138
25
6
Exit F, Tsing Yi MTR Station, Exit G, Tsing Yi MTR Station, Exit A2, Tsing Yi MTR Station continue reading
All Branches (6)
Telephone
21778777
Opening Hours
Today
11:00 - 22:30
Mon - Fri
11:30 - 22:30
Sat - Sun
11:00 - 22:30
Public Holiday
11:00 - 22:30
Payment Methods
Visa Master AlipayHK Alipay Cash UnionPay WeChat Pay
Number of Seats
186
Other Info
Online Reservation
Reward Dining Points
10% Service Charge
Spot payment
About Reward Scheme
Review (185)
Level4 2019-06-02
1514 views
今晚我又好掛住樂天皇朝個八色小籠包 就拉左男朋友去食啦😛每次食樂天皇朝 我都覺得啲侍應招呼好好 坐得又舒服😗 價錢又唔會話太貴 係一間我都幾鍾意嘅餐廳😝先叫一個八色小籠包 再叫啲小食食住先😛 男朋友話想食撈拌海中寶 我就梗係要李白醉雞啦😋李白醉雞嗰隻花雕酒味真係好香🤪 味道調校得啱啱好 不愧係酒仙嘅至愛🤣 醉雞肉質幾實幾滑 好出色嘅冷盤😋撈拌海中寶都好有驚喜😍 雖然蝦仁我就覺得正常啦 但個海蜇超級煙韌 夠晒爽口😍 芫荽味超突出 配埋少少辣同酒味😛 連平時唔鍾意食芫荽嘅我都接受到 覺得好食喎😯八色小籠包皮薄湯汁多 人蔘小籠包夠晒特別 真係食得出人蔘嗰陣甘味🤣 鵝肝都唔錯 不過芝士就真係唔係好啱口味🤣 但整體每隻都各有特色既🤓上海外婆紅燒肉係男朋友指定要食嘅 望落好似好肥🤪 但食落一啲都唔油膩! 層次分明 味道甜甜地(我就覺得冰糖可以再落多少少) 最上面嗰層皮仲好qq的 超好食🤤🤤 上海菜就係應該要食紅燒肉🤪呢款甜品宮廷驢打滾 我都未聽過🤣 係第一次叫黎食 凍凍地好煙韌 有啲似年宵嗰啲糖不甩😯 但佢中間個餡係用咗紅豆蓉 都幾fresh😝 面頭就有啲花生嘅粉 好香 值得一試! 唔使成日食豆沙鍋餅咁熱氣🤣 continue reading
(The above review is the personal opinion of a user which does not represent OpenRice's point of view.)
Level4 2019-05-20
1860 views
今晚黎到呢間專食特色小籠包嘅樂天皇朝。 由於喺地鐵商場嘅關係, 未到夜晚 7 點就已經坐滿。前菜小食比起其他餐廳嘅前菜小食, 呢度嘅比較特別, 係炆花生 & 栗子, 非常淋身, 而且黎到仲係熱辣辣。蒜香小籠包今次只係揀左蒜香味嘅小籠包, 外皮淺灰色, 厚度適中, 一咬開超多湯汁, 有陣陣蒜香味, 即使唔加醋都已經好好味, 好啱蒜迷嘅胃口。香辣蒜泥白肉有別於一般坊間嘅蒜泥白肉, 餐廳將 D 白肉捲住青瓜絲, 再喺上面淋上特製蒜泥醬。 口感較爽口, 味道唔算好辣, 個蒜泥醬非常惹味。四川夫妻肺片有牛肚同牛展, 由於唔係厚切, 所以好容易咬開, 味道偏辣, 刺激得黎又好開胃。蒜茸炒菠菜炒到夠晒乾身, 食完咁刺激嘅涼菜後食番啖炒菠菜, 絕對係清清味蕾嘅佳選。蟹粉炒飯炒飯非常乾身, 上面淋滿金黃嘅蟹粉芡汁, 用上大量蟹粉蟹膏, 每一啖都食到鮮甜香濃嘅蟹味,  蟹粉 x 炒飯簡直係絕配。宮廷驢打滾用左糯米做成嘅外皮, 捲起豆沙餡, 再喺表面沾上薄薄一層黃豆粉。 口味 QQ 煙韌, 黃豆粉同豆沙餡嘅甜味非常 Balance, 食落去唔會太甜, 大推大推 !! continue reading
(The above review is the personal opinion of a user which does not represent OpenRice's point of view.)
Level4 2019-05-13
1300 views
外婆紅燒肉$92 紅燒肉是滬菜中的首本名菜,體現了上海菜「濃油赤醬」。脹卜卜、層次分明的紅燒肉,油亮的豬皮下,帶著一層滑溜的肥膏,入口軟腍鬆化,加上肥瘦適中的五花腩,肥而不膩,令人食指大動! 原味小籠包$98小籠包外皮簿嫰,我不理燙嘴,也要大口咬下去,再慢慢吸啜湯汁,甜甜的雞湯口中爆開呀,津津有味。蘿蔔絲酥餅$42蘿蔔絲酥餅,即叫即炸,酥皮油香酥脆,空氣感十足,包裹著一絲絲香甜的蘿蔔絲,十分出色!三鮮肉水餃$52水餃皮厚身,餃子脹卜卜、飽滿,入口鮮味,配埋陳醋薑絲,好搭配 。雷沙湯圓$42咬開煙韌、軟糯外皮,黑芝麻混合花生醬而做出流沙效果,沾滿花生粉的外皮,更加可口。檸檬蘆薈桂花蜜$28飯後甜品,檸檬蘆薈桂花蜜淡雅、清新,爽口的蘆薈浸泡在桂花糖水中,清甜解膩,輕柔的檸檬香點綴下,令味道更加清新。 continue reading
(The above review is the personal opinion of a user which does not represent OpenRice's point of view.)
Level4 2019-05-13
66 views
原味小籠包$98小籠包皮薄餡靚 , 大口咬下去, 湯汁洶湧而出,肉汁四濺 , 做得 出色,加埋陳醋、薑絲, 絕對係最佳拍檔。李白醉雞$78肥美的雞肉冰涼嫰滑,冷泡在紹興酒裡,肉質柔滑,入口雞皮散發淡淡酒香。紹興酒香不會太濃烈,恰到好處的不會蓋過雞香,非常滋味! 雞汁的膠質凝結成啫喱狀,色香味俱全! ·.麻醬油麥菜$62油麥菜被青瓜片捆成一束, 爽脆又清新, 再點上胡麻醬吃,開胃的餐前小吃。四川酸辣湯$52原盅盛上, 賣相吸引,酸辣湯材料豐富, 有冬菇絲、瘦肉絲、木耳絲、竹筍絲和豆腐絲, 酸酸辣辣, 地道風味。陳皮五香牛肉$62五香牛肉切成薄片, 用陳皮及醬汁滷製而成, 好入味, 齒甲留香。椒鹽小黃魚$108小黃魚外皮炸得香脆, 熱呼呼, 魚肉 雪白, 入口好嫩滑, 配上椒鹽, 更加惹味。雪菜鹹肉炒年糕$82雪菜和鹹肉不鹹, 鹹肉肥瘦得宜 ,年糕入口煙靭靭, 味道很搭配。桂花酒釀丸子$35丸子細細粒煙煙靭靭, 浸泡在桂花酒裏,充滿陣陣桂花香味, 不太甜, 啖啖窩心, 不錯的飯後甜品 。 . continue reading
(The above review is the personal opinion of a user which does not represent OpenRice's point of view.)
Level4 2019-05-04
1289 views
又到咗母親節嘅月份~因爲5月我返中班嘅關係,所以要提早食母親節飯。今次媽咪話想食小龍包,我哋就揀咗青衣城呢間樂天皇朝~Book咗夜晚7點,未算多人,環境大幾舒適幾靚~睇完Menu發現原來媽咪好多嘢都想食~不知不覺我哋都tick咗好多嘢食必點嘅就一定係特色皇朝小龍包(8色)分別係原味、人參、鵝肝、黑松露、芝士、蟹粉、蒜香同麻辣店員建議原味同蟹粉點醋食,其他都可以就咁食~我揀咗黑松露同麻辣味估唔到黑松露做小金龍包都幾夾喎,無論湯汁同內餡都好正好出色~而麻辣味都唔錯,其實唔辣,但又有麻辣嘅味道~炸饅頭外脆內軟,點煉奶是常識吧!唔好覺得一碟得三個咁小....一個都幾大舊,建議大家都係一舊分一半兩份食過吓癮好喇!我哋太高估自己,預咗每人一舊仲有多...其實食完一舊好似飽咗一半咁~鮮蝦抄手拌麵麻辣做得唔錯,係幾辣嘅,但又唔會辣到喪飲水~麵質幾好,抄手多餡好味,唔錯!沙拉排骨呢個係沙拉豬扒嗎?超級大塊啊~勁多沙拉汁喺面,超級邪惡啊~松子鮮果桂魚好鬼靚啊,原本我哋叫咗個蟹粉炒飯~不過我哋等唔切個炒飯嚟喇,叫咗白飯餸呢條魚~酸酸哋好開胃,魚肉多又食唔到有骨,好滑好正啊~京醬肉絲味道唔唔錯~醬汁好濃味,好彩有個皮餅包住嚟食中和返~雪菜鹹肉炒年糕年糕厚度啱啱好,好好滑同雪菜鹹肉非常夾~雪菜唔會太鹹,鹹肉有啲脆骨喺度,食落好有口感~蟹粉炒飯賣相吸引,炒飯炒得均勻~蟹粉醬充滿蟹味,見到蟹膏,味道不錯啊~香煎豆沙鍋餅~雖然同Menu張相有啲出入,但都係脆皮嘅~感覺好似食緊熱嘅老婆餅咁,但又有豆沙喺入面~都幾好味,不過好飽啊~母親節嚟呢間食都唔錯,媽咪食得好開心抱住個肚出門口啊~ continue reading
(The above review is the personal opinion of a user which does not represent OpenRice's point of view.)