皇冠小館

Open Now

Now Closed

環境差。食物太貴，個所謂招牌蝦子面，個湯十分難飲，味道怪異。老闆由於三年折磨，面目有點難看。三個人食了蟹粥，白飯魚，面，奶茶，六百六十幾。完全唔值。老闆話三年真難過，得返呢間鋪，我想講只是擔心有幾多強國水魚而無諗過點做好間鋪。好快呢間都收得皮。唔到你唔信，人，行運一個樣，衰運又一個樣。大家見到就知我講物

聽說這家有30多年製麵的經驗，自設工場做麵，他們用古方竹升打麵製麵，所以麵條特別糼細，麵也會特別有彈性，我們特意來吃。我們叫了竹升蝦子撈麵，吃下去鹼水味不濃，爽口有彈性，有炒過蝦子的鮮味，強勢組合，吃個不停，但蝦子略少，不能滿足我的嘴巴。我們也叫了花膏蟹粥，看到粥底有瑤柱及腐竹，綿滑甘香，選用新鮮海蟹，味道還可以，就是蟹味不濃，吃不出蟹粥的美味。這家店雖然不大，裝潢是很親民的，食物還可以，價錢就偏貴。

絕對是謀人寺😡諗住食碗竹昇麵就回港，可能每人只幫襯一碗麵，態度即時變差，仲話食碗麵只有竹昇面揀，每碗由唔平的$48變左$59，原來係餐牌底部寫"改竹昇麵每碗加$11" 😡咁即係有得揀啦😠以為明星效應有幾好😠😠😠

喺酒店路過見到呢間嘢食寫住米之蓮推介，裝修平庸看似普通嘅茶餐廳，同埋有好多名人嘅合照，咁就諗住同班fd試一試。入到你打開Menu一望，價錢扭曲左我對平民小食既印象。最後我哋五個人嗌咗四個招牌蝦子麵同埋一碟椒鹽白飯魚，上到嚟買相都覺得唔錯嘅。食落第一啖我以為係我嘅味覺出現問題，碟招牌蝦子麵咩味都無，唔落辣椒油真係食唔落。之後上嗰碟白飯魚量少到喊，已經冇嘢好講。最後仲送咗個湯俾我哋，係拎嚟煮麵嗰啲麵粉水，鹹之餘飲起嚟越飲越口渴...最後我哋食咗641，蝦子麵88，白飯魚188，加埋凍飲嗰d，伏到喊

😥其實有時貴都唔緊要，但係佢啲咁既質素真係唔值囉。一入舖得幾個客，都心知不妙。阿姐即刻走上黎勁sell 你食蟹粥同蝦子麵。食物賣相正常，但係一食落口.....蝦子麵啲蝦子一啲都唔香，竹升麵又唔爽，無彈性，乾爭爭🤦🏼‍♀️ 馳名奄仔蟹粥真係超級普通😡 人地啲奄仔蟹應該有好多膏，我揾來揾去都無。就算有咁多明星相，又話自己係米豬蓮都無用🥴 果刻我覺得...我被坑了😭

水蟹粥個粥底一啲鮮甜嘅味道都冇。300蚊食得幾隻好少肉嘅水蟹仔。個蝦子麵蝦子係好多，但係真係淡而無味。我覺得成張檯最好食嘅就係跟住蝦子麵一齊嚟嘅湯。千祈唔好俾佢門口啲明星相呃咗入去。食飯時間入到去冇人我都心知中咗招。阿姐態度超差，最重要係，服務態度咁差都仲要收20%服務費! 個20%服務費個牌擺得好入面，除非係坐最入面嗰張檯，如果唔係普通位置坐低咗根本唔會睇得到。我咁大個人食飯從來未俾過20%服務費，仲係咁差嘅服務。Definitely overrated!!

漫無目的買四圍行, 本身見到入邊街巷仔有D地度既粉麵鐡皮屋想幫襯, 點知友人見到LI間野, 見咁多明星相佢就想試 (我反而見到明星相, 想走, 通常都係又貴又唔得, 結果又一次中伏) 打開本菜譜, 蝦子撈麵成舊水, 係好多蝦子, 不過我去大澳買一樽都係幾十, LI 度分量頂多咪4分1樽 (SORRY我太C9)D普通野都要過百蚊, 我真係叫唔落, 叫左碗牛腩麵比自己算, 好似都要4十幾蚊. 牛腩麵可以, 湯底OK, 牛腩淋都入味, 不過冇咩特別, 牛根就唔錯了蝦子麵, 我同朋友都想講粗口. 冇蝦子既咸香味, 算...蝦唔新鮮架. 成舊水架唔係咁呀 大佬再黎碟椒鹽鮮魷, 都係一般囉, 唔叫好好食, 又唔難食

新春期間竟然要加收30%，同打劫一樣，好味都算數，但事實真係超級難食、員工態度仲要係100分咁差！蝦籽撈麵，開價$98+30%，麵超硬，勁乾，蝦籽又少，跟麵有個湯，鹹到飲鹽水一樣，重點係份量少得可憐！椒鹽鮮魷，開價$98+30%，一食就知完全係雪藏貨，咬落硬過香口膠，椒鹽味完全係食唔到，份量都係細，最慘仲要食粉多過食魷！仲有仲有，間鋪仲要超級污糟，個住野食個女人掃地之後就咁攞野你食，真係絕無下次！

其實只不過係一間普通舊式食店，一打開餐牌，貴到嚇死人！ 味道好普通，坐位又唔舒服，更加唔好期望有service, 只係成間店都係明星照及採訪照片。 真係米芝連推介？出名既食店，唔一定代表好食.....叫左一份蝦子竹升雲吞麵 （$98）半窩水蟹粥 （$300）。三粒雲吞（冇特別），竹升麵（冇味既），蝦子（食唔出有咩特別），98蚊真係有點過份....因為真係唔好食粥，係ok 的，蟹份量都多，但又唔係真係好食到專程去食。三百蚊半窩，係唔抵食！兩人食，400蚊budget應該都有好多選擇，但呢間真係一定唔會再來。

呢間咁嘅餐廳真係唔值得一試， 一坐低老細介紹啲貴夾唔飽嘅嘢，啲嘢又細碟又難食， 個蝦子麵88蚊衰過香港深水埗劉森記十倍, 啲價錢十分昂貴，椒鹽白飯魚幾條188蚊仲貴過D六星級酒店，雖然贏咗錢都有啲肉赤，食完有背脊骨落 奉勸港人少啲去澳門留港消費。

坐低先發現係米芝蓮推介餐廳。明明係殘舊茶餐廳環境，但價位係高級餐廳價。未落單，阿姐1號叫我地試下佢個蟹粥，但一睇餐牌，半鍋MOP300 一鍋MOP500。半鍋只係一人份量，我地係想食蝦子撈麵，所以叫住2個撈麵先，再睇下餐牌有咩想加。但真係好難揀落手，菜式定價超離地，咖哩魚蛋都MOP98.....可能見我地係遊客，阿姐2號又埋黎叫我地試下個蟹粥，仲話個個都嗌架，但我眼見隔離枱都冇叫，我地答「睇下先」。隔十秒，阿姐3號埋黎又問做咩唔試下佢地個粥，我地再答「睇下先」。然後阿姐1號不滿地拋下一句「你地果兩個麵好細架咋」就走開左，好似唔嗌蟹粥就係我地唔岩咁。真係好煩，最憎hardsell ，即刻想唔食就走。但我地忍，黑住面快快脆食曬兩個麵就走。蝦籽撈麵味道冇特別，唔明憑什麼成為米芝蓮推介餐廳。見係遊客就不停硬推貴價蟹粥，人地唔叫就態度惡劣。唔係第一次黎澳門，但第一次遇到如此差的用餐經歷。

以前來澳門市食平東西，現在來澳門只望吃到好西。 但一分錢一分貨，沒有辦法。 剛好過了晚餐的時間，有些餓，看見門面跟香港地踎茶餐廳差不多，也利用貼了些名人明星到此光顧的合照作招徠，於是沒有預設期望，連openrice也沒有參考，便推門進來。因只得一個人，所以只可以點一份撈麵和一份雲吞試試，但却一吃難忘。這裏的蝦籽撈麵真的很好吃， 粒粒蝦子都掛在面上， 第一口比較鹹，往後吃下去，就有很甘香的感覺。雲吞不是最好，但很有份量，而且蝦及豬肉的比例適當。重要的是不要加醋吃，會浪費了雲吞的甜味，反而加少少店內自製的辣椒油，效果更好！

話說去澳門日遊，食完禮記雪糕後搵野食，見門口又米芝連又剩，店員推介之下就盲中中入左去，點知係中伏開始。一打開餐牌，一個字「貴」，蟹粥半窩成300蚊，椒鹽白飯魚188，睇到眼都突埋，最離譜個咖喱魚蛋，差唔多90蚊。簡左陣店員已經企定定等你，仲猛咁推薦佢啲米芝連美食，蟹粥，白飯魚etc，陰波功煩住晒⋯小弟唔鍾意食粥，諗住食個咸魚雞粒炒飯，點知老闆娘話「整飯個師傅落左場」，之後又推薦蟹粥，白飯魚etc，真係頭都大埋😪😪😪最後叫左碗牛腩面同蝦子撈面，落完柯打個老闆娘無禮到dum餐牌係隔離枱加黑面，餐具又大大力擺上枱，不知所謂。

依間舖頭可以話係馳名省港澳！！！有吾少明星去過亦有好多飲食節目都介紹過📺搞到好似吾食起寶咁🌝🌝🌝其實我本人就覺得八十幾蚊食個麵真係好貴💸但出名到咁去到吾食米好走寶💡比起我之前食過黎講麵質吾算好彈牙🍜蝦子分量都幾多！幾足料！味道好鮮🦐🦐🦐不過食食下有D單調🤔同埋太乾！食嘅時候要配D湯！如果吾係會食吾落🤦🏻‍♀️亦冇想像中咁好食⚡️只係普普通通🤣可能我妹仔肚吾識欣賞🙆🏻而且依個價真係吾太抵🤔🤔🤔

牛腩麵牛腩份量將四粒骰仔，當日牛腩面加奶茶差唔多＄100服務差衛生差永遠唔好去個個去完都説笨。我朋友上星期，她們説沒有改進，有意見同服務員講佢哋只係回應：我哋係咁唔鍾意你可以去其他餐廳，呢間簡直係澳門之恥