Video
Exit E1, Mong Kok MTR Station, Exit B, Mong Kok East MTR Station, Exit A1, Yau Ma Tei MTR Station
continue reading
Telephone
91497339 (WhatsApp)
Opening Hours
Today
12:00 - 01:00
Mon - Sun
12:00 - 01:00
Above information is for reference only. Please check details with the restaurant.
About Reward Scheme
天氣涼涼地, 想和家人吃火鍋, 原先用openrice訂座, 不過去到見到好多位, 所以都無確認到openrice訂座和優惠, 見到敢多吉枱, 心諗係咪敢差, 我們比安排坐在好闊落的卡位👍, 佢個度有三款套餐, 我哋揀左最平的套餐308元一位, 用QR code落單, 係肉有分別, 其他食物也一樣, 我哋揀左椰子雞湯同雜菌湯, 不過要另加48元, 開頭試左啖湯, 果然好濃味👍, 之後家人食安格斯, 我食豚肉, 其實也不錯, 每枱送一碟咸蛋黃魚皮, 不過我個人怕熱氣, 所以家人幫手清晒佢, 叫左手工雞軟骨餃, 手工韭菜餃, 魚皮餃, 流心小籠包, 香芋貢丸, 南瓜, 冬瓜, 萵筍, 冬瓜片, 芫茜燒賣, 蝦, 鱔, 脆肉骨腩, 花膠, 紫薯, 油麥菜, 菜心苗, 蕃茄, 黑松露墨魚滑, 鴨血, 帆立貝, 全部質素都唔差, 韭菜餃皮薄料多👍魚皮餃,流心小籠包同芫茜燒賣的味道也不錯😚, 花膠似花膠, 唔係魚肚, 蕃茄有酸甜味令我叫左二次🥰, 蝦也好大只同新鮮😋 或者創興太多吃火鍋的地方, 依度無限時, 食材質素同環境也唔差, 又有冷熱飲品, 罐裝汽水冷泡茶👍其實一d都唔差, 值得去食😍
continue reading
最近壓力真係超級爆煲，係時候要瘋狂食一下+爆汗做運動🙌🏻 唯美食治癒人心有間叫做鍋霸嘅台式火鍋店好霸氣嘅名，原來已經開幕五周年，推出咗一個全新時間無限喪食套餐，好揀120分鐘，又或者唔限時，如果係七半前離場只係$219，性價比超高！湯底我哋嗌咗鴛鴦，藥膳椰子雞同埋藥膳養生鍋，真心一流，因為你一飲就知道食椰子雞湯好香滑，Prime grade安格斯肥牛套餐都已經好夠食，仲有shake shake鹽酥雞，有四款調味粉可以shake。4位grade 2會送牛，又或者grade 3每2位都會送，手切prime grade beef!飲品有好多選擇，有兩款特別推薦，就係台灣黑糖冬瓜檸檬茶同埋烏梅山楂茶🫶🏻 打邊爐最怕就係熱氣同埋好滯，呢兩款打邊爐飲又唔會太過甜！台灣嘅養生鍋有食材好多選擇，例如有台灣腸、金沙丸(鹹蛋黃漿）、特濃魚腐（爆漿芝士）、白鱔、響鈴、無激素豬肉片、各式台灣丸等等，配合湯底之後，成件事升華咗啊，係真心高分嘅打邊爐店。已經好耐冇見閑日嘅香港食肆，可以做到全院滿座🙌🏻 甜品，每人一杯Häagen-Dazs或者Movenpick雪糕🍦我揀咗咖啡味Movenpick😋 好滿足🫶🏻
continue reading
創興廣場呢度真係好多嘢食，特別打邊爐都有幾間。今次揀咗位於4樓嘅鍋霸台式火鍋，開業已經接近五年，晚市都相當熱鬧。湯底方面真係超多選擇，揀左🔸藥膳沙茶雞涮涮鍋同🔹養生蟲草花桃膠雞涮涮鍋。湯底嘅料真係好足，兩款湯底都有好大件雞，特別係養生蟲草花桃膠湯底，桃膠同蟲草花都特別多，另外湯底偏向清淡，唔會太鹹。🐂我揀嘅係美國 Prime Grade 極上牛頸脊及西班牙伊比利亞黑毛豬套餐。另外可以再揀120分鐘任食或者+$40轉無限時任食，性價比都幾高。我呢個套餐每四位額外會送多一碟價值$168既手切安格斯prime grade 牛肉。如果揀最貴嘅套餐就每兩位就已經可以額外送多一碟牛啦！要講最平的食法食7:30離場$219就可以食足120分鐘。講返嘢食方面，牛肉都幾新鮮，特別係極上牛頸脊，切到勁薄可以一塊就一啖，而且肉質都幾嫩滑，牛味濃郁。QR code落單方面，食材選擇非常之多，我幾乎每款都點下，依然都有好多未試晒。我點左的食物包括：前菜青瓜及木耳、鴨血、蝦、牛丸、黑松露墨魚丸、時令海鮮、帆立貝，炸魚皮、手工三寶丸🍡、魚皮餃、白鱔片等等。我最鍾意嘅係：🍥黑松露墨魚丸，細細粒唔驚食到太滯，而且入口彈牙，帶啖淡嘅黑松露味。另外蝦🦐、鴨血、白鱔片同皇帝菜都好新鮮。🥤飲品方面選擇到好多，有多款台灣嘅特色嘢飲，亦都有自家泡的茶飲。🍨最後食飽又點少得甜品，每人可以揀一款雪糕，我想講MOVEPICK個咖啡味雪糕真係好特別好好味，唔鍾意咖啡嘅我都愛上🤎。✏️有加一服務費
continue reading
契妹今日帶我去食火鍋，話鍋霸 推出咗全新時間自主吃到飽火鍋套餐，可以揀1️⃣2️⃣0️⃣分鐘或者無限時，而且無限時只要加多$40就食到😍。店舖做到真正時間自主，因為用餐時間完全可以由自己決定，1️⃣2️⃣0️⃣分鐘套餐7：30🕢離場最平$219就食到😍。餐廳裝潢簡潔，坐位闊落，空間感足🥰，設有高身卡位及一般4️⃣人座位，另有冷熱飲品櫃及調味料區，可自助選取。其他食材都可透過手機QR Code📱落單。店員服務強快有禮🤗，上食物速度快，食物款式多，質素好又新鮮😍。極上牛頸脊套餐 $413(無限時)我地揀咗第二個級別嘅牛肉套餐🥰，主打美國Prime Grade極上牛頸脊🐂及西班牙伊比利亞黑毛豬🐖。鍋底就揀咗鴛鴦鍋( +$48)鴛鴦鍋湯底藥膳胡椒豬肚雞鍋藥味重胡椒味濃，湯料多，豬肚軟滑，雞件香嫩😋。台灣麻辣牛肉涮涮鍋(微辣)湯底麻辣鮮香🌶，大陣陣牛肉香味，湯鍋內有5️⃣至6️⃣件牛腩，肉香味辣😍。極上牛頸脊及安格斯肥牛🐂，牛味突出，質感軟滑，牛頸脊尤油脂更多，尤其香滑😋。伊比利亞黑毛豬，肉味濃油脂香，口感爽滑軟嫩🥰。3️⃣款肉都好好食，就算再點質素同樣係高😍，所以忍唔住食咗好多碟😅。大條長形蟹柳，味道鮮甜啖啖肉。炸物如花枝丸、鹽酥雞、響鈴及炸魚皮，香口惹味，墨魚丸尤其好食，墨魚味香濃😋。講開花枝丸和鹽酥雞，一開始會有4️⃣款唔同口味shake shake 粉，試下shake shake 鹽酥雞😍。最後當然唔少得每人一杯雪糕，我地當然係揀 MÖVENPICK 啦😍。🌟鍋霸選擇第二個級別牛肉套餐 (每四位額外送多一碟價值$168既手切安格斯prime grade 牛肉)🌟鍋霸選擇第三個級別牛肉套餐，(每兩位便送多一碟價值$168既手切安格斯prime grade 牛肉)
continue reading
鍋霸開幕五周年🎊，推出全新時間自主吃到飽火鍋套餐！無論係湯底定係肉類配料嘅質素，我哋都係好滿意～ 有三個級數嘅套餐選擇，120分鐘套餐7:30離場最平$219就食到。鍋霸選擇第二個級別牛肉套餐 (每四位額外送多一碟價值$168既手切安格斯prime grade 牛肉)，第三個級別牛肉套餐(每兩位便送多一碟價值$168既手切安格斯prime grade 牛肉)。我哋揀咗中間級別嘅「極上牛頸脊套餐」120分鐘成人$373/位。用餐時間由自己決定，如果一大班朋友想食耐啲，可以加$40變做無限時任食，超抵呀～「極上牛頸脊套餐」有4款肉類任食包括Prime Grade安格斯牛頸脊🐮、西班牙伊比利亞黑毛豬肉片🐷、Prime Grade美國安格斯肥牛🐮同西班牙無激素豬肉片🐷。仲有自家製手工配料🥟、海鮮類🦑、炸物類、蔬菜🥬同麵類🍜等等，最後有每人一杯雪糕🍨～坐低之後，店員會問我哋想要邊款餐前小食，有Shake Shake鹽酥雞🐤同花枝丸🧆揀，我地每樣一款，附上4包shake shake粉（梅子、芝士、海苔同香辣味），好食又好玩🤩！湯底我哋揀咗藥膳沙茶牛肉涮涮鍋🍲，沙茶牛肉湯底用料十足✨，味道濃郁帶有藥膳味，香氣四溢，同肉類超級夾👍🏻！肉類最鍾意Prime Grade安格斯牛頸脊！牛頸脊部位運動較多，所以肉味特別濃郁😋！油花分布均勻，肉質鮮嫩多汁！Prime Grade美國安格斯肥牛都唔錯，肥牛厚薄適中，肉味香濃，肉質軟滑有咬口！而西班牙伊比利亞黑毛豬肉片真係好推介❤️！脂肪分佈均勻，味道非常濃郁，口感腍軟爽口！自家製手工配料有手工潮汕豬肉丸、手工麻辣牛丸、手工韭菜餃、手工香菇豬肉餃等等，當中最喜歡手工黑松露丸🧆，細細粒口感爽彈，黑松露味好出，仲有墨魚嘅爽脆口感🦑～ 另外仲有花膠片、帆立貝、台灣鴨血、花枝丸等等嘅火鍋配料。當日是日精選海鮮係大蜆同蟶子，兩款洗得乾淨冇沙，非常鮮甜！不停encore之選😆！海鮮仲有海蝦、脆鯇魚片、白鱔片、新鮮魚雲、墨魚仔等等！最後每人可以揀一款雪糕🍨，有Häagen-Dazs、DREYER'S、同MÖVENPICK，仲有甜筒同雪糕批揀添！我地分別食咗MÖVENPICK朱古力同雲呢拿味雪糕！呢餐真係食得好飽好滿足！
continue reading