施心畢老撾餐廳

Open Now

Now Closed

中法意西泰韓日越菜都聽過同食過，但老撾菜真係聽都未聽過，食都未食過。有見及此，經過一晚上網搵資料，發現喺中環有一間餐廳食老撾菜，即管去試一試先！由於未食過老撾菜，所以份量叫得比較多，總共有兩款主菜同小菜。老撾燒豬頸肉非常厚身，外皮少少脆身，唔會燒到非常乾身，依然保持juicy。第二款小菜係是拉差牛油雞翼。單骨雞翼令我用筷子就食到，非常方便。味道方面，雞翼香脆可口，牛油味頗香，味道亦酸酸辣辣，鍾意雞翼既我真係食極唔停。女朋友叫咗老撾牛肉100％全米湯粉，食完之後發覺100%全米湯粉有彈性同煙韌。湯底方面冇乜味精，比較清甜，加上豐富嘅配料例如牛丸、芽菜、椰菜絲，最後食晒之餘仲飲埋個湯。我就叫左老撾豬肉碎太陽見求。餐廳採用紅米飯，非常健康。太陽蛋煎得非常靚仔，加上肉碎，送飯的確一流。肉碎亦唔會過鹹。整體來講，份量非常大，健康嘅同時味道仍然唔錯。我同女朋友一人一杯飲品，青檸梳打偏淡。奶茶非常香滑，甜度適中。對比其他國家嘅菜式，老撾菜嘅價錢比較平，味道風味似泰國越南菜。既然想食泰國越南菜，why not老撾菜。