Video
Read full review
2020-09-16
785 views
本來難得開開心心同女朋友去試下呢間食串燒既餐廳，點知中伏去左間服務咁差既餐廳，先唔講食物既味道，自問我地兩個人算叫得多野食，但咁都要受到咁惡劣同無禮貌既服務態度，真係食過一次唔會再幫襯！完全係趕客，唔係做生意！呢間餐廳個女侍應係由頭到尾都黑口黑面，我地好心驚阻住人收工問幾點收鋪，佢答左9:30pm 收鋪，點知可以9 點幾左右粒聲唔出行埋黎將你枱上未食完既野全部清走，然後仲要講句 "你地完架喇"... 我心諗明明你地仲有十五分鐘先收鋪，根本係趕客。咁食物既然急住俾佢清晒都算了，問佢可唔可以叫多支 $240 既清酒飲，即刻被無禮拒絕兼串我地last order 完左好耐。。咁都算啦，但隔離枱即刻叫多杯啤酒又照俾喎，咁究竟間餐廳既last order 係幾點？我同女朋友食完都好受氣，感覺服務態度奇差仲要受到不公平既對待真係好有問題。我都想係度建議大家唔好考慮呢間餐廳，如果在乎服務態度的話千祈唔好搏，間野食物味道都中規中矩，唔值得消費仲要咁受氣！
呢間餐廳個女侍應係由頭到尾都黑口黑面，我地好心驚阻住人收工問幾點收鋪，佢答左9:30pm 收鋪，點知可以9 點幾左右粒聲唔出行埋黎將你枱上未食完既野全部清走，然後仲要講句 "你地完架喇"... 我心諗明明你地仲有十五分鐘先收鋪，根本係趕客。
咁食物既然急住俾佢清晒都算了，問佢可唔可以叫多支 $240 既清酒飲，即刻被無禮拒絕兼串我地last order 完左好耐。。咁都算啦，但隔離枱即刻叫多杯啤酒又照俾喎，咁究竟間餐廳既last order 係幾點？
我同女朋友食完都好受氣，感覺服務態度奇差仲要受到不公平既對待真係好有問題。
我都想係度建議大家唔好考慮呢間餐廳，如果在乎服務態度的話千祈唔好搏，間野食物味道都中規中矩，唔值得消費仲要咁受氣！
Post