Video
Read full review
2023-10-14
36 views
星期五晚喺soho飲完酒食完pizza 仲見有啲餓諗住睇下邊到有串燒食 續攤啦見到呢間中環新開嘅串燒酒場 有酒有吃 係佢啦去到見到裝修幾特別 十月中已經係halloween佈景門口仲有個識戴帽除帽嘅skeleton喺到添有戶外有戶內位 成個感覺係似諾士佛台我地就坐咗室內啦 畢業香港淨係得夏天㗎咋嘛.坐低就電話QR code落單少少地叫咗8樣食物 同2杯酒諗住chill下食下嘢飲下酒傾多陣計咁樣.酒好快送到 我地就聽住歌 等埋我地嘅嘢食嚟餐廳播緊廣東話歌 丹麥浚龍嘅《有人》// 難得 有人待我這麼好 如此照料周到 何事我又要讓人最苦惱 即刻有啲身同感受 唉真係咩都唔好講 飲啦.聽咗一陣歌 飲咗大半杯酒 嘢食都未到 唔緊要啦 咪傾下計 漫漫長夜 tgif 又唔急點知音樂一停 畫風一轉一個濃妝雙馬尾 上身淨係著bra 下身著住條短到見到patpat嘅粉紅色短裙 白色長襪再加磚頭咁嘅高踭鞋嘅 目測五十路大媽拎住咪企咗上台.🫨🫨🫨🫨🫨🫨嘩簡直係衝擊我嘅眼球同精神狀態佢一路唱啲上個世紀嘅普通話歌 一路扭呀扭呀扭呀跳大媽舞我的天！唔通我返工認真得濟 唔經唔覺就到咗萬聖節我都唔知？.震耳欲聾嘅大媽歌聲
仲見有啲餓諗住睇下邊到有串燒食 續攤啦
見到呢間中環新開嘅串燒酒場 有酒有吃 係佢啦
去到見到裝修幾特別 十月中已經係halloween佈景
門口仲有個識戴帽除帽嘅skeleton喺到添
有戶外有戶內位 成個感覺係似諾士佛台
我地就坐咗室內啦 畢業香港淨係得夏天㗎咋嘛
.
坐低就電話QR code落單
少少地叫咗8樣食物 同2杯酒
諗住chill下食下嘢飲下酒傾多陣計咁樣
.
酒好快送到 我地就聽住歌 等埋我地嘅嘢食嚟
餐廳播緊廣東話歌 丹麥浚龍嘅《有人》
// 難得 有人待我這麼好 如此照料周到 何事我又要讓人最苦惱
即刻有啲身同感受 唉真係咩都唔好講 飲啦
.
聽咗一陣歌 飲咗大半杯酒 嘢食都未到
唔緊要啦 咪傾下計 漫漫長夜 tgif 又唔急
點知音樂一停 畫風一轉
一個濃妝雙馬尾 上身淨係著bra 下身著住條短到見到patpat嘅粉紅色短裙 白色長襪再加磚頭咁嘅高踭鞋嘅 目測五十路大媽拎住咪企咗上台
.
🫨🫨🫨🫨🫨🫨
嘩簡直係衝擊我嘅眼球同精神狀態
佢一路唱啲上個世紀嘅普通話歌
一路扭呀扭呀扭呀跳大媽舞
我的天！
唔通我返工認真得濟 唔經唔覺就到咗萬聖節我都唔知？
.
震耳欲聾嘅大媽歌聲以及震撼眼球嘅扭腰舞
隔離嗰對男女細細聲講咗句：搞唔X掂
就起身走咗了
我地唯有催啲嘢食快啲嚟 想拿拿林食完走佬啦
.
由20:40落單 去到21:20啲嘢食都仲未嚟
喂我地叫咗8串串燒咋喎 我唔係點咗八寶鴨喎
忍唔住叫個staff過嚟 問佢嘢食幾時嚟 嗰大媽幾時唱完
最搞笑係 問咗3個staff 有2個都話佢地personally都唔鍾意呢壇嘢 但腦細話要
我投訴咗3次話好嘈 啲staff都知咩料啦
就幫我地調咗去戶外坐 其實係距離大媽近咗 但無室內咁應聲
節衷之下都唯有當時運高睇唔到
.
最後近九半啲嘢食先上 大媽呢個時候都終於落咗台
我地終於有返餐安樂茶飯食
嘢食整體都正正常常 不過不失
就係普通串燒 無驚豔無驚嚇
可取之處就係算幾平 廿令蚊串咁
香港好多食串燒嘅地方都好鬼貴
一串分分鐘貴過你去食個茶記
.
好景不常 我地食完差唔多走之際
見到大媽換咗另一套戰衣 睇嚟準備捲土重來
得 你贏 我走
逃避雖可恥但有用
快跑！！！
$300
3 views
0 likes
0 comments
Post
