Read full review
2019-06-11
4020 views
適逢端午節到澳門參加龍舟比賽，早一晚同隊友到澳門過一夜，想做香港遊客必做嘅事情ー食葡國菜。朋友介紹了位於瘋堂文創區仁慈堂婆仔屋內嘅名為「婆仔屋」嘅葡國餐廳。婆仔屋之所以叫做婆仔屋，據說係因為嗰度以前係老人院，入面住左好多婆婆，所以就名為婆仔屋，個名夠哂可愛。之後政府翻新保育成為左文創區嘅其中一部分，食完可以喺庭院另一棟文藝中心同附近街道嘅建築度打卡。餐廳內裝修係復古風格，樓梯以至廁所門都係原木造嘅，好似返左古代咁。當晚我地大概夜晚九點鐘到，兩個人冇book枱都好好彩有位。招牌馬介休炒薯絲係必試嘅，而同樣出名嘅海鮮飯同焗鴨飯都想試，可惜我地得兩個人，最多嗌兩樣嘢，最後嗌左焗鴨飯。值得一提嘅麵包，加黑橄欖醬，唔食橄欖嘅人都接受到，鹹香而不臭。我地冇叫酒，因為第二朝要晨咁做起身比賽，費事飲酒。但侍應話offer free sparkling wine,咁就飲啦，一杯啫。係sparkling rosé,唔知係本身攰定間餐廳焗，好似飲一啖就好眼瞓咁...本身朋友話覺得馬介休會唔好食，但結果都幾出乎預料地好食，入面好多馬介休魚肉，十分足料，薯絲炸到脆卜卜又啱啱好唔會太硬，食落好和味。焗鴨飯油香滿溢
婆仔屋之所以叫做婆仔屋，據說係因為嗰度以前係老人院，入面住左好多婆婆，所以就名為婆仔屋，個名夠哂可愛。之後政府翻新保育成為左文創區嘅其中一部分，食完可以喺庭院另一棟文藝中心同附近街道嘅建築度打卡。
餐廳內裝修係復古風格，樓梯以至廁所門都係原木造嘅，好似返左古代咁。當晚我地大概夜晚九點鐘到，兩個人冇book枱都好好彩有位。
招牌馬介休炒薯絲係必試嘅，而同樣出名嘅海鮮飯同焗鴨飯都想試，可惜我地得兩個人，最多嗌兩樣嘢，最後嗌左焗鴨飯。
值得一提嘅麵包，加黑橄欖醬，唔食橄欖嘅人都接受到，鹹香而不臭。
麵包+黑橄欖醬
78 views
0 likes
0 comments
我地冇叫酒，因為第二朝要晨咁做起身比賽，費事飲酒。但侍應話offer free sparkling wine,咁就飲啦，一杯啫。係sparkling rosé,唔知係本身攰定間餐廳焗，好似飲一啖就好眼瞓咁...
本身朋友話覺得馬介休會唔好食，但結果都幾出乎預料地好食，入面好多馬介休魚肉，十分足料，薯絲炸到脆卜卜又啱啱好唔會太硬，食落好和味。
馬介休炒薯絲
120 views
0 likes
0 comments
焗鴨飯油香滿溢，粒粒分明，啖啖都係鴨肉絲。面頭嘅臘腸臘肉非常鹹香，夾埋一啖啖飯食係絕配！
鴨肉焗飯
81 views
1 likes
0 comments
整體食物足料惹味，價值合理。只嫌兩個人食稍膩！
Post
