Read full review
2016-05-21
5411 views
今日520係本人生日嘅大日子!我們一家四口去咗灣仔合和中心62樓嘅「自助山」旋轉餐廳食自助晚餐慶祝!餐廳嘅環境同座位都幾舒服!可以一邊食一邊360度咁欣賞窗外嘅風景,真係非常怡人!但食物方面就令我們覺得失望咗啲!刺身嘅色澤賣相都唔係好新鮮!佛跳牆嘅鮑魚炆得都幾入味同爽滑彈牙,海參就炆得比較腍身,唔係好彈牙,花膠嘅味道亦有啲啲怪!新鮮即開生蠔嘅肉質唔算好肥美,但味道都幾鮮甜!開邊凍龍蝦初頭出嘅肉質唔算係好新鮮,肉質比較腍,而後期出嘅就新鮮好多,肉質非常爽甜彈牙!蝦餃嘅餃皮相當煙煙韌韌,蝦肉亦好爽甜彈牙!叉燒嘅肉質好鬆軟,蜜汁嘅味道好香甜!食物同甜品嘅款式種類唔算太多,比想像中少,同味道唔算太好,唔係朋友同外間講咁豐富同吸引!真係令我們覺得有「名大於實」嘅感覺!
Post