世記咖啡

Open Now

Now Closed

男朋友好中意食呢度既厚蛋五香肉丁治，因為蛋味濃且滑，配上微辣既肉丁更惹味。不過我見其他食客推薦呢度既花生奶油方塊，望落賣相唔錯，即管試下係咪真係咁正。一袋大概有8-9大粒，大粒到唔能夠一口食哂；麵包用上厚多士，只有表層烘到脆身，入面仍然有少少軟；食落其實係健康版既西多士，無咁油膩，但就無左西多士既蛋香，而且越食越甜，越食越乾。味道其實唔算好出眾，如果幾個人一齊食，每人兩粒會比較好，所謂少食多滋味，多食好乾身，個人都係中意呢度既厚蛋治多D。