Pizza Piazza (Closed)

今日係長沙灣MCL睇完午場之後有啲肚餓，經過依間Pizza Piazza見到menu好似唔錯就入左去～menu有好多選擇，雖然間餐廳主打Pizza，不過都有其他嘢食，我叫左個睇落最吸引既終極漢堡嚟試下落單後首先會送上熱辣辣嘅餐包，配上牛油一齊食。等左唔係好耐，個終極漢堡已經送到。個set除左有終極漢堡，仲有薯條同青檸荔枝梳打。終極漢堡既配料非常豐富！！有一塊好厚嘅漢堡、巴拿馬火腿、洋蔥、番茄、芝士同生菜。漢堡我叫左5成熟，肉質嫩滑而且充滿肉汁，食完真係好滿足呢度仲會提供四隻醬汁用黎配薯條食，包括有黑松露野菌汁、秘製辛辣醬、法式芥末醬同茄汁，而我覺得黑松露野菌最正，個黑松露味好香又濃淡適中。除左個漢堡餐外，我仲叫左個堅水牛城雞翼嚟食下個雞翼本身辣辣地好惹味，配埋伴碟嘅濃厚芝士醬更加正。最後就係杯青檸荔枝梳打，甜度啱啱好，幾清新。