451
57
27
4-min walk from Exit B2, Tsim Sha Tsui / East Tsim Sha Tsui MTR Station continue reading
Telephone
23665600
Introduction
The Captain's House serves New Orleans styled seafood. One of their signature dish is the Captain's Seafood Bag which consists of all of the freshest seafoods of the day brought our in a bag. continue reading
Opening Hours
Today
12:00 - 15:00
18:00 - 23:00
Mon - Sun
12:00 - 15:00
18:00 - 23:00
Payment Method
Visa Master AE Cash UnionPay
Number of Seats
38
Other Info
Online Reservation
Alcoholic Drinks
May Bring Your Own Wine
Cake-cutting
Phone Reservation
Reward Dining Points
10% Service Charge
About Reward Scheme
Review (569)
Level4 2018-07-15
293 views
尖咀厚福街8號,昔日橫巷一角!今日,變了棟新派又新潮的新食廈 H8。整橦玻璃幕牆外貌,23層高的大廈,滿是各類不同受歡迎的食店,驟眼看,H8好像形成尖沙咀區最新的型人地帶。在這橦大廈中,有一間我想試已久的餐廳...法國與西班牙結合的新奧爾良菜...「The captain's house」當日從厚福街過去經已覺見很多人在樓下排隊搭電梯上去..而熊仔就由加連威老道個邊過去,其實仲可以從金馬倫道小街中穿入!當時係抱住超期待既心情等待一陣的晚餐!上到去「The captain's нoυѕe」,18樓𨋢門一開全層開放式既餐廳!店內半幽暗既燈光,感覺好舒服,裝潢簡約加了點航海及海洋既元素好似舊式飛機、熱氣球、帆船、蜘蛛型吊燈燈飾等等,仲有自家「The captain's нoυѕe」霓虹燈,感覺挺時尚。呢度食物海產類特別富豐,因為佢地盛產海產為主,所以海鮮出名係正常既,同埋經常係Instagram 見到呢度既小龍蝦同海鮮都覺得好吸引呢!不過除左海鮮都有其他食物可選擇的。話晒都係海鮮餐廳,開放式既bar枱樓上掛住既三塊黑板仔,寫住當日既優惠同推介食物,當然唔小得是日最新鮮既生蠔推介同價格。睇睇船長會為我地準備咩野食先,首先點既當然係餐廳既主打生招牌, 【熱船長海鮮拼盤】,主食材分別有小龍蝦,蝦,青口,八爪魚仔,扇貝,蜆,翡翠螺,長腳蟹腳,共8款。有3個Package:👉🏻(3種海鮮-$398)👉🏻(5種海鮮-$548)👉🏻(8種海鮮-$798簡單清晰易明*亦可以另外加一隻活龍蝦或者虎蝦,以當日市價而定,客人可以因應自己胃口選擇。我們點了雜錦醬汁,即混合了蒜蓉汁、檸檬牛油汁、胡辣牛油汁,所以味道很濃相信大廚精選既香料搭配定必不錯的!最後揀左3種海鮮組合「蝦,八爪魚仔同埋扁貝」,當然加左萬眾期待既活龍蝦呢,市價係$350。主菜到來之前,會有印有Mr. Crab logo. 既圍裙提供以防整污穢件衫,同埋都有筒、有剪刀、叉、手套同濕紙巾!真係好細心。所選擇既海鮮煮熟後會放入收納袋封實,所選擇既醬汁會同時會加入袋內,袋內脹卜卜店員話因為要打氣入去可以令海鮮均勻咁同醬汁混合!經侍應多次搖至均勻後,剪開袋口入面就係我地等候已久既海鮮們啦。見到每樣海鮮都沾上了醬汁都流緊口水,比較濃味既雜錦醬汁,有一陣香噴噴既蒜蓉味同牛油味,好似bbq海鮮既感覺,裝滿滿既收納袋入面既份量非常多。無論係蝦或是八爪魚仔都大大隻,八爪魚仔比咬有咬口大蝦夠新鮮好彈牙,顏色又美而扁貝原隻上,好大隻好juicy當然主角既活龍蝦就更搶眼,我雙眼發光啊!龍蝦上台之後店員會幫我地切開見到肉量豐富,咬起黎啖啖肉,肉汁多,唔加任何醬汁已經有一種原有既鮮甜味,超值得一試。呢度新鮮爽口既海鮮,好食到停不了。美食當前,當然要用手套,不顧儀態直接用手拎黎食係最享受既。另外有原粒既薯仔、切件既粟米做伴菜同白肉腸,唔洗怕唔夠飽。粟米勁好甜,白肉腸唔咸又有雜感味,好惹味!兩個人食已經有飽肚感。鐘意點醬既朋友不仿多叫一份香草蒜蓉包($55),我係超級推薦的!超級鬆軟,本身蒜味十足既蒜包點左呢個,重牛油味既sauce超一流...真係不得了,小小辣味好爽。店舖既另一主打,無錯就係生蠔,水吧頂既小黑板會列明當新鮮既蠔種同價錢,通常都會有5到6款不等...不同國家既生蠔,口感,味道,尺寸都唔同,同海鮮拼盤激戰過後,只叫左2隻法國-Gillardean$52/1,比較有名氣既品種!主要特點係爽口同較為鹹味,因為本身既味道已經非常足夠,個人會只加上2到3滴檸檬汁不加茄汁,食起黎會更加鮮。溫馨提示,食得飽都好,千祈唔好錯過甜品,甜品menu唔會係主食menu入面,舉起隻手手問問侍應,甜品menu先會送上喔。大概5到6個選擇,我揀左既係蘋果批要豆腐雪糕($68)賣相好靚,先拍照!就即刻食啦因為個蘋果批熱辣辣上枱!下層肉桂味同蘋果混合了十分香口香脆,蘋果肉多而且夠晒甜,餅底做得夠好,唔會輕易就散開。加埋凍冰冰既豆腐雪糕,又冷又熱可算是雙重享受。總括感受:【環境】:枱與枱寬敞,坐得舒服,海洋歐美風的裝潢會令你放鬆的。【服務】:店員服務細心,每樣食物都會有少量講解。而且如果想慶祝生日的話員工會唱著生日歌拎著美美的甜品給你來過驚喜的一晚喔。【食物】:食物質素非常有驚喜,海鮮勁新鮮好食,龍蝦是我最推介的,雖則價格不便宜但你會覺得值得的。試過「The captain's house」的出品之後,我終於可以為另一位愛挑剔餐廳的朋友,重新作出認真的介紹啦! continue reading
(The above review is the personal opinion of an user which does not represent OpenRice's point of view.)
海鮮慶祝晚餐 Featured Review
Level4 2018-07-11
2220 views
香港人慶祝就是喜歡吃海鮮,和朋友慶祝他找到新工作,來吃海鮮大餐,有我們最喜歡的蝦蝦蟹蟹海鮮大餐。蟹餅$95先來個蟹餅小餅,蟹餅用上很多的手拆蟹肉做成,配上炸脆的面,再加上黃芥末醬,放在鐵板上,絲絲蟹肉透出啖啖鮮味,作為開頭,非常不錯。蟹肉釀磨菇$75再來試試店員推介的蟹肉釀蘑菇, 蘑菇的上面讓入蟹肉,再配上濃郁咸香的芝士。微微的用焗爐一焗,半溶的芝士十分誘人,十分香口,芝士醬十分充足,但是如果把全部芝士醬吃完會覺得過膩,還是適可而止吧。海鮮濃湯$85來了一個十分有風味的海鮮濃湯,海鮮濃湯不是只有湯,而是有一點米飯,很特別,海鮮濃湯比較像葡萄牙的海鮮飯,番茄味十足,配上魷魚、魚片、蝦等海鮮,蝦隻特別鮮味,還有切粒秋葵,入口有點黏黏的感覺,有趣。熱船長海鮮拼盤$398這是今天的主菜,海鮮拼盤。海鮮拼盤我們要了沒有吃過的小龍蝦、長腳蟹及蜆,並揀選了MIX的醬汁,微微辣,十分惹味。蜆肉連原個蜆殼煮的,不過有些肉已脫殼,蜆偏大隻,肉很鮮嫩,配上特製的醬汁,非常好味。熱的長腳蟹配上醬汁又是另一番風味,比起平常吃的凍長腳蟹有所不同。第一次吃小龍蝦,小龍蝦的味道原來挺特別,有種獨特的味道,但個人不太喜歡,早知道便叫蝦罷了。 海鮮拼盤還配有一些肉腸、薯仔及粟米,所以可以給人一點飽肚的感覺。香煎刺身帶子意大利粉$155因為今天比較肚餓,我們還是選了一個主菜,就是香煎刺身帶子意粉。刺身級的帶子只微微煎過表面,不用煎熟,非常有鮮味,而且經過火爐煎了一煎,香味更加突出,比吃刺身更好味。意粉不會煮得太淋,幼幼的有點咬口,入口剛好,醬汁調味濃淡也剛好適宜,只是未有太特別,說不出是什麼味道。環境、服務和食物也不錯,怪不得這裡常常爆滿,要訂座才能來到吃了! continue reading
(The above review is the personal opinion of an user which does not represent OpenRice's point of view.)
豐富海鮮袋🦀🐟🐙 Featured Review
Level4 2018-07-07
3249 views
適逢男朋友生日,又點可以只一餐好嘢,我之前食過呢間呢間係灣仔嘅分店,今日就尖沙咀食零一間睇吓有咩分別!座無虛席架,咁就知呢間有幾受大家歡迎啦~我本人係10分喜歡霓虹燈裝飾,比我見到呢度都有一個!即刻影低咗💡當晚有四款唔同嘅生蠔,分別係$52/1我地就同店員講我哋偏好甜抑或是海水味,creamy定爽口,店員根據我地喜好揀番比我地~店員揀得好好,果然岩我地心水👍嚟到呢度嘅重點就梗係海鮮袋啦!呢度同灣仔分店唔同嘅係,灣仔分店海鮮袋係分左一set set,呢到就係任揀嘅😆我地就揀左5款海鮮($548),分別係蝦、扇貝、蜆、翡翠螺同埋長腳蟹腳今次就揀咗檸檬牛油汁,我個人覺得檸檬牛油汁就係最好味嘅,因為佢可以提升咗所有海鮮嘅鮮甜味😋我相信都唔使講啲海鮮有幾新鮮同埋啖啖肉㗎啦,食完呢個海鮮袋真係都幾飽,重點重點係一定要食佢嘅粟米!因為真係好甜呀👍👍店員就問我哋使唔使加一個蒜蓉包,點海鮮袋入面嘅汁一齊食,蒜蓉包皮脆,中間超級鬆軟,吸左啲海鮮袋嘅汁之後又真係幾好味《香草牛油焗田螺》$85其實我個人都唔係好鍾意食田螺嘅,但係男朋友話要叫咁生日還是梗係要叫啦!點知我完全係喜出望外,田螺口感10分好,唔會太韌,激重牛油香,非常推薦要試呢個!最後最後就梗係要叫返個甜品寫返句生日快樂係上面啦~今次就叫左Creme brûlée~ 焦糖燉蛋口感滑,甜度適中,焦糖做得好脆~店員仲會一齊唱生日歌俾壽星仔聽㗎🎉氣氛十分之好!加分👏🏻 continue reading
(The above review is the personal opinion of an user which does not represent OpenRice's point of view.)
Captain seafood dinner Featured Review
Level4 2018-06-23
2478 views
食過灣仔個間,今次帶另外d朋友嚟尖沙咀H8 18/F食海鮮!烤原個蒜頭 $38配日本白麵使汁,好咸,哈哈!3大隻蒜頭,粒粒皆香口,重蒜味!配海鮮食添野味!配塔巴利耶灣蟹餅食一流,絕炒!小荳菜好好味好甜好青味!重點係蟹肉!上是菜外,是一個沙律辣味。蟹肉好重份量,係實。外面有麵包糠包住下,唔錯!入面有洋蔥 西芹同青椒用牛油炒過整,仲用鐵碟上保温,呵呵,放慢食!店員介紹二、三人可選3種or5種都夠食!我地想加虎蝦,所以叫左$398既熱船長海鮮拼盤,味道係檸檬牛油,想食清新口味!點蟹袋脹脹?店員話係廚師設計,打氣入去可以使海鮮更均勻地痴哂檸檬牛油汁同海鮮汁混合!唔會一舊舊汁咁,開左袋海鮮都好靚!翡翠螺好似有5粒超厚超大粒,好硬咬口,可能配辣汁會好食d!依加就海水味重d!長腳蟹腳勁大條,大家見相!4條5條蟹腳,大家費力開殼,好野開到!正喔,長長的蟹肉,汁檸檬牛油!一陣香檸味加海鮮味,啖啖肉!扇貝都有3粒度啦有膏有膏,全部有膏!依個個貝心好吸檸檬味道,微酸creamy。+虎蝦x2= $140手掌大咁濟!爽口彈牙,蝦腸顯易見,一叉就去左,食得爽!以為停?仲有好多粟米 薯仔同白肉腸!粟米同薯仔煮得好熟,好軟好入面,食返d澱粉質個胃知飽啦,舒服d嫁!粟米都好甜,真係有點估唔到西餐既粟米都可以件件甜!白肉腸都唔咸,食完唔會狂想飲水,少味精吧?!幾好!露絲瑪莉香草包 $55愛麵包既朋友話外面無見過,就叫左!唔係表面有香草就算,入面都有香草。外脆內軟,有d似係意大利餐廳食既餐包加啱啱又同黑醋個隻。我地就點有海鮮包既汁,精華!扒雜錦雜菜 $68大蘑菇無乜青味,菇味有既!小紅蘿蔔超清爽,帶甜,like依個!好正正,專登留返一條去食完海鮮清清口!茄子同黃瓜就扁扁地,燒烤過咁,頗入味既!厚青瓜就勁甜又厚,咁多海鮮就一定都要有菜既!焗揶威香草三文魚 198底層係有薯粒既薯泥,有少少蜜糖汁咁,食落有d甜味微cream。中間係尖豆角,收哂水!一層滿面香草既三文魚,好濃香草pesto味道,三文魚都大件夾既大家!依度環景幾好,180度望到尖沙咀既景。餐廳設計天花都好旅行feel。相當唔錯既餐廳for朋友聚會,屋企食飯! continue reading
(The above review is the personal opinion of an user which does not represent OpenRice's point of view.)
Shake Shake 海鮮袋 Featured Review
Level4 2018-06-22
1693 views
工作壓力大,一到假期又要搵好野食放縱下,平衡下心理!今日黎到The Captain’s House,呢度出晒名就係果個海鮮袋,今日終於可以試下喇!店內裝潢簡約,以白色為主調!餐廳亦加了不少航海及海洋既元素,有帆船⛵️、大魚、熱氣球、舊式飛機、Q版Mr. Crab等等,間隔都算寬敞,坐得舒服!睇睇Menu,原來呢度除左海鮮併盤,仲有小食、沙律、飯、意粉等以供選擇!在我苦惱之制,店員向我推介今日鮮店員態度親切,抵讚!先來沙律 - Captain’s Salad 新鮮既沙律菜,配以番茄仔及芝士粒,味道清清地,為我地一陣食海鮮而作準備嚴嚴夏日,先叫兩杯凍飲降降溫!估唔到Drink Menu好多選擇,有Cocktails、Mocktail、啤酒仲有紅/白酒!苦惱之制,見枱面有幾款做緊promotion ,最後揀左Summer Smoothies 蜜瓜味蜜瓜味濃唔在講,加左啲cream飲落去好滑,最緊要係唔太甜又夠凍,賣相又靚朋友就叫左杯Pink flamingos主菜未黎之前,店員以防食海鮮時會整污穢件衫,在枱上既小筒攞左兩件印有Mr. Crab logo. 既圍裙俾我地,呢件戰衣仲分左男女版,好特別 餐廳真係好細心,筒內仲備有剪刀、叉同濕紙巾!美食當前,我帶上手套唔顧儀態地直接用手拎黎食喇主角熱船長海鮮併盤終於出場喇!一上枱,店員會慢慢shake shake 個海鮮袋,就好似shake shake 薯條咁,真係好得意呀!店員為左令海鮮袋內既汁同海鮮完全融合,所以見佢都好認真咁Shake Shake店員仲主動話幫我地同個海鮮袋影相,服務真貼心!Shake 完之後,終於食得喇!我地叫左五款海鮮,有青口、扇貝、蜆、翡翠螺、長腳蟹腳 經過店員認真咁shake shake,可見每一個位置都沾滿醬汁!一打開個海鮮袋,香氣撲鼻 我地揀既係卡疆蒜蓉汁,蒜蓉味極濃,辣辣地好惹味!主角海鮮樣樣都有啲,可以一次過滿足晒幾個願望首先蜆雖然唔係好大粒,但肉嫩鮮甜,經shake shake後已沾滿醬汁,帶點辛辣又唔會cover左陣鮮味!青口口感creamy軟綿綿,扇貝大大粒好滿足,翡翠螺有點咬口,加埋個秘製醬汁真係好正!好物沉歸底,食食下先見到原來隻長腳蟹腳沉左落底!嘩!好大隻呀!仲粗過我隻手指肉質飽滿結實,用剪刀剪開,仲食到一疏疏既蟹肉!蟹肉好鮮甜多肉汁正正!除左海鮮外,呢個海鮮袋入面,仲有粟米、薯仔等等!薯仔係原隻上,粟米好甜友人真係好大食,當我已經好飽之制,仲話要加多個香煎刺身帶子意大利粉呢個意粉份量超多,帶子表面煎香,內裡係半生熟,好鮮甜意粉硬度適中,有少少咬口,確實好正,可惜我已經太飽,所以只可以食少少總括黎講,餐廳食物質素高,價錢合理,仲要樣樣都大大份,真係好滿足呀! continue reading
(The above review is the personal opinion of an user which does not represent OpenRice's point of view.)