書湘門第 (Koon Wah Building)

Open Now

Now Closed

冬天除左食煲仔飯，辣野都係一個好選擇。但食麻辣火鍋又驚朶菊花未到春天就已經燦爛盛放。所以今次就揀間湖南湘菜既餐廳試下。午餐時間去唔多人，主打食木桶飯。木桶飯有10款揀，有雞、牛肉、菜、豬肉等等。今次試農家一碗香木桶飯，事前無問過係咩嚟，等食果陣有D驚喜。一嚟到果然有種陣陣香氣，係混合住青紅辣椒同埋醬料既香味，聞到已經流哂口水。桶入面見到有豬肉、雞蛋塊、鹵水豆腐同埋青紅椒。食落去真係好香，每樣餸都好入味，連下面個飯都係充滿住上面材料既味道。至於辣度方便恰到好處，只係微微地辣，反而著重於辣椒既香味。整體都係濃味為主，講求清淡既就可能未必啱。至於個木桶，真係要一讚，容量夠深之餘重保到溫，30分鐘之後個飯都重係暖粒粒。整體嚟講算唔錯其實餐廳晚市重多特色湘菜例如：鴛鴦魚頭王、孜然寸骨、毛氏紅燒肉等等，全部都係出面少見，可以不坊試試。農家一碗香木桶飯 價錢：$48 連汽水