Video
Read full review
2025-05-08
0 views
今日經過中環嘅元創方見到一間裝修好泰式泰式咖喱餐廳，於是決定入去試一試佢啲咖喱係咪好似佢哋嘅裝修一樣咁正宗！大蝦柚子沙津呢個沙律一上枱就已經好吸引，柚子嘅香味撲鼻而來！大蝦爽口彈牙，柚子肉酸酸甜甜，非常開胃。沙律醬汁調得啱啱好，唔會太酸或者太甜，同大蝦同柚子嘅味道好夾。如果柚子肉可以多啲就更加好啦！咖喱牛肋條配白飯咖喱牛肋條嘅份量都幾大，牛肋條炆得好腍，入口即溶，充滿咖喱嘅香味。咖喱汁夠晒濃郁，辣度適中，送飯一流！香辣炒手切和牛碎煎蛋配白飯呢個菜式真係好惹味！手切和牛碎炒得好香，辣度啱啱好，唔會太辣搶咗牛肉嘅味道。煎蛋煎得外脆內軟，蛋黃仲係半熟嘅，一切開蛋黃就流咗出嚟，撈飯一流！呢個餸真係好送飯！Coconut Ice Cream椰汁雪糕嘅椰香味好濃郁，口感幼滑，甜度適中，食完咁多濃味嘅嘢，食返個椰汁雪糕真係透心涼！佢仲有好多配料，包括花生、粟米同埋椰果肉。呢間泰式咖喱餐廳嘅食物質素都幾高，味道正宗，價錢合理，如果有下次機會我會想試埋佢個芒果糯米飯！BKK (中環)中環鴨巴甸街35號PMQ元創方A座Staunton地下SG09-SG14號舖
大蝦柚子沙津
呢個沙律一上枱就已經好吸引，柚子嘅香味撲鼻而來！大蝦爽口彈牙，柚子肉酸酸甜甜，非常開胃。沙律醬汁調得啱啱好，唔會太酸或者太甜，同大蝦同柚子嘅味道好夾。如果柚子肉可以多啲就更加好啦！
咖喱牛肋條配白飯
咖喱牛肋條嘅份量都幾大，牛肋條炆得好腍，入口即溶，充滿咖喱嘅香味。咖喱汁夠晒濃郁，辣度適中，送飯一流！
香辣炒手切和牛碎煎蛋配白飯
呢個菜式真係好惹味！手切和牛碎炒得好香，辣度啱啱好，唔會太辣搶咗牛肉嘅味道。煎蛋煎得外脆內軟，蛋黃仲係半熟嘅，一切開蛋黃就流咗出嚟，撈飯一流！呢個餸真係好送飯！
Coconut Ice Cream
椰汁雪糕嘅椰香味好濃郁，口感幼滑，甜度適中，食完咁多濃味嘅嘢，食返個椰汁雪糕真係透心涼！佢仲有好多配料，包括花生、粟米同埋椰果肉。
呢間泰式咖喱餐廳嘅食物質素都幾高，味道正宗，價錢合理，如果有下次機會我會想試埋佢個芒果糯米飯！
BKK (中環)
中環鴨巴甸街35號PMQ元創方A座Staunton地下SG09-SG14號舖
Post
