貓員外酒吧餐廳

Open Now

Now Closed

最近我轉左新工後同老友都係銅鑼灣返工，收工就約埋去貓員外酒吧餐廳 RICHKAT PIZZA & BAR，因為我地都鐘意飲手工啤，而且環境好有氣氛，望住個靚景，同fd吹水岩晒。我地試左個手工啤酒品鑑套餐，呢個套餐有六杯唔同風味嘅啤酒。每一杯都獨具特色，由淡爽到濃烈都有，岩晒鐘意試新野嘅朋友！有幾杯都好特別，岩我地口味，飲落有清新果香，配食物簡直絕配。秀才 Golden Ale，輕盈清爽，帶有淡淡的麥芽香氣和微微的水果味。小二 Session Hazy IPA，濃郁的熱帶水果香氣，口感柔滑。 黑暗榮耀 Black IPA，結合了IPA的苦味同黑啤嘅烘焙風味，帶來獨特的複雜感。點咗瑪格麗特薄餅配手工啤，薄餅底薄脆，芝士融化，香氣十足，加上濃郁酸酸嘅番茄醬味道，好食。再點左香辣油封鴨肉意粉，味道幾有驚喜！鴨肉煮得非常嫩滑，油封嘅方法令鴨肉入味，香辣味道又唔會太過。意粉Q彈有咬勁，同鴨肉搭配得剛剛好！飲手工啤都係想食得香口濃味野，最後點埋蕃薯薯條，外脆內軟，味道好香甜！而且配上佢哋自家製嘅醬汁，絕對係完美嘅小食選擇。