Video
Read full review
2017-06-06
51 views
今日約左朋友係太子行街，行到攰想揾餐廳食晚餐，就見到呢間白雪雪好搶眼既餐廳，環境優美，坐滿客人好熱鬧，睇下餐牌已經好吸引，設計都好少女好多花好靚，好適合我地兩個女仔食下野影下相傾下計睇完餐牌後就立即有職員出來招呼我哋，之後我坐左係卡位等另一位朋友，見到每位來食飯既客人都同我地一樣，想揾個地方食下野傾下計，一坐低聽住柔和既音樂，望住咁靚既裝潢，立即心情都變得好卡位每個位置後面都有花草既佈置，最驚喜既係位置會有個小攬枕，令客人有更加舒服好似係屋企既感覺，不過最令人賞心悅目既係枱上面既瓷磚設計令本來無乜特別既木枱變得特別。細心睇下張枱仲有FREE WIFI 既貼紙貼住，原來有wifi提供，好貼心！首先登場既係凱撒沙律，內配有煙肉粒，碎麵包脆脆同芝士，生菜好新鮮青綠爽脆，雖然係簡單嘅沙律，但係出乎意料嘅好味同十分夾。小食就揀左車打芝士蔥餅，我朋友十分之喜歡，因為薄餅外有燒過特別香，皮薄煙韌，裏面有好香既芝士，而且仲可以拉絲好香口。之後就係餐湯-周打硯湯，睇佢個樣好似平平無奇，但一拎起原來勁足料，一匙大約有4隻細硯同粟米，香濃既菜味同海鮮味，份量岩岩好。我朋友就揀左黑松露帶子什菌意大利飯，帶子煙
睇完餐牌後就立即有職員出來招呼我哋，之後我坐左係卡位等另一位朋友，見到每位來食飯既客人都同我地一樣，想揾個地方食下野傾下計，一坐低聽住柔和既音樂，望住咁靚既裝潢，立即心情都變得好
卡位每個位置後面都有花草既佈置，最驚喜既係位置會有個小攬枕，令客人有更加舒服好似係屋企既感覺，不過最令人賞心悅目既係枱上面既瓷磚設計令本來無乜特別既木枱變得特別。
細心睇下張枱仲有FREE WIFI 既貼紙貼住，原來有wifi提供，好貼心！
首先登場既係凱撒沙律，內配有煙肉粒，碎麵包脆脆同芝士，生菜好新鮮青綠爽脆，雖然係簡單嘅沙律，但係出乎意料嘅好味同十分夾。
小食就揀左車打芝士蔥餅，我朋友十分之喜歡，因為薄餅外有燒過特別香，皮薄煙韌，裏面有好香既芝士，而且仲可以拉絲好香口。
之後就係餐湯-周打硯湯，睇佢個樣好似平平無奇，但一拎起原來勁足料，一匙大約有4隻細硯同粟米，香濃既菜味同海鮮味，份量岩岩好。
我朋友就揀左黑松露帶子什菌意大利飯，帶子煙燻過吾會煮得過熟，煎得金黃色，十分有肉感，飯方面都有重重既黑松露味。
我就揀左我中意既菠菜意大利飯，呢一款飯
有好多波菜，青瓜粒，有冬茹同雞髀菇，所以唔會因為意大利飯太林而冇口感，反而變得好有嚼勁，飯上面嘅芝士可以做到芝士拉絲既效果，味道香濃好creamy。
飲品方面，我地都叫左檸檬茶，我叫左少甜。
甜品方面比較有特色同吸引，我地叫左2款，第一款，雞尾酒菠蘿椰子布甸，見到佢白雪雪好似冇乜特別，但一擺入口，口感層次豐富，有香濃既菠蘿味，少少酒但又吾會搶左水果既味道，好清新既感覺。
另一款係香蕉拖肥批，有個好靚既樽裝住，上面仲有佢地既名牌，拖肥合桃粒係面，下一層有香滑cream加香蕉片，仲有餅乾碎做底，出乎意料地夾。下次都要再同朋友黎食過
Post
