269
98
40
5-min walk from Exit B1, Shek Kip Mei MTR Station continue reading
Telephone
2778 8791
Introduction
It transformed from Shanghainese to both Chinese and Western food. Fast food in lunchtime and modern Chinese dishes in the dinner, mainly. continue reading
Awards and Titles
Best Guangdong Restaurant (2016)
Opening Hours
Today
06:45-00:00
Mon-Sun
06:45-00:00
Payment Method
Cash
Other Info
Alcoholic Drinks
Phone Reservation
Outdoor Seating
Review (435)
街坊小菜,鑊氣十足 Featured Review
Level4 2017-04-20
678 views
星期日同屋企人食晚飯,佢地鍾意食小菜,所以我地去咗品香樓開餐,好彩一早訂咗位,因為我地坐底咗,出面已經開始有人等位。叫咗紅燒乳鴿,皮脆肉香,新鮮熱辣勁好食,原本叫咗兩隻,要追加多兩隻先夠食。火焰牛仔骨,每次都會叫,鍾意有火燒住,唔怕凍咗D牛仔骨變靭,需且又切到細細地,好惹味,食得又方便。酥炸大腸,我自己好少食,不過屋企人叫咗,就食咗幾嚿,炸得好乾好脆,而且又洗得好乾淨,點埋D汁,好好食,仲有菠蘿做配菜,好清新。南乳炸雞翼,小朋友最愛,雞翼好大隻,炸得好香口,裡面又唔乾,小小辣辣地,好惹味。煎蠔餅,煎到金黃色,少少乾乾地,入口好多肥美蠔仔,不過要趁熱食,凍咗無噤好食。麵醬炒唐生菜,好大碟,加咗麵醬嘅唐生菜,特別好食。炸饅頭,一碟八隻,面層煎到金黃色,望落以為好油,但原來好乾身,裡面就好鬆軟,外脆內軟,點埋煉奶,甜甜地,比小朋友食晒。契媽炒飯,個名夠晒特別,有菜脯,肉碎,豆角,肉鬆同埋兩塊大大塊嘅蝦片,感覺有D似印尼炒飯,味道OK,有少少鹹香,不過就油少少,同埋唔大碟,感覺食小菜抵食D。仲有叫咗個白菜仔豆腐魚雲湯,好住家feel,味精唔多,都幾鮮甜,大受歡迎。喺品香樓食飯要有心理準備,個度會好嘈,好熱鬧,而且會迫迫地,不過佢D小菜又真係好有鑊氣,好出色,所以都唔理,專心食嘢就算。 continue reading
(The above review is the personal opinion of an user which does not represent OpenRice's point of view.)
屋村風味 Featured Review
Level4 2016-10-26
6988 views
星仔的朋友遠道而來參加我們的婚禮,所以我又帶他們來品香樓,除了可以讓他們感受港式的鑊氣,另外亦可以給他們看看香港的舊式屋村。*********************品香樓因為佔了幾個鋪位,所以即使我們一行8人在星期五晚上來到,不用等位已經可以入座。特濃朱古力($20)凍朱古力是這裡的名物,無論是否朱古力愛好者都沒有理由不點。據說只有晚飯時間的凍朱上面才有忌廉,但今次我們就走忌廉。凍朱依然朱古力味香濃,走忌廉令凍朱入口沒那麼香滑,不過仍無損其美味。南乳炸豬手($78)南乳炸豬手炸得夠脆又不會太乾,吃到南乳鹹香味,非常惹味。椒鹽骨($75)椒鹽骨肉多骨少啖啖肉,又夠椒鹽,好味。香蒜黃金蝦($98)黃金蝦份量都多,但可惜略嫌鹹蛋黃醬不夠多,有點到喉不到肺。風沙雞($105)原本想點手撕雞,但由於沒有預訂,所以唯有點風沙雞。風沙雞肉質不算太滑,但勝在鹹鹹辣辣醃得非常惹味,雞皮都帶點脆口。金銀蛋蒜子浸白菜仔($75)吃了多味煎炸食物,一定要吃個蔬菜。這個金銀蛋蒜子浸白菜仔,上湯鮮甜而不油膩,清淡得來又美味。八珍扒豆腐($85)八珍扒豆腐內有豆腐、冬菇、大蝦、豬潤和肉片,非常足料。生炒臘味糯米飯($78)生炒糯米飯雖然不是用沙窩上,但味道絕對不差。糯米飯夠乾身又有嚼勁,炒得不錯。明太子炒飯($75)明太子炒飯呈薑黃色,中間只夾雜明太子和蟹柳,飯炒得都夠乾身,但味道就沒有甚麼特別。總結,人均$100有找吃到飽,還要味道不差,難怪品香樓長期都那麼旺場。 continue reading
(The above review is the personal opinion of an user which does not represent OpenRice's point of view.)
人氣鑊氣同樣沸騰 Featured Review
Level4 2016-09-29
4827 views
今天,朋友相約到品香樓晚飯,聽說那裡的小菜,做得相當不錯。
星期六晚上,門外擠滿等位食客,慶幸朋友早已訂座,否則至少也要苦等個多小時。
店內氣氛非常熱閙,座位空間較為狹窄,我們四人於中間位置圓枱坐下,往鄰桌一看,九位成人親密地坐於與我們同樣尺寸的圓枱,原來我們的空間,可說是相當寬敞舒適。
先來,招牌火焰蜜餞牛柳粒,上桌時店員於錫紙盤底點火,冒著火光熱烘烘的吃著,感覺特別惹味,以黑椒汁烹調的牛肉,口感嫩滑,微辣之中帶點甜口,伴著爽脆的青紅椒,絕對是色香味俱全的佳餚。
再來,風沙雞,鋪滿金蒜,香口無比,外皮十分酥脆,肉質嫩滑。
豉汁蒸鱔,朋友至愛,飽滿的豉汁覆蓋著新鮮彈牙的魚肉,佐飯一流。
XO醬炒雜菌,醬汁較淡口,味道濃厚一點,更覺美味。
鹹魚炒芥蘭,青綠大棵,爽脆清甜又鹹香。
餐後,點了招牌飲品,特濃朱古力,頂著那大大球的雪白忌廉,絕對是十級邪惡賣相,口感濃稠滑溜,作為甜品也不錯。
朋友點了,帶著童年回憶的菠蘿冰,這杯賣相比下去,菠蘿份量單薄,唯有視之為菠蘿水,口感清新沁涼。
一頓鑊氣十足的晚飯,雖然這裡舒適欠奉,但望著一桌的美味餸菜,專心品嚐的當下,實在已經心滿意足。 continue reading
(The above review is the personal opinion of an user which does not represent OpenRice's point of view.)
搭 枱 有 位 Featured Review
Level4 2016-08-11
3523 views
朋友選址 方便泊車 一於品香樓!晚飯時段 店員表示搭枱唔洗等餓到暈 緊係唔等即入 環境嘈雜 (好多一群一群的學生哥)我地仲要坐一大枱目測15-20人嘅青年隔離嘈到我地傾唔到偈-______-三個人嗌左五個餸本來想再叫多幾樣 但都係下次先賽磅蟹以住食嘅賽磅蟹都係將蛋白同蟹肉混埋但呢度嘅除左食到蛋白係正常之外蟹肉都已經不是新鮮拆下來 蟹味欠奉唯一特別嘅係呢道菜亦加左好多海鮮 有魚,帶子仔,菇,蟹籽魚肉及帶子仔都帶有點腥味同雪味加上四件西蘭花 有一件壞左 好苦 雖然賣相好,加醋一齊食亦還可接受但這個都係會不推介 炸大腸同街邊小食唔一樣 炸得好乾身 完全不感油膩香口多汁 好惹味 西蘭花花枝片同帶子都很爽口, 仲已然落左蝦醬去炒, 咸咸地,配上本身淡味嘅花枝片同帶子, 絕. 好有去飲嘅風味   西蘭花比賽磅蟹上嘅都新鮮   蜜桃沙拉骨大大件骨, 肉不多, 更香口, 炸得香脆, 但沙律醬多而不均勻蜜桃很甜, 應該是罐頭水果風沙雞(半隻)感覺似脆皮雞, 外皮非常脆, 加上雞上嘅炸脆,增添口感雞肉非常好嫩滑, 但肉不多, 且太咸 菠蘿涼粉冰是一杯罐頭菠蘿加涼粉, 糖水一杯三個人 五個餸 完全唔洗打包 continue reading
(The above review is the personal opinion of an user which does not represent OpenRice's point of view.)
Level2 2017-06-21
89 views
以前成曰黎食,今晚再試仍保持住水準炸豬手必食,脆卜卜但仲有肉汁,叫咗倆碟都完全K.O.炸大腸我吾食,但同事們一致好評,貪佢有陣味喎炒野一如以往禁有鑊氣楊州炒飯好足料雞皮脆肉嫩,但偏淡要點醬汁炸九肚魚冇得頂,送酒一流呢個伊面麻麻,係廚司推介,個白汁做得吾夠香,賣108蚊有點貴。又食又飲都係每人佰元多小小,認真抵食 continue reading
(The above review is the personal opinion of an user which does not represent OpenRice's point of view.)