Video
5-min walk from Exit D2, Olympic MTR Station
continue reading
Opening Hours
Mon - Sun
06:00 - 20:00
Above information is for reference only. Please check details with the restaurant.
第一次嘗試Opera蛋糕切餅後，已成為常客，佢有一些特別的款是另外兩間店沒有的（其他食評已有推薦）。今次介紹係3D立體蛋糕，俘虜了我兩個女兒的心，$480/2磅人魚公主蛋糕。另一個是$380/1.5磅Hello Kitty蛋糕。
continue reading
悠閒的日期，相約姊妹到她家中，姊妹的話題總是離不開對食物的美味程度，位於大角咀富有特色的麵包店「包檔」，享受慢活寫意的生活，當然感覺開心快活。 麵包店位置很方便，地理環境很好，很多街坊幫襯，時常來買蛋糕及麵包。 店外見到好多蛋糕款式，十分吸睛，期待品嚐食物。 店內分別放置不同食物，食物各有特色，蛋糕款式最吸引我的注視。 另一邊放置麵包，窗口可以看到食品款式，多款麵包提供給客人選購。 新品上市的麵包職員都會寫清楚，客人可以方便留覽，選定食品才付款。 我點選了幾款蛋糕及新品上市的麵包，帶回家中慢慢品嚐。 幾款蛋糕當中，我最鐘意法式特濃芝士切件及焦糖歌劇切件。法式特濃芝士切件賣相討好，好有美感，芝士特濃幼滑，不會過甜，好有口感，整體味道好夾，口感細膩，滿載的味道清新。焦糖歌劇切件焦糖歌劇切件，蛋糕鬆軟香滑豐盈，比一般蛋糕口感更細滑，焦糖甜度剛好，上層的金萡，充滿優雅不膩的滋味，令人唾涎三尺。 另外，幾款麵包當中，我最鐘意恐龍蛋及紅莓包。恐龍蛋恐龍蛋外皮脆口，外脆內軟，口感鬆化，入面有香濃的咖啡味，同麵包配合得天衣無縫，味道更勝一籌，正合我的口味。紅莓包紅莓包甜度剛好，只有少許酸，口感很綿滑，內裡食出鬆軟，濕潤的口感，算得上水準表現。包檔（大角咀）地址：大角咀海庭道8號富榮花園地下39號舖
continue reading
今日去大角咀做野，經過呢間麵包舖聞到好香，😋佢舖面嘅蛋糕西餅都好靚，所以就入去買啲包餅醫下肚，冇時間食Lunch都可以食得咁精緻，好開心呀🥳榛子醬合桃包（$8）手掌咁大個包先至八蚊真係抵到爛呀，😳而且仲係超級足料，榛子醬漩渦形咁搽係麵包裏面🌀，仲落左好多粒合桃！又健康又飽肚仲要好好味！超扺食！吞拿魚包（$8）我自己食親麵包都一定會買吞拿魚包食，包檔呢個吞拿魚包真係好足料，成個包塞滿晒餡🤤雖然唔係只應天上有，但都算人間美食啦！🥰黑森林蛋糕（切件）黑森林蛋糕超大舊🥰同同事兩個人一齊食都得，有濃郁的朱古力碎片同朱古力味海綿蛋糕，啲cream順滑得黎又唔會好油膩，入口香甜，應該冇女仔唔鍾意啦！🤩Tiramisu（切件）核桃撻
continue reading
其實小妹都係一名麵包控🤪嚟，比起港女至愛嘅千層蛋糕，我更鍾意食中式嘅包點！😏呢間麵包店好傳統，仲好特別，有好多核桃做嘅包點同餅撻，我都好鍾意食堅果類嘅嘢食，😋仲可以順便補吓腦haha。大大個嘅榛子核桃包🌰都係賣$8，成塊面咁大，仲有好多核桃粒（唔係碎），足料又好味，榛子醬少少甜但唔會漏。另外試埋核桃撻🥧，一開始都係俾佢成座塔咁嘅核桃山吸引而買咗，啲核桃仲要包咗層蜜糖甜甜哋，好好味啊～～😍
continue reading
婚後搬咗嚟奧運，要自己搞掂早餐。我哋每天都食麵包做早餐，食厭咗商場及地鐵站入面嘅連鎖式麵包店，有日放工後就過咗嚟富榮花園呢邊探索下環境，買定麵包做第二日早餐。留意到呢間主要做街坊生意嘅包檔，入面兩位店員姐姐都笑容可掬，親切友善，而且一入去仲會介紹下唔同麵包，佢哋介紹時嗰份雀躍同熱情，真係要呢D小店先感受到！地瓜燒比較少見嘅一款，原來入面有原粒蕃薯，入口盡是地瓜天然香甜，健康好食！餐蛋包係我其中一款好鍾意食嘅麵包，呢度出品都唔錯，包好軟熟，入面簡單包住餐肉及雞蛋已經好好食。墨西哥杏片包主要係老公食，不過微波爐叮完後太香，搞到我忍唔住偷食咗一啖。杏片鋪滿整個麵包，食落口感好豐富。$7大大個，真係好抵食。因為麵包質素唔錯，我哋之後有日仲去咗買3件切餅返屋企做飯後甜品！檸檬軟芝士蛋糕（$25)芝士味道唔算突出，但口感香滑，加上檸檬味道清香，整體味道酸酸地，好開胃清新。芒果蛋糕（$25)入面亦係軟芝士蛋糕，但因為加咗好多芒果，所以完全唔膩。橫切面亦已經見到芒果粒份量好慷慨，面頭仲鋪咗厚厚嘅芒果片，非常足料。呢排芒果當做，芒果香甜多汁，非常推薦。合桃撻($15)好少見到合桃撻，貪新鮮試下，點知好有驚喜！撻上面擺咗大大舊沾滿焦糖醬嘅合桃，入口香脆，甜度剛好，配上香脆嘅撻皮，口感好有層次。好鐘意食！
continue reading