Video
4-min walk from Exit D2, Sham Shui Po MTR Station
continue reading
Telephone
63383719
Introduction
The restaurant is designed by Japanese minimalist style. It provides Japanese and Western set meals and cooks with a simple way. Some of the vegetarian dishes can be changed into vegan dishes. Besides, it recommended Impossible™ Meat burger for those who never or seldom eat green.
continue reading
Additional Information
Lunch: only walk in; Dinner: Reservation
Opening Hours
Today
12:00 - 22:00
Mon - Sun
12:00 - 22:00
*Last Call at 9pm
Above information is for reference only. Please check details with the restaurant.
RELATED ARTICLES
相約朋友飯聚，友人愛吃素，提議到福華街「素年」午膳。餐廳主打純素菜式，店內地方不大，以簡約文青風作設計，配合室內嘅木質佈置，環境清新舒適。點左客十九幾種蔬果全日早餐，材料勁豐富，有車厘茄、大啡菇、粟米、牛油果、澳洲有機沙律菜、迷迭香意大利香草包、自家製孜然豬肉腸等等。豬肉腸肉汁豐郁，味道鮮明，配上芥末蘑菇醬，微辣微酸，意想不到的美味。麵包鹹鹹香香，香草味迴盪齒間，塗上果仁醬，滿嘴堅果香。日式咖喱吉列豬扒意大利飯，素豬扒用新豬肉炸成，外皮金黃鬆脆，肉質軟腍，有真豬扒嘅口感，配帶淡淡果香嘅意大利飯吃，味覺新享受。香芋番薯波波，外皮香脆煙韌，裡面包住軟綿芋茸，入口甜度剛好。純素特濃朱古力蛋糕，上層慕絲以柔滑嘅純素黑朱古力製成，蛋糕體濕潤鬆軟，輕盈不膩，讓人一吃愛上。餐飲點左斯里蘭卡伯爵茶 同 榛子燕麥奶咖啡，咖啡滑順香醇，喝完還有淡淡回甘香氣。
continue reading
近日因為食糖過多，腸胃不適，連續肚瀉兩日，朋友建議試試食齋，話可以清腸胃兼積福。放工後即刻去咗一間素食餐廳，肚餓得嚟，心情亦期待！一入到素年餐廳，第一件事當然係搵位坐低，拎menu即刻落單，點咗幾款小菜同飲品，簡單又飽肚，結果真是一個驚喜嘅體驗！黃薑焗福花配自家製乳酪: 原來「福花」就係椰菜花！呢道菜用黃薑調味，焗得香氣四溢，椰菜花外層微脆，內裏軟嫩，配上自家製乳酪，creamy得來又唔會太膩。味道比想像中豐富，作為開胃菜真是一個好開始，仲有助清腸胃，健康又美味。泰式春卷配甜酸醬: 細細條嘅泰式春卷，炸得金黃酥脆，熱辣辣上枱，咬落「卡滋卡滋」，口感一流。配上甜酸醬，酸甜平衡，瞬間開胃！份量啱啱好，食完唔會太飽，啱晒想試多幾款菜嘅我。素年經典不可能肉醬意粉: 因為宗教原因，平時好多肉醬意粉用牛肉或豬肉，今次終於搵到一個素食版！用植物基「不可能肉醬」，口感同味道同真肉好似，濃郁嘅番茄醬汁同意粉攪拌均勻，食落滿足感十足。呢道菜係今晚嘅亮點，證明齋菜都可以好有「肉」味！超級維他命C奇異果野莓沙律:呢個沙律係必食之選！新鮮奇異果同野莓，仲有最愛的牛油果, 整體色彩繽紛，配上秘製醬料，帶有水果嘅酸甜味，仲有少少清新嘅果香。沙律菜新鮮爽脆，醬料將所有味道連繫起來，食完胃口大開，腸胃都舒服咗唔少，絕對係健康又開胃嘅選擇。熱帶雨林飲品:清清甜甜，似係菠蘿、芒果等熱帶水果mix而成，甜度啱啱好，唔會太膩。冰涼嘅口感好解渴，配搭今晚嘅菜式，感覺清爽又滿足，完美為今餐畫上句號。今次嘅齋菜體驗完全超乎預期！所以買個外賣素年經典不可能肉芝士漢堡包比囝囝食。內附一個小甜品. 素年每道菜都各有特色，由椰菜花嘅健康清新，到素肉醬意粉嘅濃郁滿足，再到沙律同飲品嘅清爽開胃，樣樣都令人回味。餐廳環境輕鬆，服務親切，價錢亦合理，喺深水埗搵到咁一間高質素食餐廳真是一個驚喜！如果你都想試吓清腸胃又唔失滋味嘅飲食體驗，呢間餐廳絕對值得一試。下次我仲會再嚟，試吓其他菜式！
continue reading
同朋友見面一定要環境舒服，食物味道好，最緊要近我，今次就選擇左特色cafe: 素年生薑紅棗桂圓柚子紫蘇茶這款茶的味道非常豐富和層次分明。生薑帶來一絲辛辣和溫暖，紅棗則增添了甜美的果香。桂圓的味道濃郁，帶有一點蜜糖的甜味，而柚子則提供了清新的柑橘香氣。紫蘇的加入使整體味道更加清爽，帶有一點草本的清香。這些成分混合在一起，形成了一種既溫暖又清新的獨特風味。素年經典不可能芝士漢堡味道非常豐富和滿足。這款漢堡使用了植物基的“不可能肉”，帶來了與傳統牛肉漢堡相似的多汁和鮮美口感。芝士的濃郁奶香與“不可能肉”的味道完美結合，增添了層次感。新鮮的生菜、番茄提供了清爽的口感，搭配上柔軟的漢堡麵包，整體味道非常和諧且令人滿足。香芋番薯波波味道非常獨特和令人愉悅。香芋帶來一種濃郁的奶香和微甜的口感，而番薯則增添了自然的甜味和柔軟的質地。這兩種食材結合在一起，形成了一種既香甜又綿密的口感純素伯爵茶芝士蛋糕伯爵茶帶來淡淡的茶香和柑橘香氣，與芝士蛋糕的濃郁奶香完美結合。
continue reading
🥗 食得肉多想食返一餐素食！🌿 上網睇呢間水準唔錯又去開呢頭入去試吓。睇左陣menu 選擇唔算多不過以新派素食黎講，選擇都好貼得上潮流。落單叫左兩個主食，兩個小食同野飲。🦐🌶️ **泰式香辣冬蔭魷魚圈意大利飯** 落單前職員話魷魚賣晒轉兩隻蝦，應該幾受歡迎。個飯既軟硬度適中，煮得乾身小小濕。完全食到冬蔭公個味同酸辣，岩平時唔食開素既朋友。隻蝦用荀做，口感幾特別，下次有機會食返魷魚試吓！🌶️🌱 **川香麻辣蟲草花芫茜意大利粉** 一上碟就聞到好香既麻辣味，食落去個口充滿香濃既麻辣香，配合埋芫茜個香味幾好食，配料有豆卜，如果唔太食得辣夾埋一齊食可以減輕！🧀🥔 **黃薑焗福花配自家製乳酪** 薑味幾濃，就咁食普普通通，但係一加左個乳酪即刻昇華左✨，乳酪無乜味但就可以令到福花好食咗！🍠✨ **香芋番薯波波** 好有驚喜既一個小食，個皮炸得脆，食落煙韌唔太甜有番薯味，擺耐左都一樣咁脆！🥛🌾 **黑芝麻燕麥奶** 濃濃既芝麻香味，話佢係芝麻糊加燕麥奶都唔過份，當然質感滑好多，加埋淡淡既燕麥味，值得一試！🍵 **京都宇治玄米茶** 套餐包埋既飲品但唔係茶包即沖，茶入邊有原茶葉可以見到。飲落去好新鮮，比樽裝同茶包更香玄米味同無茶既澀味！😊🌱 整體質素好高，小小遺憾食唔到炸魷魚，下次食完再同大家分享啦！
continue reading
去過素年幾間分店，雖然唔係經常幫襯，但總算係佢剛開業時已光顧。超級維他命C黑莓牛油果沙律：驟眼睇，沙律的賣相好吸引，颜色豐富，不過，食的時候就察覺食材聊聊可數，成碟沙律只靠唔同食材的颜色同形狀製造出吸睛的視覺錯覺；食材有沙律菜、櫻桃蘿蔔、青瓜、橙、黑莓、藍莓、士多啤梨同牛油果；需要切的食材都切到好細、好薄，望落感覺鋪天蓋地，食落就只有攝牙罅的身體反應。櫻桃蘿蔔片同青瓜係薄片，士多啤梨切得到細件再混入沙律，估計實際成碟可能只得1粒士多啤梨，牛油果得幾塊薄片，下面由青瓜片墊高。完整的食材如藍莓，一碟只有4-5粒，「審」喺唔同角落，睇落豐富啲。成碟最大嚿係橙，可能有細半個，始終沙律個名係「超級維他命C」，加上佢可以有效fill滿隻碟，又唔係咩貴嘢~香芋蕃薯波波：朋友即場用App成為素年會員，用1張電子券換咗4粒香芋蕃薯波波；波波的尺寸似一粒魚蛋，較細粒；唔油膩，外皮煙靭，幾好食，適合作為小食/甜品豆奶latte：latte分2個size：正常同迷你，唔知迷你有幾多ml，但正常亦唔係多；咖啡味一般，但豆香同豆味幫佢加分，令味道同質感都變得好好；轉豆奶毋需加錢，又比標配的燕麥奶多營養，建議飲啡要轉豆奶今次平日黃昏嚟到，未夠1800，餐廳冇乜客但已經有幾張檯係訂座，睇嚟市道對素年冇乜影響。上次嚟係半年前，坐最入，冇乜冷氣，非常焗熱；今次被安排坐最出，近門口，冷氣大，風亦勁，同樣係麻麻地舒適。用餐時間70分鐘，差唔多夠鐘店員就會要求埋單、交位（都真係有人排隊）。收加一，但服務麻麻地，水係要求先有，店員亦冇主動refill，要遞手出聲先過嚟。上次嚟，用餐體驗唔錯，店員幾熱情、有活力，亦主動啲；今次嚟，服務冇乜溫度，店員亦唔係好殷勤。再講食物，2次都係點沙律，上次感覺材料豐富啲，份量大少少；今次睇落差唔多，但食落覺得已「扣底」。整體嚟講，覺得素年已開始跌watt，亦唔係好抵食。餐廳仲有佢的特色，好似提供新菜式，如川椒芫茜蟲草花意粉、腐竹皮天貝(？)漢堡等，不過，食物唔係特別平但又坐唔耐，70分鐘用餐時間太短。就個人需要嚟講，如果1個人食飯，70分鐘實冇問題，但就未必會揀個低消都$100-150去解決一餐；如果係同朋友聚會/dating，70分鐘後經已要搵地方轉場，就絕對唔係一個理想的選擇。素年值得繼續支持，只係我難啲為佢定位，唔知仲有冇其他誘因可以令我嚟多一次？
continue reading
You may be interested in