竟然有葡菜晚餐!!! 仲要七十幾蚊! 14款選擇, 抵到爆炸!
先黎個薯仔菜湯先, 因為晏晝已經飲左牛尾湯
D湯係薯仔味, 菜唔知咩菜, 唔.... 話淡又唔係, 因為薯仔味都幾濃... 唔慣吧...
主角出場了! 都睇唔出係咩... 畀好味既配菜遮晒.... 其實係錫紙焗銀鱈魚, 配麵包...
畀條魚見下光先, 有三塊的, 用大大塊薯仔墊底, 配菜有臘腸同欖! 魚似蒸咁... 鱈魚都係鍾意煎... 調味方面, 唔覺得調過.... 但又未算差, 只係下次寧願食第二樣...
因為大食仔緣故, 叫多左碌"煎焗西洋腸", 成$42架! 三隻雞全翼都只係$25, 睇餐牌幅相似成條炸過火既司華力腸咁, 奇怪得很! 我問阿姐係咪司華力腸, 佢又話唔係, 係葡國腸, 我覺得咁貴係有佢道理, 所以叫左...
食落, 原來都幾咸, 真係要切開一片片咁食, 實實地但又冇臘腸咁實, 裏面有粒粒的,
如果唔介意咸, 有飯/包/薯仔送口, 都幾好味的! 下次有機會我都會再叫...
個餐最後係送 甜品, 係芒果布甸, 估唔到好好味丫! 質地又唔太膠, 四方果o者喱既質地, GOOD!
連埋餐飲凍啡, 又唔係葡式有碎響面果隻, 失望, 埋單$120... 抵!
