維記咖啡粉麵飯 (Closed)

澳門呢間茶餐廳，唔好提少佢店仔細細，好似好市井咁，偏偏佢就整出勁好味的梳乎里。我之前去甜品班學過整兩次梳乎里，兩次整都失敗，唔係打得唔好，就係焗得唔好，整梳乎里真係好考功夫，而且唔可以事先準備，一定要現做，所以入店ORDER後要等40分鐘有得食。我地三個人本來ORDER大份，但隔離枱一大班人想轉大，咁老闆就走黎問我地可唔可以轉細，就係咁，我地轉左細梳乎里，所謂既細，其實都有25CM X25CM，一上枱，香噴噴，焗到金黃色，岩岩好，一食落口，外層勁香蛋味，內裹軟綿綿，令人一試難忘，唔洗3分鐘己經比我地一人一羹搶完了。