Video
Read full review
2018-12-11
19 views
地方好坐，位同位之間好多空間，唔會好似同隔籬檯傾偈咁，好適合朋友聚會或者情侶食飯。首先講講前菜小食，炸頭水紫菜，呢個真係好出色，係我食過最好味既紫菜。勁脆得嚟，係一啲都唔油。跟住就講下主菜，第一樣係百秒黃花魚。顧名思義100秒蒸好條魚，勁快上菜。佢唔係冇骨大啖肉冇乜魚味果種魚，係多細骨，好鮮果種魚，值得一試!第二樣就係頭水紫菜海蠣煎蛋，即係蠔餅。呢個同出面平時食蠔餅好唔同，平時都係油林林或者用左好多粉炸。呢個係好似炒滑蛋咁，加埋頭水紫菜同蠔味，口感勁豐富。第三樣酥炒芋芯。呢個表面有啲炒融左既糖，甜甜鹹鹹咁，又幾得意，食下一嚿，食下一嚿，好快食晒成盤。第四樣興化米粉。呢個其實要配莆田辣媽食，但今日有啲喉嚨痛，就唔敢加，如果加左應該會好正!第五樣紫菜海蠣酥。呢個冇一開始個前菜咁脆，相對冇咁熱氣，有啲細細粒既蠔仔，食到好飽都清得晒。最後要讚一讚呢度既服務，由一入門口D STAFF已經好主動幫手帶位，上完菜都會間中走嚟加水，勁好服務，又唔會一食完就收走晒啲嘢趕你走，可以食飽坐多陣慢慢同朋友吹下水，好味又心情好既晚餐，會再返嚟試埋其他嘢食!
地方好坐，位同位之間好多空間，唔會好似同隔籬檯傾偈咁，好適合朋友聚會或者情侶食飯。
首先講講前菜小食，炸頭水紫菜，呢個真係好出色，係我食過最好味既紫菜。
勁脆得嚟，係一啲都唔油。
跟住就講下主菜，第一樣係百秒黃花魚。
顧名思義100秒蒸好條魚，勁快上菜。
佢唔係冇骨大啖肉冇乜魚味果種魚，係多細骨，好鮮果種魚，值得一試!
第二樣就係頭水紫菜海蠣煎蛋，即係蠔餅。
呢個同出面平時食蠔餅好唔同，平時都係油林林或者用左好多粉炸。
呢個係好似炒滑蛋咁，加埋頭水紫菜同蠔味，口感勁豐富。
第三樣酥炒芋芯。
呢個表面有啲炒融左既糖，甜甜鹹鹹咁，又幾得意，食下一嚿，食下一嚿，好快食晒成盤。
第四樣興化米粉。
呢個其實要配莆田辣媽食，但今日有啲喉嚨痛，就唔敢加，如果加左應該會好正!
第五樣紫菜海蠣酥。
呢個冇一開始個前菜咁脆，相對冇咁熱氣，有啲細細粒既蠔仔，食到好飽都清得晒。
最後要讚一讚呢度既服務，由一入門口D STAFF已經好主動幫手帶位，上完菜都會間中走嚟加水，勁好服務，又唔會一食完就收走晒啲嘢趕你走，可以食飽坐多陣慢慢同朋友吹下水，好味又心情好既晚餐，會再返嚟試埋其他嘢食!
Post
