Video
Read full review
2019-01-24
168 views
老公生日好似流水宴咁，食足三日😆星期六預祝就去左食齋，沈日正日就係咁易附近食，冇生日蛋糕，冇得吹蠟燭。唯有吹住 #火焰甜酸鱔 先啦😆一家6口，4大1小1BB , 叫左5個菜，激飽！忌廉朱古力，雷大囡當然好鐘意飲啦，飲到飽晒食唔到野😑😑本來想叫風沙雞，但食得太多，試下 #玫瑰木桶雞，雞夠滑，但唔知咩係玫瑰，開頭以為玫瑰露，但又唔覺。似一般薑蔥豉油雞。但味道係唔錯嘅，唔好諗個玫瑰的話😆#火焰甜酸鱔：個鱔好食，味道似咕嚕骨，鱔皮夠脆，肉淋又冇骨絲，唔錯。火焰嘅作用？同演唱會煙花效果一樣，加強視覺效果囉！因為啲火燒晒之後，鍋底嘅洋蔥都係凍同生嘅🤣 但洋蔥只係配角，冇所謂啦！芝士西蘭花肉碎伊麵底個汁唔錯，味道較淡，雷小囡啱食👍🏻鍋貼芝麻蝦本來以為係好似出面果啲鍋貼蝦咁，但實際上其實係蝦多士！雖然有少少失望，但當佢係蝦多士的話，又確實唔錯嘅。最驚喜係 #南脆炸豬手，炸豬手皮夠脆，脆得嚟仲係酥脆，唔係硬挖挖果隻。皮同肉之間嘅骨膠原夠黏口。邪惡得嚟總算有啲藉口食多嚿（自我安慰模式）不過唔夠入味，一定要沾南乳醬，但唔點就冇味，點左又太鹹...要啲技巧🤣 好滿足嘅一餐，盛惠五百多元，算抵食。食物夠鑊氣，炸
星期六預祝就去左食齋，沈日正日就係咁易附近食，冇生日蛋糕，冇得吹蠟燭。唯有吹住 #火焰甜酸鱔 先啦😆
一家6口，4大1小1BB , 叫左5個菜，激飽！
忌廉朱古力，雷大囡當然好鐘意飲啦，飲到飽晒食唔到野😑😑
本來想叫風沙雞，但食得太多，試下 #玫瑰木桶雞，雞夠滑，但唔知咩係玫瑰，開頭以為玫瑰露，但又唔覺。似一般薑蔥豉油雞。但味道係唔錯嘅，唔好諗個玫瑰的話😆
#火焰甜酸鱔：個鱔好食，味道似咕嚕骨，鱔皮夠脆，肉淋又冇骨絲，唔錯。火焰嘅作用？同演唱會煙花效果一樣，加強視覺效果囉！因為啲火燒晒之後，鍋底嘅洋蔥都係凍同生嘅🤣 但洋蔥只係配角，冇所謂啦！
芝士西蘭花肉碎伊麵底
個汁唔錯，味道較淡，雷小囡啱食👍🏻
鍋貼芝麻蝦
本來以為係好似出面果啲鍋貼蝦咁，但實際上其實係蝦多士！雖然有少少失望，但當佢係蝦多士的話，又確實唔錯嘅。
最驚喜係 #南脆炸豬手，炸豬手皮夠脆，脆得嚟仲係酥脆，唔係硬挖挖果隻。皮同肉之間嘅骨膠原夠黏口。邪惡得嚟總算有啲藉口食多嚿（自我安慰模式）不過唔夠入味，一定要沾南乳醬，但唔點就冇味，點左又太鹹...要啲技巧🤣
好滿足嘅一餐，盛惠五百多元，算抵食。
食物夠鑊氣，炸得夠透，當然超熱氣啦！🤣🤣
#雷囡媽媽罷煮系列
#雷小囡撞親嘴仔生痱滋乜得睇冇得食，冇晒心機🤦🏼♀️🤦🏼♀️
Post
