先講， 珊瑚翡翠希子餃，三色分明，咬落去帶子彈牙，帶子亦新鮮，好正。
鮑魚燒賣，兩者好夾，平時好少食到，口感一流。
跟住，這個蟹子蝦餃皇，皮薄多料，見到好晶瑩剔透，蝦好新鮮。跟其他酒樓係有分別。
而叉燒同油雞都係水準之上， 叉燒肥瘦分明，燒到剛剛好。
干炒牛河，炒得好，夠干身，唔油，牛亦爽口。
娃娃菜，湯汁清甜。
叉燒腸粉，皮薄，舊舊都肉，叉燒唔硬。
最後有流心朱仔包，整得好精緻，唔捨得食，內裡仲好熱，流沙好濃郁，帶點甜，好食。
所有味道都好回味，值得再試，希望疫情快d過去，可以再黎澳門食好嘢。
餐牌同裝修都好華麗，配得上5星酒店。
