edgartkw's Profile

今日出左糧就諗住同老豆食餐好既, 佢就唔中意去咁遠, 就咁係樓下食就算啦, 見到有間燒臘舖, 見到d燒味幾靚就食呢間!咁我地兩父子就叫左兩樣野食, 燒腩仔同燒鵝!呢度真係臥虎藏龍呀! 我食佢個燒腩仔, 我同老豆都大讚!! 因為皮脆之外, 肉同肥膏都係好均衡! 唔會係成大舊肥膏, 諗住都唔係好想放入口果d!!!之後到隻燒鵝, 男人既浪漫除左係豆腐火腩飯之外, 大啖大啖咁食燒鵝肉, 成口都係油果下真係好滋味!今日同老豆食左一個好浪漫既男人餐~…Read More

最近工作都很忙，朋友介紹了La Saison 這一間法國餐廳，我便和女友浪漫一番，。那天等她下班後便去了，餐廳位置很容易便找到。燈光、擺設都不錯，整體環境很好，最重要是坐位與坐位之間有合適距離，說話不必怕被人聽見會尷尬，整體讓我們感到十分舒服。餐前小食很快就送到來了，小小的份量作為開胃菜絕對合適。除了盤子上的餐前小食，還有很多不同口味的麵包讓你吃個夠，我記得面包是有4款的，其中有一款軟軟的鬆包，搽上牛油後更好吃。另外還有一小杯的牛尾湯凍，味道清甜，搭配上濃濃的牛肉香味，這時候我的 [胃門] 已經開啟了。前菜也很快的到了，我跟女友點的都是烤蘋果伴香煎鴨肝配白酒汁，煎封好的鴨肝配上軟腍、味道酸甜的蘋果，兩者配合得淋漓盡致，讓我吃光整碟，哈哈。我的主菜是香煎帶子伴茄子蓉、黃菌及牛仔汁，脆餅、日本茄子蓉、黃菌 及 加入了豬耳煮香的牛肉汁，搭配上口感彈牙帶子，令人一再回味。女友點的是封鴨腿配意式玉米蓉、香燈及柑橘果醬，醬汁味道比較濃，鴨腿搭配柑橘果醬後味道變得比較有層次，肉質也很結實。另外，軟滑的玉米蓉有點像意大利抄飯的感覺。主菜完成後坐了一會侍應便上甜品，我跟女友又分別點了不同的甜品，我的是糖醃漬檸檬件檸檬雪葩，蛋白脆餅及芒果，賣相色彩繽紛，味道偏酸一點，喜歡吃檸檬的朋友不要錯過，哈哈。女友點的是紅蘋果香酥批配青蘋果雪葩，那個香酥批焗得很香脆，脆脆的外皮，內裏軟軟的，口感相當好，還有那青蘋果雪葩，味道清新，兩者一甜一酸，配合得相當不錯的蘋果甜品。La Saison，感覺這間餐廳除了味道不錯，菜式賣相也很精緻，而且侍應也很專業細心。紀念日應該會和女友再去的。…Read More

難得約好耐冇見既朋友出黎食，食餐好架啦MAINDISH未到，我地首先叫左個小食食下黑椒蜜糖雞翼，賣相都幾吸引，個雞皮脆口，有D黑椒調一調味都幾惹味餐跟個羅宋湯，都足料既主菜到！雞扒軟殼蟹飯，食慣淡口既人可能會覺得佢濃味左少少，不過我就OK，個軟殼蟹炸得幾脆，個汁好濃味，加多幾啖飯一齊食就岩岩好朋友既石頭鍋飯，我都試左少少，隻蛋好正，流心蛋黃！！不過我試既時候已經攤凍左少少，就失色左D，如果係即上即食應該會更好最後甜品，法式pancake，黎到都應該食番個pancake？我自己其實唔係話好鍾意食甜食既人，但我都覺得OK，pancake加雪糕再加朱告力碎碎幾match，朱古力雪糕好濃朱古力味，唔錯既總括黎講，呢餐都算滿足！…Read More

食午飯，係炮台山至天后附近，行過呢一間就求其入去食店內位置唔算多，所以要稍微等等我係一個愛食咖喱既人，所以就揀左呢個乾咖喱牛肉飯賣相都還可以，味道亦OK，不過完全唔辣既但係啲牛肉有唔少筋，所以食既時候有時比較難咬斷餐飲凍奶茶，正常飯後甜品送既，其實我都唔知係咩糕，好淡，尤其係我食完濃味既食物質感好膠，唔好食總結：食物質素唔計個甜品都還可以，我會寧願唔要個甜品可以計平Daround 50蚊一餐黎講，唔算抵食咖喱飯味道可以，但比起附近茶記既咖喱飯貴而唔覺特別好食如果有機會再黎呢間會寧願試其他…Read More

記得09年遊日本時,有日忘記帶guide book,誤打誤撞到了勝博殿,想不到兩年後,同樣地誤打誤撞,我們來到了銅鑼灣的勝博殿~從樓梯走下地庫就開始感受到日本的氣息,座位亦十分舒適,以卡位為主~點了:豬柳鍋 - 味道很濃,肉質較稔,與麥飯十分夾~ 豬柳卷套餐 - 比較豐富,忌廉蟹餅絕對是美味之選,大蝦亦十分爽口,而主角豬柳則炸得過了火喉,令肉質乾了少許~紅荳綠茶雪糕 - 是永遠搭配的組合,吃罷甜品覺得十分滿足呢~感覺這裡的氣息與日本的很接近,服務亦夠殷勤~但味道方面期待有天可與日本的看齊~…Read More

今日終於食到哩碗秀拉麵, 入去就決定食黑秀拉麵, 即醬油豬骨湯, 過一陣就有得食, 這裡的麵比較幼身, 同一般食既唔同, 而且湯濃叉燒我就要左豬肩肉, 都燒得幾香食落去同時既港式拉麵唔同, 都幾好食~服務也可以等下次再來食先…Read More

見Openrice好多食家話好，相仲影得好靚下，所以忍唔住同女友試試。好彩，可入去時6點幾比較早，未算多人 ，兩個人就揀左坐吧檯。 坐底打開Menu，都真係幾花多眼亂其實我好簡單，一心食牛，想試牛舌係女友心大心細，又話食帆立貝，又話食花虎蝦最後點了牛舌、一口牛、燒汁牛肋骨肉、燒汁雞翼、帆立貝、花虎蝦唔理咁多，叫對面個師傳先上厚切牛舌先第一件燒時，燒到個面乾身少少，不過諗唔到食落無影響，咬落好爽好夠汁抵讚，我仲用佢配白飯不過女友話一諗到同牛打車車，死都唔試。其實唔話佢知係牛舌，個樣都似火腿午餐肉。話知佢，佢食佢個蝦同帆立貝，我就食一口牛。可能我對厚身野情有獨鍾，聽返師傅講，佢地既一口牛唔係牛柳粒，係牛肋骨肉，食落唔似牛舌咁爽，同埋會多少少油香，其實燒緊時已經聞到好香~~~意外驚喜係燒汁牛肋骨肉，圈住一舊牛骨咁上，上面淋了汁，我覺得個味幾夾，再飲埋杯生啤，個感覺真係幾爽。呢次食住呢幾樣先，價錢其實唔平，不過一定再有下次。…Read More

最憎食晏同人迫, 早幾日行入isquare, 都未諗好食咩, 同事見有喜記個牌就話食喜記, 是但啦, 中菜實岩食好彩我地lunch放早幾個字, 唔係之後實要等位, 3個人, 都係叫D小份量既野, 刀峄豆腐, 椒鹽九肚魚, 上湯浸絲瓜, 生滚原條泥鯭粥 & 叉燒燒肉雙併, 食晏都算豐富刀峄豆腐係一個凍豆腐前菜, 豆腐真係切到好薄, 配個好似醋既汁, 好開胃椒鹽九肚魚就炸好到開口, 熱辣辣, 好正上湯浸絲瓜好大碟, 個湯好濃, 絲瓜索晒湯既味道燒腩肉併叉燒既燒腩肉好大舊, 不過個叉燒乾左少少, 咁係無得同燒味舗比加埋個粥無得頂,不過其實我想食飯, 同事就想食粥, 不過好彩佢都仍無揀錯, 真係"原條泥鯭"好完滿既一餐…Read More

都唔知好定唔好..成日屋企無飯食~整到我唔係要食自己就同FD食飯~今日連續2日係港島做野, 今日係鰂魚涌羅完貨, 就去左海光街個邊既日本野醫肚由於早餐食得飽得仔, 依餐剩係叫左D刺身食就算~一黎就叫左個3色刺身, 可以自己揀3款,揀左帶子, 吞拿魚, 同特甘蝦, 50蚊左右帶子鮮甜, 拍得住板長既特級凡立貝吞拿魚都肥同鮮既~3樣最中意就係隻特甘蝦, 比甜蝦正同好食~之後最中意又最靚既主菜~3文魚南刺身~ 30$抵到爛~睇下嘩...切到咁...賣相一流又鮮味~…Read More

今晚同女朋友行完沙田買完衫行到又累又肚餓, 就係沙田搵野食, 後尾2個去左宜家傢俬餐廳既沙田店食飯~依間野之前呀SO介紹過的~瑞典肉丸的確好味, 但好似無去講到咁勁咁誇~!!!!!女朋友叫左個龍蝦仔法國濃湯, 略為篇咸, 但夠龍蝦肉夠大舊補返數~呀SO 推介既瑞典肉丸, 又有薯蓉再+果醬, 抵食又好味~10$有成5粒..唔同之前九龍灣一定要叫10粒~我就中意酥片煙豬柳..可跟飯, 意粉薯菜, $39, 豬柳SIZE 超大舊...抵食~肉又夠嫩, 女友就叫左意粉~下次再去都要再叫過先~…Read More

HAPPY FRIDAY 既夜晚, 同FD係奧海城睇完戲, 就去左大角咀個邊醫肚.我地幾個男仔無女仔似身, 街邊打冷梗係無問題, 好食未得LOL, 於是跟左個FD 話去食粥兼小炒~首黎緊係叫粥先啦~招牌菜, 生滾龍蝦粥------熱辣辣, D粥又夠綿, 有成4, 5件龍蝦肉~!!!!!! 30$JA...剩係食肉都唔只啦~豉椒炒蜆 , $30 夠獲氣又辣野味, 正~ 3個人食喏食, 送粥一流~@@再黎多碟椒鹽大海蝦, 60$ 10隻大大隻, 街市自己買都唔只啦~又唔咸又大隻..連殼食又得, 蝦又夠鮮味~正~!!!下次再去試下先～…Read More

下午食完潮菜, 放工同左朋友仔去左了鰂魚涌睇釣魚既野, 睇完肚餓就同FD搵野食依排鰂魚涌依邊開左愈來愈多既食舖, 唔駛次次再去太古食了~我地就去左惠安苑個間MISOCOOL~ 我一睇個名以為係ME SO COOL 添~KAKA本身讀DESIGN既我入到去依間舖，　覺得佢係有花心思設計過，　打做一個型格既舖頭～環境OK架, WAITER 服務又唔錯.開頭叫左個帶子6$隻, 放係薯片上既帶子~上面再加魚子~正~口感一流, 賣相幾得~魚生冷麵40幾蚊, 魚生都夠多..賣相又好~有成7款, 都夠新鮮, 抵食~最中意佢既LEMON TEA, 檸有成4片無偷工減料~!!!!…Read More

個日出開上環, 去左皇后大道西附近食飯~ 唔想食飯盒茶餐廳, 就去左陳勤記鹵鵝飯店打左個轉~依間野好老字號架啦..起碼有成5-60年,除咗鹵水鵝, 店亦有蠔餅, 凍魚,墨魚紅腸掛晒出黎~吊起既鹵水鵝中中定定唔肥唔瘦鹵水色好平均, 唔會同其他店咁係咁加鹵水汁整到成隻黑黑地~我叫左碗中既蠔子粥, D 蠔多又大隻..睇到都流口水~第2樣叫左鹵水鵝, D鵝鮮嫩又入味, 唔點醋食仲好..鮮味可口~!!!!係底既豆腐吸晒D精華~同樣好吃~…Read More

今日去左上環工作, lunch就去左之前食過好味既新成買左碗米線返黎,大大碗既雜會米 廿蚊都唔駛, 去邊到搵呀, 個頭用圍普遍既都要成3,4字頭先食到~唔講咁多, 試左先~米線幾滑, 可能唔係俾佢浸左好耐, 所以好食料個到分別有3牛1紅, 牛有牛肚, 牛展, 牛利, 紅就係紅腸.首先講個牛肚先, 唔似牙, 幾林, 有3件, 都有味道.另外,牛展俾牛肚更加入味, 正~!!又有口感牛利方面, 我中意食厚牛利多d~因為有咀嚼既質感~ 佢厚薄都有d架~紅腸, 當然有街邊舖頭feel 唔似去美心個d3寶飯個d lol, 好食好多本人米線唔中意食spicy, 相信如果加spicy 會更加好味~ 出面好似比泊位架..所以架車賣外賣都應該無問題…Read More

今日下午係灣仔做野, 唸緊食咩, 經開春園街就唸起新景園~依間加里小廚之前食過, 覺得好好味, 於是今次番食啦1點去到, 嘩, 咁多人, 於是都係決定叫外賣~我同同事就叫左加里豬扒飯同乾炒牛河~等左10幾分中, 終於等到個外賣~即刻羅返公司食~水準仲keep 到下~豬扒同加里汁分開上, 唔會整到豬扒lam 晒~, 另外豬扒唔會整到乾水, 鬆脆又有肉汁, 好食~另外起出望外係個乾炒牛河, 一d都唔油, 牛肉又好食~女士們喏晒~d河粉又無似埋一舊舊, 同平時食開既唔同~之前睇tv 話要整到d河粉唔似都幾考功夫架~…Read More