El Cerdo (駱克道) (Moved) New Location

七刹請食lunch, 我去到佢已在吧枱坐低，今次餐廳旺場，差不多坐滿。今次多咗2個貴些少的午市套餐（$118及148如無記錯）。今次餐湯好似是忌廉西蘭花湯（因為無寫出來），黄黄地色，有香草，只見幾點花但有西蘭花味，又唔係太腻，好滑。一邊食一邊欣賞金髮廚師廚藝，煎豬腩肉~好香（下次要試）；炸鮮鱿，好白净，炸完擺上抽油機之上的爐烘乾，不油；迷你漢堡包，生菜醬汁雞蛋，牛肉扒；燒羊肉串等等；金髮廚師純屬工序，食物擺設，醬汁配合，瀟灑調味；看著他制作表演藝術。他取小板放沙樂味腸，幾款風乾火腿，在我右手邊西班豬腿切了2片，在加4角麵包，之後擺在七殺面前，好甘香，滑，西班牙火腿有根，麵包唔夠用😊西班牙肉腸粒煮青口，青口细細幼幼，肉腸比以前食過硬身，無咁粉和淋，有嚼口，咸度可以接受，有香草，濃香西班牙奄列，跟上次一樣咁香咁滑，薯仔夠粉，試真些，係無芝士，兩面小小燶，吱白汁及灑少少红色塩在面，增添色彩及味道。茄汁肉丸，茄汁加香草及調味料，濃香，肉丸好似獅子球，實與鬆之間，恰到好處。最後，甜品西班牙油炸鬼，點朱古力。食完睇完上班。