Video
Read full review
2020-06-14
160 views
今次小弟第一次係openrice 寫食評，就因為實在太嬲食到一肚火，覺得呢間餐廳有太多假好評先企出黎講野，希望大家睇到我呢篇文章唔好中伏。呢間餐廳本來話自己係 $100-$200 價位，但入到去個餐單d 價位係貴到離譜，份量好少，每人食左$400 都唔飽，咁有陣時入錯餐廳食物份量少都無計，但最嬲係佢入座時無講明有時限，見你未食完一超時就趕你走。係，你無睇錯，佢地係會準時收走你既食物要你走，仲要黑晒面咁話你超時幾分鐘，最慘係佢主動行埋黎收錢時都會客客氣氣，收錢時都唔會講俾你聽有時限。收完錢就變臉準時收走你未食完既野，老實講，而家係打邊爐，90分鐘就要迫你走係想點？ 我唔係食緊快餐呀，而且仲要係幫襯佢地叫左d 頂級安格斯牛肉食既。收費都相當奇怪，醬油費原來係要另外收錢，但佢地一開始會同你講出面自己攞，又唔會提到要收錢。我真係未試過食任何一間火鍋店會收醬油錢又唔講聲。同埋張單會無啦啦on top d 牛肉收多你$70蚊，個服務員直接話唔駛理會佢地既計法，要我俾錢就得。我自問食過咁多餐廳，真係未試過食到咁嬲，大家要小心唔好盡信d 假好評，慎防被騙！
呢間餐廳本來話自己係 $100-$200 價位，但入到去個餐單d 價位係貴到離譜，份量好少，每人食左$400 都唔飽，咁有陣時入錯餐廳食物份量少都無計，但最嬲係佢入座時無講明有時限，見你未食完一超時就趕你走。
係，你無睇錯，佢地係會準時收走你既食物要你走，仲要黑晒面咁話你超時幾分鐘，最慘係佢主動行埋黎收錢時都會客客氣氣，收錢時都唔會講俾你聽有時限。收完錢就變臉準時收走你未食完既野，老實講，而家係打邊爐，90分鐘就要迫你走係想點？ 我唔係食緊快餐呀，而且仲要係幫襯佢地叫左d 頂級安格斯牛肉食既。
收費都相當奇怪，醬油費原來係要另外收錢，但佢地一開始會同你講出面自己攞，又唔會提到要收錢。我真係未試過食任何一間火鍋店會收醬油錢又唔講聲。同埋張單會無啦啦on top d 牛肉收多你$70蚊，個服務員直接話唔駛理會佢地既計法，要我俾錢就得。
我自問食過咁多餐廳，真係未試過食到咁嬲，大家要小心唔好盡信d 假好評，慎防被騙！
Post