御蓮宮

Open Now

Now Closed

你又食過安格斯牛河未？食過鮮長腳蟹腸粉未？我認為係澳門巴黎人酒店裡最掂嘅一間餐廳－御蓮宮！待應先為小朋友預備一套巴黎特色嘅餐具 認住呢個蓮花燈，室內整個環境都超美超高貴，估唔到佢哋嘅點心都一樣咁高水準 前菜放上枱佢哋都唔放過，點知食咗D有芥茉嘅青瓜即刻嗌「好辣好辣」 正式嘅點心上枱啦！當然唔少得嘅係最識食嘅芊芊且最鍾意食嘅蝦餃，真正皮薄蝦靚！ 每餐唔少得嘅蔬菜，媽咪一定要嗌俾小朋友食！面上仲有少少炸白飯魚，兩個第一時間食，叫呢一味都唔知健康定唔健康 最巴閉係呢碟乾炒牛河，有咩咁巴閉，因為佢係平時去食都要幾百蚊嘅安格斯牛肉，真係好重牛肉香，唔知點解一路食一路覺得佢用嚟炒河有D嘥 跟住媽咪再嗌多個好有特色嘅點心！ 又來一個巴閉點心，因為佢係長腳蟹＋蝦腸粉！蟹肉超鮮甜 最後實在唔夠飽，因為餓咗太耐，所以再叫多籠燒賣...噢媽呀！原隻帶子燒賣呀