星航圖咖啡廳

Open Now

Now Closed

一早入嚟酒店 staycation 急急腳check-in完就梗係想好快咁食個晏，之後就周圍去玩啦！ 今次終於嚟咗唔係間間迪士尼酒店裏便都有嘅自助形式餐廳。星航圖餐廳食❤️我哋點咗烤雞肉、牛油果星航圖扁麵包同埋焗鮮茄豬扒黑松露飯。扁麵包上嘅雞肉同牛油果🥑嘅份量都唔少，包上面加咗牛油果醬同埋沙律醬令到麵包冇咁乾身，而且麵包焗得脆脆地，啱晒鍾意食香口野嘅我。鮮茄豬扒飯嘅醬汁都好多，啱晒小朋友。炸豬扒唔太油而且咬落口一啲都唔韌，飯裏面黑松露嘅味道唔太多，因為黑松露放咗響側邊，最啱我可以選擇食定唔食❤️兩個主菜都會跟大大碗忌廉湯，好有兒時嘅味道啊。分量十足，食到我哋攬住個肚。