Read full review
2012-10-15
9091 views
淺水灣酒店一向都係我同另一半嘅心頭好, 每逢天氣好, 都會好想去飲個下午茶... 酒店係1920年落成, 歷史悠久, 充滿殖民地色彩, 漫步其中, 可以回到過去, 懷愐一下殖民時期嘅情懷... 張愛玲嘅《傾城之戀》都係o係呢度拍o架... 荷李活電影《生死戀(Love Is a Many-Splendored Thing)》都係出現過呢個景, 講緊1955年喎... 簡直星光熠熠... 淺水灣酒店嘅露台餐廳,同尖沙咀半島酒店嘅露台餐廳係同一間餐廳, 質數有幾有保證, 你自己諗啦~另一半幾個月前見到淺水灣酒店露台餐廳有Sunday Brunch, 好吸引吓喎, 試過幾次打去Book位, 次次都Full晒, 最後決定提早2個月Book位, 保證有位之餘, 仲保證係窗口位... 2個月時間慢慢流逝, 期待已久的日子終於來臨啦!!! 星期日一早起身, 梳洗完畢, 長途跋涉, 攀山涉水, 向淺水灣進發~ 沿途冇乜塞車, 順利準時到達, Very Nice!!! 可惜... 今日天氣認真麻麻, 天陰陰咁, 隨時會落出傾盆大雨... 趁仲有十幾分鐘先夠鐘又未開始落雨, 我地係淺水灣酒店打個圈影吓相先
張愛玲嘅《傾城之戀》都係o係呢度拍o架... 荷李活電影《生死戀(Love Is a Many-Splendored Thing)》都係出現過呢個景, 講緊1955年喎... 簡直星光熠熠...
淺水灣酒店嘅露台餐廳,同尖沙咀半島酒店嘅露台餐廳係同一間餐廳, 質數有幾有保證, 你自己諗啦~
另一半幾個月前見到淺水灣酒店露台餐廳有Sunday Brunch, 好吸引吓喎, 試過幾次打去Book位, 次次都Full晒, 最後決定提早2個月Book位, 保證有位之餘, 仲保證係窗口位...
2個月時間慢慢流逝, 期待已久的日子終於來臨啦!!! 星期日一早起身, 梳洗完畢, 長途跋涉, 攀山涉水, 向淺水灣進發~
沿途冇乜塞車, 順利準時到達, Very Nice!!! 可惜... 今日天氣認真麻麻, 天陰陰咁, 隨時會落出傾盆大雨... 趁仲有十幾分鐘先夠鐘又未開始落雨, 我地係淺水灣酒店打個圈影吓相先~
海景位Full晒就要坐偏廳, 偏廳環境都唔錯, 高貴優雅, 清靜怡人... 似唔似鐵達尼號入面d貴族飲茶傾計嘅Common Room呢?
要Order咗Sunday Brunch嘅主菜先可以開動引擎... Sunday Brunch包括Appetisers Buffet, Main Courses, Dessert Buffet, Coffee or Tea... 張餐牌都靚過人, 印埋酒店嘅招牌外觀~
Main Courses嘅選擇有: -
. Poached egg on a toasted muffin garnished with Alaskan crab
. Fillet of Atlantic salmon on green asparagus
. New Zealand rack of lamb
. Eggplant parmigiano, crispy polenta
. Roasted pork loin garnished with braised red cabbage
經理推介Lamb Rack同Pork Loin... 我見出面咁多好o野食, 主菜唔想食得太飽, 所以揀咗Poached egg, 應該唔會好大份嘅啫... 另一半就揀咗Lamb Rack...
煙三文魚淨係望吓都知掂啦, 藝術品咁呀!!!
有我至愛嘅羊奶芝士呀, Yo Ho~
又蝦又帶子又鵝肝, 全部大大粒, 好足本呀... 睇到我瞳孔都跟住放大...
行一個圈已經令我進入瘋狂狀態... 我唔影相啦, 我要食o野啦)))
頭盤同甜品都係自助餐形式, All You Can Eat!!!
第二Round超超超有驚喜呀!!! 你地睇吓, 隻鱈場蟹(阿拉斯加帝王蟹)蟹腳幾咁粗壯, 唔係好似平時見到果d好似木筷子咁幼嘅蟹腳, 佢開咗邊都仲大隻過2對木筷子, 仲要咬落超鮮甜, 海水味散去後, 就到濃郁嘅蟹味, 好鮮甜好有咬口, d肉結實到不得了, 從未食過咁好味又咁啖啖肉嘅凍鱈場蟹腳, Ichiban x 100!!! 凍蝦又係掂到不得了, 從未食過咁大隻嘅凍蝦, 蝦頭d膏多到爆, 甘香到暈, 蝦身啖啖肉之餘, 仲超鮮甜超彈牙, 蝦味爆晒棚, 勁勁勁好味呀!!! 香草煙三文魚又係好得, 勁大片, 脂肪分佈好平均, 肉質軟腍, 淡淡嘅煙燻味, 唔會過鹹, 讚呀!!!
第三Round已經Encore第二Round, 哈哈, 好Crazy!!! 原本想再Encore多一Round, 但係其他食物都係超超超吸引, 要忍一忍口, 試吓其他食物先...
第四Round就o黎幹一番沙律事業!!! 沙律款式超多, 琳瑯滿目, 泰式、越式、印尼、充滿亞洲風情, 還有西式的... 可謂各適其適!!! 若然咁都仲唔啱你心水, 放心, 酒店方面亦供應自家撈沙律, 客人可在沙律Mixing Bowl自行調教自己最愛的口味, 我比10個讚呀!!!
印尼沙律好好味, 又帶又蝦又魷魚圈, 材料好鬼豐富... 泰式牛肉沙律好冶味, 但有d辣, 正是引人之處... 泰國青木瓜沙律, 酸May May, 好醒胃... 印度鷹嘴豆沙律好重咖哩味, 仲有舊好似牛丸咁嘅物體, 味道好特別, 我第一次食咋... 牛油果薯仔紅腰豆沙律, 好味又有益... 最正係, 咁多款沙律嘅沙律醬係完完全全唔同味o架, 唔似坊間嘅Buffet, 10盆沙律都1個味...
再o黎就到刺身啦!!! 三文魚刺身切成粒粒狀, 脂肪紋路清晰均勻, 肉質鮮嫩緊緻, 淨係睇個樣已經知道掂啦!!! 八爪魚刺身同油甘魚刺身都好新鮮~
廚師將煎好嘅鵝肝放入四方小碗內, 再加上黑醋煮成嘅醬汁, 正呀!!! 鵝肝煎到皮脆內嫩, 甘香撲鼻, 成個口腔都充滿鵝肝味, 黑醋汁醇厚中帶酸甜, 配鵝肝一流!!! Encore!!! Encore!!! Encore!!! 炸蝦丸d皮炸到熱辣辣好脆, 內裡爽口彈牙, 好香蝦味~
廚師Corner仲有即叫即制意粉, 材料簡單, 雖然只有長通粉、茄汁、芝士, 卻煮出真功夫!!! 好味到暈呀!!! Al Dente!!! 長通粉煮得剛剛好, 煙韌彈牙但唔硬, 好「有咬口」... 醬汁茄味濃郁酸度適中, d芝士碎好香呀!!! 點鮮可以煮得咁完美o架?!!
最估唔到, 連龍蝦湯都可以自行調配!!! 講緊係d龍蝦肉同芝士~ 仲有部長幫另一半盛湯, 之後另一半自己想落幾多龍蝦肉同芝士由另一半自己話事... 嘿嘿... 我妄想症又發作... 我開始幻想咁我咪可以拎一碗95%龍蝦肉嘅龍蝦湯, 真係諗吓都興奮~
現場有Live Band演奏, 氣氛好好!!! 仲前前後後最少6-8次行埋d客張枱度演奏生日歌... 仲有好多客人搵佢地合照...
New Zealand rack of lamb -- Honey嘅Main Course, 7成熟, 居然一d血水都冇, 肉質幼嫩, 完全唔韌, 好掂呀!!! 個廚嘅功力好深厚呀!!! 來自紐西蘭嘅羊架, 冇臊味, 靚嘅羊果然唔同d, 正!!!
鵝滿是快烙滴好耳痛, 鵝悶天天一戲個窗, 鵝們在殼習, 鵝悶載升脹, 鵝悶是春天滴化!!! (哈哈哈... 超無聊...)
Poached egg on a toasted muffin garnished with Alaskan crab -- 當我一見到呢碟藝術品, 腦海裡面聯想到嘅係... 春天花花!!! 好靚呀!!! 我成個人好似走咗入春天嘅花園一樣咁呀!!! 呀)))))) 唔捨得食呀!!! 點算好呀!!!
好, 返回現實!!! 切開佢睇睇先... Muffin麵包上面係蟹肉, 再上面係波蛋, 蛋面再放d蟹肉作點綴... Muffin好鬆軟, 蟹肉有海水味, 波蛋好神奇, 蛋白口感好似綿花, 蛋黃係生嘅, 我冇食到, 所有花花都被我食晒落肚, 好無情, 嘿嘿...
Tiramisu又係廚師現場即叫即制!!! 忌廉芝士、咖啡酒、可可粉、餅乾... 全部材料落幾多份量由你自己話事, 可以滿足所有客人嘅個人喜好, 好有Heart呀!!! 我要多d咖啡酒多d可可粉吖, 唔該~ 忌廉芝士軟滑無比, 咖啡酒同可可粉味道香濃, Yum Yum~
今日... 謎底終於解開!!! 原來好食嘅梳乎厘係真係好好好好食o架!!! 個焦糖皮好薄但好脆, 未食過個皮又薄又脆嘅梳乎厘, 只係食過個皮好似浸咗水嘅紙杯蛋糕咁嘅梳乎厘... 裡面食落口... 嘩... 好似食咗陣風咁, 轉瞬即逝, 點解會咁奇妙o架?!! 冇咬過冇吞過已經唔知滑咗去邊!!! 好利害呀!!! 藍梅味好好味, 藍草莓醒d!!! (嘿嘿, 有冇人知道最尾呢一句嘅出處呢? 無聊怪又發作啦)
雪糕有雲喱拿味、士多啤梨味、朱古力味、芒果味... 個人比較鍾意芒果味, 好似咬緊成條菲律賓芒果咁... 雲喱拿味雖然有雲喱拿籽, 不過味道唔太突出... 士多啤梨味冇太大驚喜...
Cream Brulee好有驚喜!!! 焦糖脆皮有薑味, 好似食緊中式薑汁燉蛋咁, 好好味!!!
生果好靚好新鮮, 西瓜清甜多汁, 菠蘿香甜美味, 藍莓好大粒, 未見過咁大粒嘅藍莓, 好甜, 一d都唔酸... 士多啤梨微酸帶果香...
食足3粒半鐘, 大滿足!!!
食飽飽都繼續坐多一陣, 享受一下呢度嘅懷舊氣息, 欣賞一下淺水灣嘅美麗景色...
全場爆滿, 服務員好忙碌但未有亂陣腳, 依然細心有禮, 果然訓練有素~ 搵佢地幫手影相都有少少唔好意思, 但係佢地仍然充滿笑容, 好有耐性咁話可以影到滿意為止, 好窩心~ 即席為大家服務嘅廚師亦有好幾個, 務求以食物嘅最佳狀態展示客人面前~
食材用料靚, 食物味道佳, 款式貴精不貴多, 服務超好, 環境一流... 你會話「咁貴, 好正常啫」... 有一點不可不提, 呢度嘅客人超有修養, 唔會狂搶食物, 只係拎自己要食嘅份量, 當鵝肝只剩低1碟, 2位男士互相讓比對方, 結果最後讓咗比我, 哈哈, 鷸蚌唔爭, 漁人得利~
.
Post