Video
Read full review
2010-01-01
2 views
本來只想去蘭桂坊飲杯嘢。但落的士時比我見到一間新嘢叫 Favaca???走上去睇睇，地方細細，前面是BAR area，可以飲杯嘢 ；後面是Dining area，竟然有個 Open Kitchen！我唸老板一定是一個識飲識食嘅人啦。雖然佢地暫時未有酒牌，不過唔緊要，Watson cellar咁近，買酒去都OK 啦。主持人Henry話，個名原來有段古仔: Favaca 係一班好朋友嘅英文名砌出來，佢地希望Favaca 可以係一個好朋友相聚嘅地方，可以同時響到飲杯嘢之後又有好嘅嘢食 。想法好週到，可以一次滿足多個願望 – 正!同朋友坐低後，睇睇 Menu，好得意，有美式、意式同日式!? Henry 話佢地係International fusion (會唔會兩頭唔到岸o家?) 不過我嘅Worry 係多餘，事實係非常非常好食!我地Order咗： Mushroom Soup – 好creamy，好有菇味。Favaca Jaha Salad – 嘩！好多嘢呀！有大蝦、帶子、吞拿魚同三文魚! 最特別係個Dressing, 好有日式feel, 佢用芝麻vinaigrette; 好清，一啲都唔 heav
走上去睇睇，地方細細，前面是BAR area，可以飲杯嘢 ；後面是Dining area，竟然有個 Open Kitchen！我唸老板一定是一個識飲識食嘅人啦。
雖然佢地暫時未有酒牌，不過唔緊要，Watson cellar咁近，買酒去都OK 啦。
主持人Henry話，個名原來有段古仔: Favaca 係一班好朋友嘅英文名砌出來，佢地希望Favaca 可以係一個好朋友相聚嘅地方，可以同時響到飲杯嘢之後又有好嘅嘢食 。想法好週到，可以一次滿足多個願望 – 正!
同朋友坐低後，睇睇 Menu，好得意，有美式、意式同日式!? Henry 話佢地係International fusion (會唔會兩頭唔到岸o家?) 不過我嘅Worry 係多餘，事實係非常非常好食!
我地Order咗：
Mushroom Soup – 好creamy，好有菇味。
Favaca Jaha Salad – 嘩！好多嘢呀！有大蝦、帶子、吞拿魚同三文魚! 最特別係個Dressing, 好有日式feel, 佢用芝麻vinaigrette; 好清，一啲都唔 heavy。重有呢個咁多料嘅沙律都只係$128咋！抵！
Main course 本來想食Angus Beef，但見到第二枱有個好得意嘅菜，好似韓式石頭煱咁，原來係佢地嘅秘密武器－石頭煱Risotto! Hehe，一於試一試。
當熱辣辣嘅石頭煱出來時，經理話要等到好多煙走出來先至可以打開個蓋，OK 等…OMG，個Risotto 有鵝肝同埋勁大蘑菇 Portobello! 當我地食到咁上下，至知道頭先點解要等啲煙走出來－因為咁先至有飯焦！！！我重來未食過有飯焦嘅 Risotto 囉！香脆嘅飯焦同埋煙煙韌韌Risotto，真係好食到不得了。
好飽好飽，係時候出動第二個胃比…甜品！Chocolate係買飛佛，叫咗個流芯朱古力。又係不得了咁好食，佢同出面嘅心太軟好唔同；佢地係無用麵粉，所以係100% 朱古力焗出來，好Rich好Rich。大廚好有 heart 咁跟一球雪糕：好似比你冷靜一下咁，好正！
我同個Friend最後係飽到行唔到咁滯。下次一定耍再來。
Post
