藍蛙 (Closed)

無端端過大海睇秀，睇完出黎搵野食，夜媽媽都廢事走返出去搵野食，就係威尼斯人食算數。一出黎有兩間吧，一間唔多見有野食，自然去左另一間，叫藍蛙既餐廳。食唔得咁多野，都係要d小食沙津加個漢堡，應該都夠。藍蛙漢堡，塊扒真係麻麻，無咩肉汁，調味都無乜，唯一好就係熟透度剛剛好，薯條反而好好多，至少有點鹽調調味。雞沙律，坦白講，applegreen水準好一點，至少面頭塊包唔會係冰凍硬。個醋汁下得太多，成碟野係幾酸下，真係唔收貨。Nachos，這裡的配料，樣樣都好似少了點。不過我真係唔識野同唔多識欣賞呢碟野，一兩塊仲可以，當小食黎食真係攪唔掂。啤酒唔係好多選擇，要Kilkenny，幾滑，不過唔夠凍。水準幾普通，一次就夠皮。