牛記咖喱美食

Open Now

Now Closed

下一站蟹后！過大海唯一活動食食食，再食食食，增肥之旅！瑪嘉烈葡撻、添發煲仔翅、牛記蟹粥蟹麵、水佬榮蟹煲，真係好食得呢。上網搵到我最愛的蟹粉、蟹粥，慕名而來 1 星蟹專程拜訪。雖然叫牛記咖哩，但咖哩菜色不多？獲米芝連 1 星食店，但只有小貓三四隻冷冷清清？因為已過午市高峰時段嗎？因為位置偏遠嗎？內內外外看起來都只是普通的潮州粉麵店。見有食客叫咖哩喎，我都好想試試呢，奈何只得我倆食唔晒會浪費啊！兩味夠晒，轉頭即刻水佬榮蟹鍋。蟹皇撈麵走蔥，麵條剛好微爽微彈，掛上蟹粉甘香。食多幾啖蟹油味開始嗆喉霸道，鮮味欠奉，有點膩啊！都知係外購貨，蟹皇勁多勁香，抵食。水蟹粥走蔥，見四眼肥姐從雪櫃取出青蟹，竟然用上活蟹即劏即造，太美妙喇！新鮮度無可置疑，十分期待。來了來了，水蟹粥味道濃郁致極，粥底棉滑，鮮蟹味厚厚，熱辣辣啖啖可口。蟹仔雖小，但蟹肉爽甜，啜啜啜無比幸福。蟹蓋藏著大量硬膏，甘香絕倫，硬中帶嚥韌，食得津津有味。