Video
1-min walk from Exit E, Jordan MTR Station
continue reading
Opening Hours
Today
10:30 - 22:30
Mon - Sun
10:30 - 22:30
*最後落單時間：22:15
Above information is for reference only. Please check details with the restaurant.
About Reward Scheme
來到はま寿司食晚餐，早在網上預約，不用排隊等位，2人坐卡位好闊落，桌面可以放到多碟壽司。價格大致分為三種，每碟$12/$17/$22。這次光顧剛好是拖羅祭，有期間限定款式的拖羅壽司！用平板電腦點餐後，餐點在運輸帶上送過來。南方藍鰭吞拿魚大拖羅及中拖羅，油花都好均勻。大拖羅入口即化，充滿油香。中拖羅油份沒那麼重，帶點魚鮮味。二重奏吞拿魚三味，三款吞拿魚是南方藍鰭吞拿魚、長鰭吞拿魚及吞拿魚腩，每款有兩片刺身在飯面。由於先吃了大拖羅及中拖羅，已先被油香縈繞，再吃這三款就覺得好普通。北海道大生帆立貝，帆立貝厚肉，鮮甜軟嫩。W廣島縣蠔，蠔的size不會太細隻，蠔不算好鮮甜，就這樣放在壽司飯面，味道單調。炙燒鰈魚裙邊，炙燒後迫出魚油，油分十足，爽口好味！W扇貝茶碗蒸，細細碗的茶碗蒸，用料充足，有扇貝、蝦、鮮冬菇、蟹柳絲、三文魚子及雞肉，蒸蛋嫩滑，味道鮮甜。特盛海膽海苔包，海膽份量不少，味道鮮甜不腥。三文魚籽特大天然赤蝦，赤蝦大隻，肉質爽甜，加少量三文魚籽，豐富口感。赤貝，日本鯛魚，白鳥貝，每碟$17，這三款較為普通，不過不失。WAGYU烤牛肉，好乾身，沒半點肉汁。蜆肉味增湯，蜆的份量都幾多，但味增湯稍為濃味了一點。秋田縣納豆軍艦 ($12)，松葉蟹肉蟹膏軍艦 ($17)，納豆軍艦用的納豆味道不會太濃，容易入口；蟹肉蟹膏軍艦，一入口就滿滿蟹味，味道濃厚！士多啤梨梳打，抹茶檸檬梳打，各$12/杯，兩款梳打都不是藥水味，甜度恰好。士多啤梨梳打有滿滿的果肉，香甜可口。抹茶檸檬梳打味道有趣，主調為抹茶，當中帶淡淡清新檸檬香。和風芭菲，有抹茶雪糕、白玉糰子、紅豆蜜，面層灑上黃豆粉，芭菲中間有cream，底部有蛋糕及粟米片，抹茶雪糕味道香濃。朱古力芭菲，底層與和風芭菲一樣，面層則是呍呢嗱雪糕，配朱古力brownie、果仁碎、朱古力粉及朱古力醬，味道也不錯。整體來說，雖然壽司飯是有點散，不夠實，但食材用料都幾好味！付款方式只限現金、八達通、支付寶或微信支付，偏偏就是不收信用卡。
continue reading
壽司郎食過兩次，都覺得好麻麻，所以試吓同佢差唔多level嘅HAMA Sushi，貪佢有得網上訂位，同埋想試傳說中嘅壽喜燒，試完結論係 "試一次就夠"。🥢HAMA天婦羅拼盤 $27⭐️⭐️⭐️蝦、冬菇、南瓜各兩件，再加一件秋葵共七件，非常抵食，炸漿厚咗些少扣左分，不過香脆熱辣值得讚。🥢炙燒鹽味檸檬廣島縣蠔壽司 $17⭐️蠔唔稱得上炙燒，完全無果種味道同口感，而蠔本身蠔味唔重，唔好味。🥢油甘魚壽司 $17⭐️賣相麻麻，味道一般，新鮮度一般，不試也罷。🥢炙燒原條穴子 $17⭐️⭐️⭐️炙燒完嘅穴子又香又軟熟，醬汁甜甜地幾好味。🥢HAMA醬燒牛肉壽司 $12⭐️⭐️⭐️牛肉好大件唔韌，好多醬甜甜地幾好味，$12超抵。🥢白身魚富士山軍艦 $22⭐️⭐️⭐️油甘魚粒粒堆到成座山咁，質素好過上面嘅油甘魚壽司，不過紫菜嚟到腍咗。🥢灸燒鹽味檸檬大切三文魚 $17⭐️⭐️⭐️三文魚油脂豐富，入口即溶口感唔錯。🥢壽喜燒 $39⭐️⭐️⭐️⭐️全晚最驚喜，無論價錢、質素同味道，材料好豐富- 肥牛冬菇金菇芋絲豆腐溫泉蛋娃娃菜，差唔多每枱都叫就知咩事啦！二人共消費：$184
continue reading
近年有不少日本連鎖壽司品牌進駐香港，價錢平民，可以平嘆壽司！今天就和朋友來到其中一個過江龍品牌「はま寿司」用餐。最近在做「初夏蟹逅」主題，主打蟹壽司系列。蟹爪下肉取自蟹鉗，肉質鮮嫩juicy。$12一碟的價錢都幾抵食！原隻松葉蟹腳經炙燒，入口啖啖蟹肉，紮實口感和鮮甜味道令人大滿足。加入檸檬汁後，酸酸甜甜幾特別。茶碗蒸幾大碗。雞蛋味濃郁，口感滑溜。與和風芡汁代替清水一起清蒸，味道很香。分別有三文魚籽、松葉蟹肉、三文魚作為餡料，蟹肉令到茶碗蒸更鮮甜。每次食壽司都會點赤蝦！這款特大赤蝦果然size大隻，晶瑩通透，入口爽口鮮甜。生帆立貝同樣大粒，味道甘甜。入口帶一點彈牙，而且也很juicy。超級澎湃的效果，難怪命名為富士山軍艦。軍艦舖上大量吞拿魚粒和三文魚籽。吞拿魚的魚味頗為香濃，有少許入口即溶感。再加上三文魚籽的爆汁口感，整體都幾好食。三文魚大片，經炙燒處理之味，魚油味很香濃。配上檸檬汁，添了一份酸甜的清新感。朋友推薦試的赤鯥，肉質帶少許彈牙口感。炙燒後散發出的焦香味非常吸引。這款幾特別，以豬頸肉配壽司飯，好港式的感覺。豬頸肉伴以鹽蔥炙燒，豬油脂的溢出令味道更加香。炸雞上枱仍然熱辣辣，外皮脆卜卜，肉質嫩且juicy。配合檸檬汁，多了一份小清新，同時也減低油膩感。第一次食蒙布朗這款甜品！栗子蓉混合了抹茶元素，以紗織形態滿佈在蛋糕上。栗子蓉綿密，甜度較重，茶味相對下不太明顯。海棉蛋糕鬆軟，另外還有雲呢拿雪糕和鮮忌廉，口感豐富。
continue reading
~壽司~+三文魚富士山軍艦 $22作為三文魚控當然要食呢個滿滿的三文魚啦，超多粒粒三文魚，仲有三文魚子，一整口食真的很滿足。+香辣京蔥絲長鰭吞拿魚 $12一大堆的蔥絲的吞拿魚上，仲有辣醬整個口感很新奇！+炙燒鰈魚裙邊 $12朋友十分喜歡，鰈魚裙邊有炙燒後是更好食。+日本鯛魚 $17相對其他壽司魚味偏重。~麵類~+北海道白味噌拉麵 $29估唔到呢個價錢仲要有塊叉燒，拉麵份量係平時正常的份量的一半，湯底係味噌湯，鹹度適中，拉麵軟硬度適中。+特盛牛肉烏冬 $27牛肉有好多塊，係正常的肥肉水準，質素就不是最好啦但也幾好，烏冬煮得幾煙靭，湯底正常日式湯。
continue reading
❀今日約咗friend喺裕華國貨shopping，之後LUNCH就一齊食飯，我哋揀咗係呢間餐廳！❀❀特盛牛肉烏冬，牛肉的鮮嫩口感和烏冬面的彈性完美結合，湯汁濃鬱，配料豐富。❀❀特選藍鰭吞拿魚大拖羅和吞拿魚三味都是以高品質的藍鰭吞拿魚為主要材料。藍鰭吞拿魚肉質鮮美，富含蛋白質和豐富的海洋風味。❀❀海膽軍艦以新鮮的海膽為主要材料。保證了每一口都能夠品嚐到海膽的濃鬱風味。❀❀北海道大生帆立貝和W扇貝茶碗蒸則是以鮮嫩的帆立貝和扇貝為主要材料。帆立貝和扇貝的肉質鮮美，蒸煮過程使其保持了原有的鮮甜口感。❀❀特盛松葉蟹肉軍艦，松葉蟹肉的質地滑嫩，與壽司飯的搭配完美結合。❀❀抹茶檸檬梳打，結合了抹茶和檸檬的風味。抹茶的濃鬱香氣和檸檬的酸甜口感相互融合。❀總括而言，無論是海膽軍艦的海洋鮮美、吞拿魚的豐富海洋風味、松葉蟹肉軍艦的獨特松葉蟹風味，還是抹茶檸檬梳打的清新搭配，每道菜品都獨具特色，讓人驚艷。❀今日呢餐真系大滿足！❀
continue reading