Read full review
2020-06-03
135 views
婚後搬咗嚟奧運,要自己搞掂早餐。我哋每天都食麵包做早餐,食厭咗商場及地鐵站入面嘅連鎖式麵包店,有日放工後就過咗嚟富榮花園呢邊探索下環境,買定麵包做第二日早餐。留意到呢間主要做街坊生意嘅包檔,入面兩位店員姐姐都笑容可掬,親切友善,而且一入去仲會介紹下唔同麵包,佢哋介紹時嗰份雀躍同熱情,真係要呢D小店先感受到!地瓜燒比較少見嘅一款,原來入面有原粒蕃薯,入口盡是地瓜天然香甜,健康好食!餐蛋包係我其中一款好鍾意食嘅麵包,呢度出品都唔錯,包好軟熟,入面簡單包住餐肉及雞蛋已經好好食。墨西哥杏片包主要係老公食,不過微波爐叮完後太香,搞到我忍唔住偷食咗一啖。杏片鋪滿整個麵包,食落口感好豐富。$7大大個,真係好抵食。因為麵包質素唔錯,我哋之後有日仲去咗買3件切餅返屋企做飯後甜品!檸檬軟芝士蛋糕($25)芝士味道唔算突出,但口感香滑,加上檸檬味道清香,整體味道酸酸地,好開胃清新。芒果蛋糕($25)入面亦係軟芝士蛋糕,但因為加咗好多芒果,所以完全唔膩。橫切面亦已經見到芒果粒份量好慷慨,面頭仲鋪咗厚厚嘅芒果片,非常足料。呢排芒果當做,芒果香甜多汁,非常推薦。合桃撻($15)好少見到合桃撻,貪新鮮試下,點知好有
地瓜燒
比較少見嘅一款,原來入面有原粒蕃薯,入口盡是地瓜天然香甜,健康好食!
餐蛋包
係我其中一款好鍾意食嘅麵包,呢度出品都唔錯,包好軟熟,入面簡單包住餐肉及雞蛋已經好好食。
墨西哥杏片包
主要係老公食,不過微波爐叮完後太香,搞到我忍唔住偷食咗一啖。杏片鋪滿整個麵包,食落口感好豐富。$7大大個,真係好抵食。
因為麵包質素唔錯,我哋之後有日仲去咗買3件切餅返屋企做飯後甜品!
檸檬軟芝士蛋糕($25)
芝士味道唔算突出,但口感香滑,加上檸檬味道清香,整體味道酸酸地,好開胃清新。
芒果蛋糕($25)
入面亦係軟芝士蛋糕,但因為加咗好多芒果,所以完全唔膩。橫切面亦已經見到芒果粒份量好慷慨,面頭仲鋪咗厚厚嘅芒果片,非常足料。呢排芒果當做,芒果香甜多汁,非常推薦。
合桃撻($15)
好少見到合桃撻,貪新鮮試下,點知好有驚喜!撻上面擺咗大大舊沾滿焦糖醬嘅合桃,入口香脆,甜度剛好,配上香脆嘅撻皮,口感好有層次。好鐘意食!
Post