銅馬葡式燒烤

中午兩點多去到 一台客都無員工嬸嬸俾份meun我睇 有下午茶 仲有平價同貴價套餐貴價既大約七八十 平既就三四十有好多款式可以揀 最後揀左平價套餐最貴既一款 - 煏羊脾扒飯餐 跟熱菊蜜（唔使加錢）餐廳有上下兩層 廚房整好野會靠呢架lift送落黎 好得意  先上既係中式例湯 有海帶蘿蔔肉 好足料 而且好清甜 唔係好鹹 絕對唔係味精湯跟住上熱菊蜜 呢個我就覺得有d過甜 不過比起華田個d已經好好多煏羊脾扒飯終於上其實我唔知煏係一種點既煮法眼見係好多紅蘿蔔洋蔥做配料既汁睇落好多配料 但羊都唔少 至少都有十小件汁 比較焗飯既稀 食落有d似洋蔥汁撈飯食一流羊脾扒 會覺得有d騷 你會清楚知道你係食緊羊 但騷既程度絕對係係可接受範圍內肉質好嫩滑 一咬就開 唔會痴呀飯食到一半飽飽睇 決定放棄其他 食晒d肉佢 但依然飽到捧住個肚走人$40 有飯有湯有野飲 而且好足料係澳門旅遊區絕對揾唔到小區既店鋪果然係寶 值得支持…Read More

呢度係關閘對落既黑沙環第四街, 淨係燒烤都已經吸引到我, 仲要葡國菜!!! 又平, 午市葡菜餐都只係$38, 散叫$5X, 即入!竟然有葡菜晚餐!!! 仲要七十幾蚊! 14款選擇, 抵到爆炸! 先黎個薯仔菜湯先, 因為晏晝已經飲左牛尾湯 D湯係薯仔味, 菜唔知咩菜, 唔.... 話淡又唔係, 因為薯仔味都幾濃... 唔慣吧...主角出場了! 都睇唔出係咩... 畀好味既配菜遮晒.... 其實係錫紙焗銀鱈魚, 配麵包...畀條魚見下光先, 有三塊的, 用大大塊薯仔墊底, 配菜有臘腸同欖! 魚似蒸咁... 鱈魚都係鍾意煎... 調味方面, 唔覺得調過.... 但又未算差, 只係下次寧願食第二樣...因為大食仔緣故, 叫多左碌"煎焗西洋腸", 成$42架! 三隻雞全翼都只係$25, 睇餐牌幅相似成條炸過火既司華力腸咁, 奇怪得很! 我問阿姐係咪司華力腸, 佢又話唔係, 係葡國腸, 我覺得咁貴係有佢道理, 所以叫左...食落, 原來都幾咸, 真係要切開一片片咁食, 實實地但又冇臘腸咁實, 裏面有粒粒的, 如果唔介意咸, 有飯/包/薯仔送口, 都幾好味的! 下次有機會我都會再叫...個餐最後係送 甜品, 係芒果布甸, 估唔到好好味丫! 質地又唔太膠, 四方果o者喱既質地, GOOD!連埋餐飲凍啡, 又唔係葡式有碎響面果隻, 失望, 埋單$120... 抵! …Read More

2012/06/04【銅馬葡式燒烤】奧運城(機鋪)樓下有好多好多美食。今次來到銅馬葡式燒烤，雖然見到"葡式"兩個字，其實裡面有泰式、中式、印尼的菜式。只因他的老闆同一街之隔PP島泰國美食比是同一人。今日我點左個泰式肉碎飯。肉碎，係我最愛，皆因我喜歡其口感，今次的肉碎微辣、再加上兩片香草，正，夏日炎炎的開胃碟頭飯。我的朋友點左個菠蘿海鮮炒飯。依，都唔差，菠蘿味稍稍突出反而有清新感覺。有野飲，有湯飲，先係$30大元。味道都唔差架，係一個醫肚的好去處。…Read More

有驚喜6月26日小弟同肥妹到澳門度假，睇開飯食評見”新益美食”好似幾特別，當晚專誠一試。由於第一次到，坐巴士坐過龍到左關閘先落車。兩個傻瓜揸住地圖行返去，邊行邊問路！最終到搵到 “新益美食”。最大發現路途中發現了 “銅馬”，睇見門口D相片，決定6/27食個豐富午餐。當天中午約12點半到埗，人客不多衹有6-7個客。現詳列個人對食物之評價如下！1)：炸馬介休球(MOP$28有6粒) ，非常干身，並不油膩。2)：芝心蝦丸(原價MOP$48，現特價MOP$38有6粒) ，每粒份量不細過乒乓球，非常新鮮及彈牙，但芝士就削左D，唔夠搶味。3)：芥末羊脾扒(MOP$48有3塊 ) 肉質非常細嫩，衹是芥末味不夠強烈！4)：燒沙甸魚 ( MOP$30有3條) 衹是加少許檸檬汁食淨條大骨。一句到尾 “正”！5)：鮮蟹焗飯 ( MOP$138 細 MOP$198 大 ) 我地點左個 “細”架，上枱時嚇我一跳，是用一個10吋X12吋焗盤上。肉蟹一隻約6兩重，D飯重係用足料炒過。我地每人食兩碗飯後，打包時重要用大盒先得勉強裝得下。6)：飲品兩胚個人評價：食味非常OK，價格合理。下次必定再去！…Read More

平靚正$60 多元的價錢非常抵牛尾骨夠多, 汁好味餐廳侍應生非常有禮唯一不好位置不方便…Read More