Video
Read full review
2021-05-19
64 views
同朋友食飯，想搵啲特別啲嘅地方，等大家難忘啲，所以就揀咗呢間食shake shake海鮮袋嘅餐廳。 而且地點好方便，喺尖沙咀厚福街。我哋根據店員推介，叫咗個 signature嘅海鮮袋，揀三款海鮮（海蝦，活青口，活蜆），兩杯飲品，墨汁鮮魷魚八爪魚 risotto， 同埋一份路易斯安那特色蟹餅。呢度除咗食海鮮，啲飲品都唔可以錯過㗎。又靚又好飲! 我嗰杯係sugar kiss，朋友嗰杯係 blue ocean。 影相效果都好得呀!首先嚟嘅係蟹餅，喺個鐵板度熱辣辣，店員提我哋要小心。我哋急不及待切開四份，一食落口，已經食到一絲絲嘅蟹肉，好足料，加埋佢面頭個醬，勁惹味! 真係好食到一個人都可搞掂一份蟹餅呀哈哈!主角海鮮袋出場喇! 店員先畀我哋睇下未shake之前既樣，之後就幫我哋shake，發出啲聲都幾得意。然後就好細心咁打開個海鮮袋 ，即時香味四溢，令人食指大動。喺呢度食海鮮可以非常之豪邁，同時又唔會整污糟手，因為呢度提供咗質料唔錯嘅膠手套，冇咁易穿㗎。我哋個海鮮袋揀咗卡薑蒜蓉汁，覺得辣辣地嘅醬同海鮮好夾，尤其是喺啲貝殼類。啲海蝦都幾大隻，而且完全冇霉㗎，蝦嘅肉質都唔錯。啲蜆肉都唔細隻，只係
我哋根據店員推介，叫咗個 signature嘅海鮮袋，揀三款海鮮（海蝦，活青口，活蜆），兩杯飲品，墨汁鮮魷魚八爪魚 risotto， 同埋一份路易斯安那特色蟹餅。
呢度除咗食海鮮，啲飲品都唔可以錯過㗎。又靚又好飲! 我嗰杯係sugar kiss，朋友嗰杯係 blue ocean。 影相效果都好得呀!
首先嚟嘅係蟹餅，喺個鐵板度熱辣辣，店員提我哋要小心。
我哋急不及待切開四份，一食落口，已經食到一絲絲嘅蟹肉，好足料，加埋佢面頭個醬，勁惹味! 真係好食到一個人都可搞掂一份蟹餅呀哈哈!
主角海鮮袋出場喇!
店員先畀我哋睇下未shake之前既樣，之後就幫我哋shake，發出啲聲都幾得意。然後就好細心咁打開個海鮮袋 ，即時香味四溢，令人食指大動。
喺呢度食海鮮可以非常之豪邁，同時又唔會整污糟手，因為呢度提供咗質料唔錯嘅膠手套，冇咁易穿㗎。我哋個海鮮袋揀咗卡薑蒜蓉汁，覺得辣辣地嘅醬同海鮮好夾，尤其是喺啲貝殼類。
啲海蝦都幾大隻，而且完全冇霉㗎，蝦嘅肉質都唔錯。
啲蜆肉都唔細隻，只係佢個殼比較細，味道都甜。
青口幾好食，肉質都算滑。
除咗海鮮，仲有薯仔粟米同埋腸仔，全都同個醬好夾好好食㗎! 真係食到舐舐脷呀!
然後個墨汁意大利飯就到喇
魷魚八爪魚好大隻超足料! 墨汁飯淡淡牛油香，好creamy，話咁快就清哂!
最後係甜品，New York Cheesecake
賣相幾靚，芝士味香濃，好足料。
食得好滋味，呢件蛋糕為我哋今餐劃上完美嘅句號。
Post
