Video
Read full review
2009-10-27
593 views
這間新益美食館位置非在大街,都幾偏僻,轉完一彎又一彎~前後問左人成三次才找到。七點去到已經企滿人, 心諗咁旺? 或者上過電視後特別多人, 拿左飛仔係度等呀等, 結果等左40鐘先有位。兩位都要咁耐, 有兩個舖位, 如果人少就會去細舖, 咁仲好, 可以自己一台, 唔使同人搭檯, 等緊個時我都好怕同著一大班人, 夾在中間感覺怪怪的。這裡主打中式小菜, 當中更有些極具創意的菜式,老闆有個花名叫肥仔俠, 大家有印象的應該記得日日有食神都介紹過佢, 當日他也在場, 周圍同客人應酬好受歡迎。有些菜名古怪得來又夠搞鬼,例如將冰山劈開(冰鎮芥蘭)、新益與你齊撈起(白灼魚皮)、每天愛你多一些(海哲蟹籽撈叮麵), 令人睇見都想笑,就咁睇很難估到是什麼, 幸好有解釋。 其實之前都搵定資料, 本想叫咖喱麵包雞, 但太多個, 一定吃不完, 鴛鴦豬扒都好吸引,一半是蒜蓉黑椒;一半是芝士火腿, 兩個人又係食不到。坐近門口, 所以不時都看到出菜。焗魚嘴都出得幾頻密, 見到隔離台叫的薑葱蟹伊麵煲, 又好像幾好。如果坐大舖, 就會見到周圍都掛滿菜牌, 格局都是一般茶餐廳,幾涼爽,特別要講的是會俾個鐵夾你夾起用熱水洗過的
這裡主打中式小菜, 當中更有些極具創意的菜式,老闆有個花名叫肥仔俠, 大家有印象的應該記得日日有食神都介紹過佢, 當日他也在場, 周圍同客人應酬好受歡迎。有些菜名古怪得來又夠搞鬼,例如將冰山劈開(冰鎮芥蘭)、新益與你齊撈起(白灼魚皮)、每天愛你多一些(海哲蟹籽撈叮麵), 令人睇見都想笑,就咁睇很難估到是什麼, 幸好有解釋。
其實之前都搵定資料, 本想叫咖喱麵包雞, 但太多個, 一定吃不完, 鴛鴦豬扒都好吸引,一半是蒜蓉黑椒;一半是芝士火腿, 兩個人又係食不到。坐近門口, 所以不時都看到出菜。焗魚嘴都出得幾頻密, 見到隔離台叫的薑葱蟹伊麵煲, 又好像幾好。如果坐大舖, 就會見到周圍都掛滿菜牌, 格局都是一般茶餐廳,幾涼爽,特別要講的是會俾個鐵夾你夾起用熱水洗過的碗筷,唔怕燙, 夠哂貼心。
點了三個餸, 無叫白飯。
鴨同雞講-撈勻先有味,即是蟹籽蒸蛋白 $48: 諗住清清地,而且平時又少吃蒸蛋白。蟹籽份量不是太多, 中間白色的獻研究左好耐是馬蹄粉嗎? 蛋白蒸得好滑,吃得出是用上湯蒸, 可是偏咸。
蒜蓉芝士焗大頭蝦$58: 見到芝士二字雙眼又發光似的, 有十四邊, 每人都分到七邊。蝦頭有膏, 蝦肉索了芝士蒜蓉, 惹味得來又不會搶去蝦的鮮味,肉質爽口唔會霉。
日式燒風鱔$68: 小妹個人幾鍾意吃鱔的, 特別是蒸白鱔、鱔糊、黃鱔飯、燒風鱔。醬汁雖說是日式, 但我覺得像京都骨的味, 又係酸酸地, 配上燒到香口肥美的風鱔, 已經拆左骨啖啖肉, 使人食過不停。可是有同一個通病, 調味重手左。
這餐要$174, 就咁睇好似幾貴, 但如果多人攤分返就ok。
有些溫馨提示給大家:
1) 新益附近有所望廈體育館的,看過巴士路線圖, 新益都有個站。大家事先可上澳門巴士個網睇定。
2) 餐廳可以訂位, 但要有心理準備來到都要等。
Post
