啲汁，好滋味！…Read More

玫瑰梅酒在冰球上鋪上一片玫瑰花瓣，優雅脫俗。濃郁梅子的香氣，甜中帶酸梅子的味道，非常容易入口，女士們的最愛。柚子檸檬梳打有清香的柚子味，而且甜度恰當，再配合檸檬梳打清爽開胃。冷盤有岩手縣赤崎生蠔和三文魚刺身上。岩手縣赤崎生蠔擺放了一些檸檬啫喱條、蟹子和蔥花，提升了整體的口感。生蠔極之肥美，海水味不濃，不會過咸，而且加上檸檬的清新香味更能提升了生蠔的鮮味。另外，三文魚刺身不但厚身，而且肥美、新鮮。蟹油蒜燒帆立貝用清酒混合蒜泥燒煮，在烤爐上香氣不斷湧出來。帆立貝大隻肉厚，每一啖都有濃郁的酒香和蒜香。赤鬼蟹味噌甲羅燒偏辣，蟹蓋上滿滿的蟹膏‧、蟹肉、蟹子和飛魚子，鹹甜適中而且鮮味十足，另有兩塊梳打餅伴食。黑門令大漁魚子醬脆脆包有三文魚子、蟹子、黑松露、海膽、甜蝦，集合各鮮味於一包！包本身香口鬆脆，加上各種配料後，不論味覺還是口感都十分豐富。＊＊＊必食之選＊＊＊黑門令龍蝦湯煮海鮮材料多樣，有芋絲、螺、蝦、蠔、冬菇、魷魚、金菇等，湯汁十分鮮甜。赤鬼海老天飯卷的外層沾滿蟹子，加上裏面鬆脆的天婦羅炸蝦，咬落口感有層次。脆燒白穴子串外層燒得十分香脆，裡面的魚肉肉質鮮嫩，火喉控制一流，絕不令魚汁盡失。總括而言，整體性價比高，食材選料上盛，價格中等，服務有禮。…Read More

家姐系觀塘番工見到呢間既雞煲任食套餐好吸引，又有刺身，又有海鮮，又有雞煲，仲有得打邊爐，一次過滿足晒幾個願望。一入到去見到好多哥基，環境好光亮、寬敞舒服。店員會先送上雞煲同刺身拼盤，雞煲每2分鐘炒一次，總共炒三次，炒第二次嘅時候可以倒埋豬皮、魷魚、牛柏葉一齊炒。等緊個雞煲既時候就梗係食刺身先啦，五色刺身顧名思義有五款唔同既刺身，都好新鮮同高質，牡丹蝦好鮮甜，大隻又爽口。三文魚油脂分佈平均，色澤鮮嫩。食完冷盤就到熱食，呢道菜膽扣鮮鮑魚望落鮑魚都幾大隻，質感比較柔韌，有嚼感加上鮑魚汁調味，食落更有鮮味。食到咁上下個雞煲終於煮好啦！雞既肉質好鮮嫩，超惹味，一齊煮既豬皮、魷魚、牛柏葉都索晒Ｄ汁，超正！食完個雞煲店員問我地要咩湯底，我地就揀咗直接加湯落雞煲唔轉湯底打邊爐。期待已久既海鮮拼盤好吸睛，有聖子、廣島蠔、海蝦、蜆、帶子等等！聖子同帶子都好大隻好新鮮！蜆一d沙都無！海蝦鮮甜肉質厚實。食完海鮮急不及待要食肉，手切牛肩頸好鮮嫩，西班牙黑豚肉有濃烈肉味及油香，鬆軟易嚼。另外個套餐仲有五寶丸，當中黑松露丸同芋頭豬肉丸我最中意，比較罕見而且彈牙！最後仲有炸魚皮、生根、紫菜響鈴、鮮鴨血、甜品…..其實每樣嘢食一轉都夠，我哋飽到冇再order第二輪。…Read More

朋友聚會約食放題雞煲，見到話無限時，一口價，仲要冇加一！？真係咁抵咁正🤩？真係要試下性價比係點先！第一次食呢間，朋友預先book定，原來係舊式嘅冬菇亭。去到唔使點等就有位，地方闊落，都坐得幾舒適。拎起張點餐紙，首先叫咗$198任食嗰個雞煲串燒火鍋套餐。原本呢個價錢都有定心理準備會唔會伏伏地，但雞煲竟然有驚喜！我哋叫咗小辣，雞肉唔單止嫩滑，仲要非常入味，醃料味道唔錯，撈埋入我最鍾意食嘅洋蔥同芫荽，一個字，正😆串燒就每人有四串，最估佢唔到係海鮮類有原隻扇貝？！牛肉又有得揀安格斯牛，唔係唔叫吧？第一次試安格斯肩胛位，肉味濃啲，又唔會好肥膩。又有和牛肉眼食，其他火鍋配料嘅鍋物都係平日食到嗰啲啦，不過以呢個價錢來講都算唔錯啦。總括嚟講呢個套餐性價比高，好適合同朋友聚會去食。雖然款式唔係多到有選擇困難症嗰種，但個個都會搵到啱自己食嘅嘢，啱晒唔同人嘅口味之餘，味道又好，最緊要係個個都食得開心呢！…Read More

朋友知我中意食海鮮又中意打邊爐，就介紹左呢間新南苑私房菜俾我。佢地有幾款唔同既套餐，我就揀左海鮮餐，套餐包括時令海鮮拼盤同本地手切牛頸脊，另外仲可以任食美國肥牛、鮮蝦、深海龍躉等，超過40多種火鍋配料。等緊雞煲既時候，有小食可以食住等，好意外個泡椒鳳爪好入味，而且唔會好硬。雞煲差唔多熟可以倒埋油炸鬼落去一齊炒，雞煲超惹味，入晒味而且仲保持肉質嫩滑，食晒仲可以無限添加。順帶一提，油炸鬼炒同未炒前都好香脆！！食完雞煲就揀咗新鮮蟹窩花甲湯底打邊爐，除咗有海鮮之外個湯底仲配左一啲蔬菜，好鮮甜。我最期待嘅海鮮拼盤超吸引，有六款時令海鮮，全部都勁新鮮！佢隻蝦真係大得好誇張，係好似一罐飲品咁大！肉質爽口彈牙！除咗海鮮之外，呢個本地手切牛頸脊都好正！肉質鮮嫩爽滑，肉味濃郁。而任食方面，都有美國肥牛，而且都好唔錯！其他火鍋配料都選材新鮮，例如任食既海蝦肉質都好爽口，酒釀雞件好香，龍躉片、特選豚肉等等都食完又食！最後埋單每位都只係$300左右，呢個價錢食到咁靚嘅海鮮真係好抵！…Read More

細佬中意食鐵板燒，見佢就開學請佢食餐好既，呢間鐵板燒位於長沙灣，見佢咁多好評又近我地一於去試下。日本風既門口已經好有特色，入到去成個感覺好整潔舒適。我地揀左個牡蠣餐包括有２人份量既是日精選刺身、沙律、廣島蠔、魷魚筒、牛肉薄燒、野菜、炒飯、味增湯。沙律d菜好新鮮，清甜爽脆。個醬汁鹹鹹地，仲有少少酸，幾開胃。是日精選刺身有深海池魚、帶子、八爪魚、油甘魚，都好新鮮。當中我最中意深海池魚，鮮甜得黎有淡淡特有的甘香味。燒魷魚筒好有口感，煮到啱啱好一Ｄ都唔靭，而且又唔會好咸，沾上旁邊既炸蒜就更加香口。廣島蠔配煙肉、櫻花蝦、洋蔥、炸蒜一齊燒，充滿牛油香味，惹味得黎仲食到蠔既鮮味。牛肉薄燒用牛肉包住青脆既蔥同炸蒜，為濃郁既牛味配上小清新既味道。炒飯用櫻花蝦、蛋、蔥一齊炒，好香，而且仲有味增湯同炒芽菜配埋一齊食。成個牡蠣餐都夠我地兩個人食，最欣賞係唔會好咸，選材新鮮，比我以往食開既好食好多。另外叫左份鵝肝多士同一客日本海膽，鵝肝個面煎到金黃，食落肥美豐腴。日本海膽質感好幼滑，入口即化開，好鮮甜！！係我食過最好食既海膽！建議一早book定位，我地食到咁上下已經好多人等位。最後埋單之後店員仲送左一人一粒糯米糍雪糕俾我地。…Read More

朋友食過介紹呢間位於元朗隱秘巷仔入邊嘅雞煲火鍋店，聽聞佢哋嘅選用嘅食材好高質。餐廳面積唔大，有10枱左右，而且負責人非常友善，勁有親切感。落單時見我哋花多眼亂，仲向我哋推介一啲必食之選。小食方面，呢個蜜椒薯仔牛柳粒勁勁勁好味！！！香濃既蜜糖同黑椒味包裹住薯仔同牛柳粒，牛柳粒有小小脂肪，食落更加香。椒鹽鴨舌外層炸至金黃色，鎖住Ｄ肉汁，鴨吞好Ｑ彈有口感。我哋揀咗中辣既招牌雞煲加鮑魚同埋魚鰾，當我哋話揀中辣嘅時候，負責人的溫馨提示過我地真係好辣，因為辣醬係佢哋自家製，但係朋友都好想試，最後辣到我食咗幾件雞頂唔順！呢間雞煲嘅味道同我以往食過嘅好唔同，唔會好咸，醬汁唔會掩蓋左雞嘅鮮味，而且雞肉非常嫩滑。魚鰾一啲腥味都冇，但因為太索味，太辣嘅關係，我只食咗一個。即刻叫左杯巨無霸凍檸茶解解辣，食得辣既真係要試下佢地既自家製辣醬，辣得黎又好香～叫朋友搞掂啲雞，我就夾起晒所有辣椒，終於可以加湯打邊爐。好彩加咗湯之後，即刻冇咁辣，可以盡情打邊爐。安格斯封門柳脂肪分佈好平均，肉質鬆軟，牛肉味較為濃郁。手切本地牛細細塊較厚，但入口軟腍。醉雞子好香花雕酒味，咬爆Ｄ汁泌晒出黎勁正！手打蝦滑、墨魚滑真係真材實料，墨魚滑較爽口彈牙。脆鯇骨腩好大件，一睇就知好新鮮，仲要咁大件真係好小有。另外仲叫左精選雜丸拼盤同一Ｄ蔬菜，超滿足。我覺得呢間餐廳好用心經營，真係用個心去整一Ｄ好既食物出黎，可惜佢地唔烏大街，唔上網睇到／朋友介紹都好難知道。…Read More

系社交平台見到德家日式燒肉店 x 德興日式放題鍋 三三不盡六周年店慶限定, 只要個名有德／家／興同音2字可以免費食燒肉／火鍋放題／午市定食!!雖然我無，但係見到咁多野食都忍唔住book左試下。今次我哋就試左個燒肉放題先，因為燒肉放題都有得打邊爐！燒肉放題分別有三個套餐，A餐就純燒肉放題；B餐額外有刺身盛同安格斯拼盤；而我就揀咗C餐有埋海鮮盛！🤤一係唔食，食就要食最多選擇既😜一入門口就見到幾個裝滿飲品既雪櫃，除左有盒裝/罐裝飲品之外，仲有冷泡茶!!!!最貼心既係餐廳仲擺放左常溫飲品區,非常貼心!!自助吧有多款沙律、小食、蔬菜、肉丸等。再行過小小就係甜品區。一邊食緊小食既同時，刺身盛、安格斯拼盤同海鮮陸續到齊晒。刺身都好新鮮,唔會成陣雪藏味，特別中意赤貝，爽口鮮美。海鮮盛竟然有味噌蟹膏甲羅燒，所謂甲羅，即是蟹蓋；而蟹味噌，即是用味噌製過的蟹膏。鹹甜適中，濃濃既蟹膏上面再加上蟹子好有口感，十分滋味！鮑魚好大隻，已經處理好而且洗得好乾淨，有咬口得黎又唔韌。燒肉方面，單單牛肉已經有9款另外仲有豬、雞、羊、海鮮等等，可以話係包羅萬有。當中我特別推薦牛吞，好爽口!!!牛肉既肉質都好鮮嫩,部分更醃製好不同口味。食到咁上下開始飽就食啲比較清淡嘅蔬菜，與此同時都準備開始打邊爐。牛油雜菌燒完都唔會干晒，濃郁嘅牛油香味。燒菠蘿更加係甜到入心。呢個牛骨湯底煮出嚟嘅蔬菜超清甜！個湯底勁高質！下次一定要嚟試吓佢哋嘅火鍋放題！差唔多食完嘅時候，店員另外俾咗張雪糕紙我哋，原來除咗出邊嘅甜品之外，仲額外每人可以揀一款雪糕！真心推介呢間燒肉放題，食材高質價錢貼地！…Read More

去上水搵家姐幫手搬屋，執嘢搞到八點幾先出去食飯，諗住求其搵間餐廳，因為10點後就冇嘢食。見到呢間裝修唔錯就入去試吓，入到去就即刻有服務員問我哋要唔要食象拔蚌，我哋見$400左右有兩隻就叫咗兩隻試吓。象拔蚌真心唔錯，雖然係比較細隻，兩隻切出嚟仲少過平時一隻。另外仲會送一個清湯俾唔食刺身嘅人灼一灼。之後叫咗個四人餐，套餐以每位計算，大概$200左右一位。本身會送每位兩隻鮑魚，鮑魚嘅味道就係充滿蒸魚豉油嘅味。另外仲有一人一碗湯。喺指定餐牌裏面我哋揀咗四個餸，味道中等，偏向較清淡。因為四人限聚，所以要分兩台，另外一台嘅屋企人就選擇左單點。呢個甜酸排骨好唔錯！呢個魚香茄子煲就麻麻哋，茄子煮得唔夠腍！對比起平時食開嘅芝士龍蝦伊麵，好滯好膩食緊野期間有嘢想搵侍應都好難，完全唔夠人手！埋單嘅時候，收銀員態度非常差！我哋埋單前一早講咗會員儲分，佢好差喺度同我哋講冇yuu!!!其實你哋理解能力有問題就檢討吓自己嘅態度，當佢理解到嘅時候都冇道歉。…Read More

同朋友都係打邊爐愛好者，系網上見到八幡屋涮涮鍋澳洲Ｍ5和牛海鮮盛宴星期一至四全日買一送一，而星期五六日晚市優惠二人同行一人半價！好多放題／任食都係得90-120分鐘，呢間可以食足150分鐘 ！又有得食刺身又有得打邊爐，實在太吸引啦！因為驚多人我地一早就book左位，入座後可以用QR code落單，點餐以件數計算，可以防止浪費食物。餐廳會先安排刺身拼盤、海鮮拼盤、牛肉同黑豚肉，唔夠可以落單再添又或者自行到自助吧揀。食物選擇好多，有燒物、8款海鮮 、13款刺身、接近20款肉丸，仲有多款飲品同火鍋配料都係任飲任食。等個爐滾既同時就拎左Ｄ小食，佢地既炸物都好香脆，當中特別中意呢個炸芝士外脆內軟，啖啖香濃芝士。我地揀既套餐有３款牛肉任食，美國進口牛肉比較有口感牛肩胛既肉質比較滑M5澳洲和牛脂肪比例好平均，各有特色。打完邊爐試埋佢地既串燒，鹽燒多春魚，一Ｄ苦味都無，啖啖彈牙魚春。燒日本番薯仔甜甜地，口感似麻薯。鹽燒虎蝦好新鮮，肉質好實又大隻，小小鹽更將鮮味带晒出黎。焦糖燒菠蘿好甜，一Ｄ都唔酸。食到食飽飽地食埋甜品就完滿。值得一讚落單好快有，而且侍應非常勤力，一見到有盤食完就即刻收。…Read More