樂天皇朝 (Maritime Square 1)

Open Now

Now Closed

星期五放下工作，只因辛苦搵來志在食！來到青衣城頂層的樂天皇朝。餐廳門口佈置裝潢華麗，不過更加吸睛係星期一至五下午茶時段係五折呀！睇嚟好快又會再encore喇😆刀切小饅頭(炸) $28即炸饅頭熱辣辣上枱！饅頭炸得脆卜卜，入口酥脆，中間軟綿綿，沾些煉奶吃也不會過份甜膩。蘿蔔絲酥餅 $42層層疊疊嘅酥皮包住熱辣辣蘿蔔絲，咬落口見一條條蘿蔔絲切得好幼細，口感十足，味道也不錯。清燉雞湯 $62揭起燉盅蓋即香味四溢，雞湯少油清澈見底，果真雞味濃郁，必試！特色皇朝小籠包(八色) $108跟返餐廳介紹，小籠包要由味道淡至濃、原味至特色順序品嚐。八款味道包括有原味、人蔘、鵝肝、黑松露、蒜蓉、芝士、麻辣及蟹粉。我比較鍾意食鵝肝小籠包，皆因味道異常地夾！小籠包色彩繽紛除咗滿足視覺，更做到皮薄多湯汁，好高水準呀！京蔥爆肥牛肉 $138京蔥份量十足，炒得火喉剛好，配上鮮嫩嘅牛肉，食起也不會太肥膩。香煎豆沙窩餅 $48豆沙鍋餅外皮炸得鬆脆呈金黃色，內裡則填滿軟綿綿嘅紅豆蓉，甜度適中，值得一試。