我和友人訂了9pm兩位，後來大概8:15就早到了，門外有十來個人，以為要等到9點先可以入門。不過登記後，大十幾分鐘就入得。因為餐廳要求人均消費至少150，所以在買一送一外叫了小食。
單點小食：泡菜魷魚。唔記得相機食先，所以得張食剩嘅相。幾令人失望，餐牌中魷魚好多，而實際幾乎得泡菜。我同朋友差啲以為成碟都係泡菜。
1
買一送一的主食：買雙拼焗雞（雙重芝士＋蜜糖蒜香） 送 墨魚仔辣粉年糕。墨魚仔辣粉年糕先上菜，味道比泡菜魷魚實在好太多了﹗醬汁酸甜，有香口蒜片，還有一點辣，配上韓式年糕，是啤酒最好的伴菜﹗
雙拼焗雞（雙重芝士＋蜜糖蒜香）等了好一段時間才上菜，不過因為已經有兩碟前菜，所以也沒有餓住等。我本來不太喜歡食炸雞焗雞，覺得肉「鞋口」，食多會厭。不過今次卻令我食唔停。
雙重芝士焗雞比較普通，只見到有芝士粉，不知另一重芝士在哪。不過大致都很不錯。而蜜糖蒜香焗雞對我簡直驚為天人，蜜糖帶輕微燶味，不會過甜過膩，灑上去的粟米片脆口，吃完一件又一件，食到唔想停。唯一疑問係，完全食唔到蒜香。
1
買一送一的飲品：西柚啤酒和芒果啤酒。食雞最正就配啤酒，見有得買一送一自然去買啦。飲果汁啤酒最驚就有藥水味，不過我同朋友叫的西柚啤酒和芒果啤酒完全冇藥水味，甜甜清新，可以話係好好飲。好合適女生﹗
