Video
Read full review
2019-07-12
260 views
朋友介紹呢間新派素食店，預早左兩日訂位，但如果係換黎一個不太愉快嘅用餐體驗😥😥原本book左8pm，後來因為有改動所以打去改為7pm，電話中職員都有confirm。booking 當日到餐廳攞位時，餐廳職員話我地冇打過黎改時間，口吻亦令我地覺得係責怪我地冇打黎而非餐廳問題。最後得到職員"寬容"比我地進入餐廳用餐。其後，由坐低至埋單離開餐廳，我地都感受唔到店員有welcome 食客嘅感覺，佢地落單或者上菜都唔太responsive，唔期望有十分好嘅服務態度，但連一啲基本嘅回應都欠奉...🤷♂️🤷♂️食到尾聲時，店員毫無預兆地同我地講夠鐘交枱，我地都好愕然因為由頭到尾都冇人同我地講有限時😥😥最後我地無奈地交枱走人...撇除服務以外，食物質素係唔錯嘅，雖然選擇比較少，但款款都做得幾有水準。叫左四款菜，分別係芫茜意大利飯、冬陰意大利飯、黑松露蘑菇漢堡包、同不可能漢堡包芫茜意大利飯同冬陰意大利飯都好夠味，芫茜好香，冬陰公較辣同冇咩椰奶味，意大利飯偏稔同黏，唁同一般意大利飯咁粒粒分明，個人比較鐘意有咬口果種意大利飯。黑松露蘑菇漢堡包普通，冇咩黑松露味，大蘑菇煎得幾香口同juicy，加埋芝士一流。不
原本book左8pm，後來因為有改動所以打去改為7pm，電話中職員都有confirm。booking 當日到餐廳攞位時，餐廳職員話我地冇打過黎改時間，口吻亦令我地覺得係責怪我地冇打黎而非餐廳問題。最後得到職員"寬容"比我地進入餐廳用餐。
其後，由坐低至埋單離開餐廳，我地都感受唔到店員有welcome 食客嘅感覺，佢地落單或者上菜都唔太responsive，唔期望有十分好嘅服務態度，但連一啲基本嘅回應都欠奉...🤷♂️🤷♂️食到尾聲時，店員毫無預兆地同我地講夠鐘交枱，我地都好愕然因為由頭到尾都冇人同我地講有限時😥😥最後我地無奈地交枱走人...
撇除服務以外，食物質素係唔錯嘅，雖然選擇比較少，但款款都做得幾有水準。
叫左四款菜，分別係芫茜意大利飯、冬陰意大利飯、黑松露蘑菇漢堡包、同不可能漢堡包
芫茜意大利飯同冬陰意大利飯都好夠味，芫茜好香，冬陰公較辣同冇咩椰奶味，意大利飯偏稔同黏，唁同一般意大利飯咁粒粒分明，個人比較鐘意有咬口果種意大利飯。
黑松露蘑菇漢堡包普通，冇咩黑松露味，大蘑菇煎得幾香口同juicy，加埋芝士一流。
不可能漢堡包嘅嘅漢堡扒做得好似真漢堡扒，配埋蕃薯條夠哂滿足！
即使再好嘅食物都需要配合好嘅用餐體驗，先吸引到顧客再黎，希望日後服務會有所改善。
Post
