Hami Harmony

256
32
14
1-min walk from Exit A, Prince Edward MTR Station continue reading
Telephone
23270665
Opening Hours
Today
12:00 - 23:00
Mon - Thu
12:00 - 23:00
Fri - Sat
11:30 - 23:30
Sun
11:30 - 23:00
Payment Method
Visa Master AE Cash UnionPay Alipay
Number of Seats
30
Other Info
Online Reservation
Wi-Fi
Alcoholic Drinks
May Bring Your Own Wine
Cake-cutting
Phone Reservation
Reward Dining Points
10% Service Charge
Spot payment
About
好Harmony!高質意式手工菜 X法式精美甜品
各位文青有福了!在太子的Hami Harmony,可品嚐細緻高質的意式手工菜和獨有的法式精美甜品!店主本身為資深的甜點師傅,喜愛傳授甜點知識,亦鍾情於自家製的手工意國菜,她將自己的願望融入店中,為這家手工意法餐廳定名為Hami Harmony,落戶太子,與店內的大廚合力設計菜單。運用中日食材入饌炮製意式手工佳餚,同時間,Harmony盡力施展她的創意甜品功力,創造獨有的靚靚甜品與下午茶tea set。

店主介紹必試【名物推介】!
「手工」之意,在於每個細節都一絲不苟,用人手去細心打造。不論是意粉、醬汁、調味料、以至甜品的用料,大多數都屬於自家製作,味道別緻,非常考心思。
店主特別推介:意粉Q彈入味的香煎鴨胸伴咸蛋自家製意大利粉、鮮甜濃郁的蟹肉海蝦燴意大利飯、大堆頭的佐酒名物小食拼盤(芝士條、BBQ汁雞翼、甜薯條、芝士蔥餅)、海膽車打芝士焗大啡菇、自家製拖肥醬的香蕉拖肥批、焗無麵粉特濃朱古力蛋伴紅桑子汁等。
餐牌會不定時更換,讓你可以keep住嘗到用心製作的特色美點!
About Reward Scheme
Review (328)
媲美星級質素的餐廳 Featured Review
Level4 2018-08-12
138 views
和太太到太子逛街買花,路經這家餐廳,看見那白色的門面和一束一束的花卉很有情調,再看看餐牌上的食物和價錢,便決定去這間餐廳品嘗。餐廳洋溢著意大利寫意風情,牆上畫架、酒瓶玻璃樽、天花板上一朵一朵的花朵,以至白色牆身,整體讓人很舒服輕鬆的感覺。我們二人叫了一客2人套餐, 包括小食一款、湯、主菜兩款、甜品兩款以及飲品兩款。【龍蝦湯配蟹肉】用茶壺裝住龍蝦湯,另外有兩個杯裝著蟹肉,茶壺下方 用蠟燭保暖,我將湯倒進杯裏,龍蝦湯嘅味道濃郁又不會過份是恰到好處,一絲絲的蟹肉更有口感,加上精緻茶壺和杯變得是視覺和味覺的享受。【安格斯有骨肉眼扒】太太喜歡吃牛扒,所以選了一份「美國14安士安格斯有骨肉眼扒」, 牛扒端來的時候,分量已叫人驚喜,再配上薯粒及沙律菜,外表已取悅太太,太太切了一口吃,已經說很不錯, 然後太太切了一件給我吃,果然,肉質不嚡,入口鬆化, 忍不住再叫太太切多一件給我吃,呢次是骨附近半帶脂肪的肉,原來更加好味,因為那種油脂並唔太漏,卻有一食即融化的口感,配埋沙律菜更能調和得宜,食得更滋味。【牛油汁蜆肉自家製蝦米幼長通粉】這是另外一道主菜,最大特色是自家製蝦米和幼長通粉 ,蝦米的size比想像中細 ,鹹香的味道有特別風味,而幼長通粉形狀似意大利粉,口感卻比意大利粉煙韌,通粉充斥著煮汁,混和芝士碎和蝦米一起吃是有趣的體驗,整體煮得香口,不錯。品嚐主菜後就到是日甜品了,原來是熱情果奶凍,酸酸甜甜很幼滑的口感, 沒有一般甜品的甜椰椰的感覺,我和太太食嗰甜品後,為這夜劃上完滿句號,這餐廳的食物美味道好比星級餐廳,值得再來回味! continue reading
(The above review is the personal opinion of an user which does not represent OpenRice's point of view.)
富有情調的美味晚餐 Featured Review
Level4 2018-07-26
784 views
今日行花墟幫屋企佈置一番,買了很多繡球花,心情馬上靚爆鏡。買完花,在太子放工的朋友打比我,想一齊食個晚飯,我當然奉陪啦,食好西我最愛。朋友係地頭蟲,一定由佢決定食咩啦,他的首選餐聽是Hami位於太子的西洋菜北街,好近花墟。到達後門面裝修得好靚,以白色為主,仲有花槽襯托,估唔到這區都會有咁特色的餐聽。內裏的佈置好有田園氣息,枱面的設計好有心思。行咗成個花墟當然好肚餓,馬上睇下餐牌有咩食,晚餐有二人餐,也有主餐牌任你點,今次先試主餐牌先。餐湯叫了二人份量的「龍蝦湯配蟹肉」賣相有驚喜,用上透明玻璃茶壺,而兩個玻璃杯內有小麥草同新鮮蟹肉,龍蝦湯在玻璃茶壺加熱後,倒進杯裏,和小麥草蟹肉混和後,鮮味馬上提升了,入口濃濃的龍蝦味,加上蟹肉的鮮甜,好好味。凱撒沙律另加了風乾火腿和煙三文魚,好似太貪心,但好好味,沙律菜好新鮮,有煙肉乾粒,還有香草加芝士碎,清新之選。燒一口鵝肝多士,鵝肝分量十足,內裏油香四溢,外皮煎得香脆,配上脆脆的多士,配酒一流。白酒忌廉煮青口,呢個也是必食之選,青口剛煮,白酒忌廉汁煮的好好,並配上少量沙律,略嫌份量較少,應該因為是太好吃了。主菜叫了「西班牙黑毛豬」配有炸薯角同沙律,黑毛豬時間煮得剛熟,唔會乾,肉汁仍然保留,加上特製的漿汁,非常好味。另加了「意式海鮮配龍蝦汁意大利粉」個意粉是餐廳自家制,好爽滑彈牙,而龍蝦汁鮮味濃郁,有翠玉瓜粒、蕃茄、青口、蝦、蜆肉,相當豐富。飲品要了「哈密瓜菠蘿梳打」梳打水配上哈蜜瓜和菠蘿蓉,令飲品出現漸變色的效果,味道酸酸甜甜開胃可口。紅酒🍷也很出色,因為選了les Jamelles-merlot 2014 ,好易入口,無酸澀味,很快已喝下一整杯。白酒點了Obsession-Symphony 2013,California,是餐廳推介的白酒,又香又純,凍飲真令人忘憂,主菜配上靚白酒,是完美的一餐。甜品方面,因為知道餐廳甜品是很出名的,所以減肥的朋友也要豁出去,叫了三款來試。首先講「香蕉拖肥批」用一個密封玻璃樽載著,特制的拖肥汁配上果仁碎,夾雜着自家制的忌廉層,中間還有香蕉片 ,真是好夾,好回味。另一款「蛋白脆餅拌鮮果熱情果汁」賣相吸引不在話,個餅底用上蛋白焗出一個脆餅,不會太甜,上面加上忌廉淋上熱情果汁,再加上新鮮藍莓、士多啤梨,幾重口感質感配合得天衣無縫。最後再加單叫了「伯爵紅茶焦糖燉蛋」上枱時微微溫暖,面頭的脆脆焦糖,做得很薄很薄,焦香味美,而伯爵紅茶配合燉蛋,香滑茶味濃度適中,為這完美的一餐畫上句號。 continue reading
(The above review is the personal opinion of an user which does not represent OpenRice's point of view.)
浪漫二人晚餐@太子 Featured Review
Level4 2018-07-25
563 views
今晚同honey嚟到太子撐檯腳, 食個二人晚餐。是日餐湯係南瓜湯, 南瓜蓉綿滑, 口感唔錯。白酒煮忌廉青口青口煮得啱啱好, 唔會韌。一份十隻左右, 唔算大隻, 但亦唔係迷你版。作為小食, 份量不多不少。14oz安格斯牛扒(有骨)牛扒好大塊, 中間啖啖肉, 骨位夾雜筋同脂肪。配薯角和沙律。牛油汁自製蝦米意大利粉意大利麵加入蝦米製成, 麵條粗幼平均, 表面較平時食開嘅意粉粗糙, 但我哋又幾鐘意呢個獨特嘅質感。是日甜品係紅莓布丁, 甜味不會太過, 帶一點酸, 好味。香蕉拖肥批一啖入口, 香蕉拖肥同忌廉融為一體, 非常creamy。為咗個靚靚拉花點左杯熱朱古力, 果然無令我地失望。玫瑰荔枝紅桑子梳打梳打放上檸檬片同士多啤梨裝飾, 睇見都透心涼。餐廳內仲有free wifi, 相約好友嚟hea下, 消磨下時間, 都幾寫意。 continue reading
(The above review is the personal opinion of an user which does not represent OpenRice's point of view.)
Level4 2018-07-21
202 views
叫男朋友揀間餐廳, 相信十個有八個都只會著眼於食物質素, 簡單啲嚟講即係"好食咪得囉!" 不過對於唔少女生而言, 一餐飯要食得開心又滿足, 食物質素只佔一部分, 餐廳氣氛同環境亦係重點!今日就為各位男朋友們介紹呢間鬧市中的小花園 - Hami. 呢度嘅裝修、擺設講究而不浮誇, 白色牆身, 配搭原木色檯凳。檯面上花色磚格, 帶一點民族氣息。店內外仲擺放咗不少花草裝飾。踏入餐廳, 感覺就好似走進入一間溫馨小木屋一樣。 Mocha $42 (跟餐半價)建議男生們!座低先點杯mocha。望見呢個貓咪拉花, 心都要被融化啦。二人晚餐送到!蒜香醬燒一口和牛粒$85 牛柳粒比較濃味, 但熱辣辣又幾惹味。美國14安士安格斯有骨肉眼扒 $278 牛扒較為多筋, 口感未算出色, 但肉味亦算香濃。牛油汁蜆肉自家製蝦米意大利粉 $138 自家製意粉, 同平時食嘅好唔同, 好似食緊手打魚麵咁, 鮮味彈牙, 口感獨特。意想不到嘅係, 呢度嘅甜品先係重點!伯爵紅茶法式焦糖燉蛋$45 敲破焦糖脆面, 下層燉蛋輕巧幼滑, 同時細味出我最愛嘅伯爵茶香。 焗無麵粉特濃朱古力蛋糕配紅桑子汁$58心形迷你蛋糕, 非常精緻, 中心以紅色桑子汁 點綴, 更灑上食用金粉, 成件小精品咁, 氹女朋友就要點呢個啦!小蛋糕口感濕潤細密, 朱古力味甚濃, 伴上酸甜桑子汁, 幸福美味。粉紅石榴香檸檬梳打$43 (跟餐半價)所有梳打以鮮果蓉製成, 天然清新。以走少女風嘅餐廳嚟講, 呢度嘅食物質素合格有餘, 滿足女朋友嘅少女心, 又不失實際, 值得推介。 continue reading
(The above review is the personal opinion of an user which does not represent OpenRice's point of view.)
太子區的意大利晚餐 Featured Review
Level4 2018-07-20
754 views
今日約了朋友到太子晚餐 ,估唔到太子近旺角警署有間咁特別很有田園feel嘅意大利餐廳, 就係畀它門面雪白潔淨所吸引, 就和朋友決定一試。其實餐廳入面唔算大, 但裝修自然, 座位擺放闊落, 食飯傾計也較為舒服自然。看完餐牌, 我就叫了個七成熟嘅美國14oz安格斯有骨肉眼扒和凍朱古力, 肉眼扒分量具大, 賣相吸引,令人垂涎三尺,簡直未吃已流曬口水。好在我非常肚餓,否則擔心吃不完。 這安格斯有骨肉眼扒肉脂平均,肉汁多, 加上口感軟熟, 牛肉味濃, 啱曬喜歡吃牛的我, 每一啖都十分惹味好食。 其餘配料還包括薯條,新鮮即炸, 並不是前期加工 ,吃得出是天然薯仔的味道。 而黑醋沙拉菜也是不錯, 黑醋酸酸咪咪的,加上新鮮嘅沙律菜,起來來十分開胃醒神。 朱古力甜甜的 ,朱古力加上忌廉,不消片刻已喝了一半,正!至於朋友就點了個 西班牙黑毛豬扒,肉質結實,口感味美, 同樣也是有薯條和沙律菜,味道惹味。還有龍蝦湯配蟹肉, 不是傳統的盛裝法, 用茶壺加兩個杯,夠曬特別。 味道方面,我就覺得這龍蝦湯十分香滑,好好飲。 continue reading
(The above review is the personal opinion of an user which does not represent OpenRice's point of view.)