世記咖啡

Open Now

Now Closed

每次經過世記，門口總是堆滿人，或是售罄關門。今次一於試下排隊買，是否聞名不如見面呢。豬扒包絕對得到歡心！不少餐廳的豬扒都是醃得過分，肉質已經被'拿'到喪失原味，太過鬆散冇口感。這個不會，而且炸過後依然保留肉汁唔乾！是個驚喜。花生奶油方塊理論上整法好簡單，就是在多士粒上加上花生醬和奶油，但就是這個簡單組合，令我一口接一口吃不停。😍香甜可口，食唔停口。樽仔奶茶茶餐廳奶茶正常水準，ok的但冇話好特別，價錢貴，唔飲都冇損失。

每次來到澳門，總要吃一吃馳名的豬扒包。這次是我第一次試吃世記咖啡的豬扒包，它最有特色的其實是它的厚蛋，煎蛋有近一吋厚，但吃起來還是很滑，令人很好奇是怎樣煎成的呢。店舖很易找，見到很多人圍著的店便是了。排隊的人龍很長，排完隊買還要等接近45分鐘，不過是好味食物的話，也是值得一排的。除了厚蛋豬扒包或多士，建議還可試試它的咖啡或奶茶，是用瓦煲煲，特別有風味，香濃而幼滑，兩種都不分高下。不過既然店舖叫世記咖啡，應該還是咖啡更勝一籌吧。

今次黎澳門都係朝聖之旅，朝早黎左世紀咖啡店，我地十點幾黎到但係要等到十一點先開。所以我地就係附近行左一陣，但發現未到十一點已經有人排隊，所以就馬上去排了。 咖啡係現場炭火煲的，亦算係世紀咖啡的特色。因為我地唔想食咁多，一陣都要食午餐，所以就叫左個餐蛋治，加杯熱咖啡，合共50元。 咖啡味濃，餐蛋治入面個蛋都出色。不過價錢屬偏貴，朝聖一下就好了。

• 鹹牛肉厚蛋厚多士🥪•💵Price: $26🍴Food: 5/5❣️-世記咖啡係每次去澳門都必去既地方黎，因為佢啲野食認真又平又好食😍呢個厚多士入面夾左佢地秘製既鹹牛肉同好有分量既厚蛋🍳鹹牛肉撈左洋葱粒，食到鹹香既肉香味之餘又有洋蔥既香甜味。而個厚蛋更加不得了！一咬落去入面仲有蛋汁架🤭熱辣辣好嫩滑，食得超滿足🤤🤤🤤-• 秘製咖喱辣魚撈一丁🌶•💵Price: $27🍴Food: 4.5/5❤️-一開蓋啲咖哩香味就湧入鼻端😌佢個辣魚係好似罐頭個隻呑拿魚碎咁，然後再以咖哩烹調。加上洋蔥粒之後，味道好香而且食落辣度岩岩好，辣中帶甜。撈埋啲麵食既味道好match，佢比既辣魚分量好多，令到食每一啖麵都可以食到魚肉😋-• 花生奶油方塊🥜•💵Price: MOP 25🍴Food: 4/5❤️-我已經係第二次食喇😍花生醬加奶油既組合，配上烘到外表微脆內裡鬆軟既多士粒同花生脆脆，肥得黎都係會忍唔住一粒接住一粒咁啪入口😋

每次去澳門，世記都係我既必食清單入面。氹仔官也街分店對於每次都係住氹仔既我黎講非常方便！官也街分店只可以外賣，雖然夏天企係街出面食真係幾辛苦，但世記既厚蛋豬扒包總係令人有種魔力令到你幾熱幾辛苦都要食！-厚蛋豬扒包 $56熱辣辣到手～豬仔包烘得好香脆，豬扒醃得岩岩好，而且唔會炸到乾哂身，仲好Juicy。厚蛋生熟度控制得好好，入面好綿滑，仲保留到有蛋汁！要擘到個口勁大先食得哂成個包，豬仔包既香脆、炸豬扒既啖啖肉同厚蛋既軟滑好夾，真係好正呀！-厚蛋豬扒多士 $56豬仔包就次次都食啦，今次試埋多士版。多士雖然都有烘過，但明顯無豬仔包咁香脆，不過勝在無豬仔包咁硬，比較容易一啖咬哂所有餡。-花生奶油方塊 $27雖然已經好飽，但都要試埋佢！奶油方塊每一面都佈滿花生、花生醬同煉奶，超濃花生味～～～～加上烘到超鬆脆，好正呀，難怪咁多人推介！

去澳門玩耍一定不能不去世記咖啡氹仔外賣店，有幾家分店，最方便應該就是氹仔外賣店了，就在官也街上～ 不過因爲是外賣店，所以就不設堂食了。-‼️必點厚蛋多士🥪除了基礎搭配外，還可以根據自己意願任意加料哦👇🏻可選：午餐肉/鹹牛肉/咖喱辣魚/芝士蛋/太陽蛋/香腸/火腿/厚切魚片/五香肉丁/厚蛋-👉🏻兩份分別爲：鹹牛肉厚蛋多士加午餐肉厚蛋多士加咖喱辣魚-厚蛋的奶油香真的超級誘人，對這種搭配真的是毫無抵抗力～ 😍食量不大的我還是吃下了一整包，飽到救命還是覺得可以encore！！！🤣-記得要配上一瓶👉🏻瓦煲咖啡，其實就是用瓦煲來煮的咖啡，是澳門獨有的做法哦！超級滿足！-🔖店名：世記咖啡氹仔外賣店📍地址：氹仔舊城區消防局前地1號地鋪⏰營業時間：11：00-19：00，逢週二休息

去到官也街第一個就行去呢間食, 本來見咁多人排隊應應都唔會難食得去邊掛.!但我今日去叫咗2支凍奶茶,一個厚蛋豬扒包和花生奶油方塊.凍奶茶不是回甘直頭係苦澀.厚蛋豬扒包塊豬扒實到不得了. 啲人仲話有肉汁, 但我一啲都唔覺得, 豬扒又硬又鞋.花生奶油方塊,只不過係多士+練奶+花生醬. 搞咁多嘢咪即係奶醬多士.呢間嘢真係好多人吹噓. 我一啲都唔覺得可以講得上"好食"呢2個字

黎到澳門食嘅早餐就係呢間，一早已經好多人，係排隊嘅時候，頭頂已經有一個好大嘅頭頂已經有一個好大嘅餐牌俾你揀食啲乜嘢，我哋最後揀咗花生奶油方塊、厚蛋鹹牛肉厚多士同埋樽裝咖啡。佢嘅樽裝咖啡係由瓦煲煲嘅，味道有點點似炭燒咖啡，唔會太甜，都幾好味。如果花生奶油方塊真係令人有驚喜，好足料，分量亦都好大份，呢個值得encore。而最後一個厚蛋鹹牛肉厚多士味道尚算唔錯，佢嘅鹹牛肉裏面有啲洋蔥，唔會太鹹，都算幾好味，不過下次我會試其他食物。

經過好多次覺得太多人 今次終於試左！好彩都唔係排左好耐 由排隊到拎到野食大概20分鐘試左咖啡同奶茶 好飲嘅奶茶飲得多 呢間雖然都好好飲 但未至於好突出反而我隨性嗌左咖啡 估唔到好有驚喜！咖啡真係好香好濃好滑！蜜糖方塊即刻整 好鬆脆 出面有威化餅碎 第一啖食真係好有驚喜好滿足 但食多幾啖就會好濟 建議都係兩個人share會比較好而豬扒包都係即叫即整 要等15分鐘炸到好香好脆又唔會一啖食落去好多油 又唔會太乾令人咬完第一啖就忍唔住係咁食

好在喺平日黎 門口無一條長長人龍 如果唔係咁樣乾蒸一定中暑😵 穿過官也街 行到尾就會見到世記喺路嘅盡頭一行入去就見到入面好古色嘅擺設 一邊有專人唔停手咁沖咖啡/奶茶 另一邊就係收銀加簡單嘅open kitchen叫咗(1) 花生奶油粒粒 (2) 厚蛋治 (3) 凍檸茶第一次黎 之前都無做過咩research, 所以其實入到去都唔知叫咩食好 不過收錢個哥哥好有耐性咁比我一嚿嚿咁終於order咗3樣item🤪因為我家寶唔食得牛的關係 所以無叫鹹牛肉蛋治 不過我見呢個係佢signature三文治係長方形 烘咗底的 蛋真係超級厚！ 一啖咬晒對我黎講有啲難度 要夾實咬落去先做到 因為係即叫即做的關係 皮好脆 蛋很嫩🤩個凍檸茶 檸檬夠酸 茶都好甘香 都可能出面極度熱的關係 每一啖都好透心涼😚終於等到花生奶奶粒粒都出爐🤤 一包有8-10粒 𣺉咗奶油再喺面頭灑上威化餅碎 正正🤤🤤🤤 美中不足係 食到底嗰幾粒無咩奶油 所以係齋方包粒 不過正常小食咁叫呢2樣野食 係會食唔晒 所以都無所謂Tips: 因為係外賣店的關係 店入面係有風扇冷氣比你等緊野食的時候 涼一涼 但係拎晒野食 係唔可以喺店入面食😕

尼間外賣店口碑好好最出名係厚蛋系列既包配豬扒/雞扒/鹹牛肉/辣魚/厚魚片任君選擇講係咁講 但由於佢太出名成日排曬長龍明明11點先開舖 我地兩點幾去到已經賣曬豬扒同雞扒小小傷心 唯有退而求其次揀鹹牛肉同厚魚片不過見一樣咁好味就原諒佢啦鹹牛肉入面混左洋葱粒 超甘甜最正當然係個厚蛋 又厚又滑岩曬雞蛋控既我個多士其實都幾大份飽肚 食完可以當一餐咁出名既店 又要開係遊客區尼講 價錢都好划算正！

👍🏻豬排包必食👍🏻🐖豬排夠份量冇欺場，去左骨會容易啲食🥰味道十足，成個包一齊食唔會膩🍳蛋好厚，顏色味道俱全，就咁食都有味，建議加蛋🍞夠脆，不過整扁成個包易食啲🧞‍♂️$30 黎講值得🤘🏻

好耐無去澳門，朋友介紹先知現在好味的豬扒包不再是大利X記，而是來自世記。中午來到了也街已經見世記排了一條長隊，由排隊落單到等豬扒包其實都係半小時的事，以排美食隊來說已經是好順暢。講一講豬扒包，肉質炸得好香又好冧，而且好大塊，麵包亦有烘干至少少脆身，配合起來就好好食。另外，我亦叫了杯冰凍的炭燒咖啡，其實係店鋪門口已經可以見到佢地認真地用炭爐製作這杯咖啡，而飲落亦覺得好順口有一股好香的味道，係名符其實的炭燒咖啡，盛讚!

之前去澳門已經做定research,見到好多人都話依間既奶茶好正,所以去到澳門即刻黎試😋花生奶油方塊($25)多士方塊外脆內軟,每一舊方塊都鋪上滿滿既花生碎,咬落去有好濃郁既花生奶醬味,雖然好邪惡但包包控一定會覺得好幸福🥰下次去澳門都要再encore!秘製咸牛肉蛋多士($26)蛋好嫩滑同好厚,反而咸牛肉既味道就無太大既驚喜,同平時茶餐廳食既無咩分別,所以都係花生奶油方塊最推介😋😋另外個日仲飲左好出名既奶茶,真係好香滑啊,茶味好濃郁,鍾意飲奶茶既吾可以錯過😜

［澳門篇］🐖世紀咖啡🥚🍳去澳門當然要食豬扒包但👧🏻就不推薦大家去大xx記啦🔸厚蛋豬扒包$❸❾厚蛋非常嫩滑軟綿綿食既時候小心流哂蛋汁出來😋😋😋豬扒不會乾,醃得好入味，厚得尼又有好多肉汁非常Juicy 🔸鹹牛肉厚蛋多士$❷❻多士麵包🥯好鬆軟再加上鹹牛肉的鹹香又是一個無得輸的組合😆👏🏻👏🏻👏🏻