Estab De Comidas Ngao Keo Ka Lei Chon

甫入店，即刻俾浸強烈嘅牛肉味嚇親（利申：唔食牛）。好彩店內浸牛味唔算好勁👍🏻講返我啲餸菜，水蟹粥有蟹嘅鮮甜味👍🏻香煎墨魚餅都算彈牙唔錯～但蟹黃撈麵則較失色🤫麵太濕太爛⋯碗淨雲吞湯底有少少牛味，不過bf唔覺，所以我估係共用廚具烹調菜式殘留嘅牛味唔關湯底事🤔…Read More

牛記咖喱在澳門算是名店，獲得米芝蓮，今次去佢已經再隔離幾個鋪位開了新店，不過我是吃完走時才看到，所以這次還是在舊店開餐😋蟹黃撈麵: 蟹黃一向無得輸，勁香好好食！水蟹粥: 幾清甜，一大煲夠四五個人食，上次太遲過嚟食唔到，所以今次特登早左過黎🙈咖喱牛腩飯: 咖喱好香配飯一流！不過對我來講有偏辣，但我都係忍唔到口，食咗好多舊，飲咗好多水先得😬清湯牛腩: 都唔錯不過我鍾意咖喱個個多d😬總括來講: 超級推介，好好味‼️…Read More

和老公到澳門玩，他最喜歡到處找美食，網上看見很多網友推介這間牛記的水蟹粥和水餃蟹黃撈麵，當然要試一試。這間就在新馬路附近，地方算方便，大三巴走過來不遠，十分鐘內可到。我們下午兩點到達，人客不算太多，先試了水蟹粥，粥入口綿綿，充滿蟹的鮮甜味，十分香甜，美味滿分。再試了蟹黃撈麵，麵上鋪滿金黃色蟹膏，麵質較幼細，爽口彈牙，連蟹膏一齊吃，十分甘香美味，從未吃過這麼好味的蟹黃撈麵，喜歡蟹膏的我簡直大愛，而水餃皮薄，裏面還有爽口蝦肉，一定要推介給來澳門玩的朋友。…Read More

其中一個到訪澳門嘅目的地就係呢間牛記美食。上網見過好評如潮，特地去試下。聽講最岀名嘅係蟹皇撈麵，所以先叫一碟，另外作為愛蟹之人，我地仲叫左水蟹粥，一蟹二食！除左蟹皇，薑絲同麵，底部仲有一層蟹油。將全部材料混合就可以食啦！一食落去，最先食到蟹嘅鮮味，麵保持彈牙，而蟹油保持個麵唔會愈食愈乾，亦增添多一份層次，每啖都非常邪惡。蟹皇嘅份量夠撈哂成個麵，食到尾都唔會唔夠味。麵嘅份量唔算好多，下午茶會啱啱好，午餐就略嫌不夠，我地亦覺得香港食到呢種味道嘅機會唔多，所以，encore一碟蟹黃撈麵！而水蟹粥就完全係另一種蟹嘅風格。首先粥係清淡嘅，剛好可以平衡撈麵嘅濃郁。窩粥仲有足足一隻蟹，每啖粥都有絲絲蟹嘅味道，不錯呢！一濃一淡，各有千秋。除此之外，我地仲叫左一碟腐乳通菜。上菜嘅時候有驚喜，因為雖然餐牌上寫住腐乳通菜，以為係就咁悼熟，但其實係腐乳炒通菜！仲要好大碟，不過因為門口人潮眾多，衝衝食完無影相。總括嚟講，味道十分有驚喜，愛蟹之人必定要去澳門試下啊！…Read More

蟹黃撈麵蟹黃唔太多，撈勻之後每一啖都食到蟹黃既咸香，唔會太腥，味道幾好！麵條有驚喜！食落彈牙煙韌得黎一咬就斷，好有口感👍🏻冇鹹水味，個人認為哩到既麵比祥x既仲好食。雖然食完個麵，碟有好多油，但食落又唔會覺得太油膩或者漿口，偶然唔健康也是可以的🙈😆一碟蟹黃撈麵$46，份量其實唔多，幾啖就食得曬，細食既女仔可能啱啱好。性價比唔算高，不過味道唔差，麵條質感出色，值得一試咖哩牛腩飯有四、五舊牛腩，兩小片牛筋、兩大舊薯仔。牛腩可以話係全瘦，冇肥膏。肉質唔鞋，軟硬適中，保留到咬口之餘又唔會好韌好難咬，唔錯！牛筋冇試到。薯仔煮既時間啱啱好，粉得黎又唔會煮到爛曬，淋上咖哩汁食好正！薯仔唔係同牛腩一齊燜煮，係分開煮既，所以未算太入味，不過淋咖哩汁食已經好夠味。咖哩唔係有椰香、偏甜果種泰式咖哩，而係印度風格果種，比較稠身、顏色亦較深。味道方面，偏辣，冇麻同刺喉既感覺，純粹係口腔會覺得辣。正正因為哩種辣令咖哩牛腩飯增色不少，更過癮同惹味，會想追住食~我平時唔太食得辣都接受到，想繼續食。見隔離台既食客就因為太辣頂唔順要轉走咖哩，所以怕辣既話就唔好挑戰啦！但絕對值得挑戰。水蟹粥小窩有兩隻蟹。蟹肉鮮甜嫩滑。粥質感綿密；味道方面，第一啖首先會食到蟹膏既鹹香，繼而蟹肉既鮮甜再湧上黎，好好食👍🏻食左三樣野，每樣都好有質素。而哩三樣都係大部份食客既選擇。有機會我會再食。該小店絕對值得一戰…Read More

米芝蓮的澳門粥麵檔 - 牛記咖哩美食七一集體澳門大旅行，一行十三人，一日食足九餐，當中不少之前未吃過的食店值得慢慢推介吓。這間位於十月初五街的牛記咖哩美食，連續幾年都受米芝蓮推介，十三條友仲要假日來到等位難免，可幸等了15分鐘就有位。店子就是香港小茶記格局，20來個座位我們兵分兩檯佔了半鋪，點了這兒最馳名的食物，逐一介紹美味的。水蟹粥$138小鍋，用上兩隻水蟹烹煮而成，粥底綿滑蟹味濃稠清香亦鮮甜，難得的高水準及美味，怪不得檯檯必點炸鯪魚球外面是米脆，入面是軟糯的魚肉球，正宗外脆內軟坊間少見，必吃蟹黄撈麵，那蟹黄濃香得不得了，伴以彈牙麵條，一人一碟不為過，滿分香煎墨魚餅彈牙墨粒香，但偏淡炸雲吞肉香皮脆，正常。反而個咖哩牛腩辣得過火，吃不出味道來有點失色，但整體只要佢既蟹粥、鯪魚球及蟹黄麵保持水準，已值得次次來澳門排隊，非試不可這個米芝蓮名不虛傳6個人吃$500都唔洗，邊到揾？袁連的人生酒庫: smallsmallsmalllin…Read More

今日黎澳門睇煙花, 中午都係決定再黎牛記食, 最近呢幾次黎澳門都黎牛記, 每次都無令我失望。 今次除咗必食既邪惡蟹黃撈麵同清湯牛腩之外想試吓其他嘢, 所以今次叫咗之前未喺度食過既水蟹粥、花雕炆雞同雜菜牛尾。 牛記又一次無令我哋失望, 樣樣都好味, 又食到飽飽!…Read More

原本想去六記食粥，去到先知晚上六時半先開，一路行去搵其他食店, 甘就黎到牛記。水蟹粥：粥底唔算好綿，”傑”番少少好d；水蟹肉鮮甜，整體好過名店誠昌。另外呢度無蝦籽撈麵，只好要左招牌水餃蟹黃撈麵。蟹黃份量多但味道不是鮮甜那種，食食下重有d腥味，而麵質雖然彈牙但味道淡淡的，沒有幼麵那種香香的特質；而水餃皮薄又滑，餡料彈牙足料鮮甜。蝦餅：彈牙而偏實左d，蝦肉材料豐富，可惜唔夠鮮甜。牛記質素只是一般般，希望下次可以試下六記比較下。…Read More